కుమార్ మంగళం బిర్లా

కుమార మంగళం బిర్లా (జననం: 1967 జూన్ 14) భారతీయ పారిశ్రామికవేత్త, ఆదిత్య బిర్లా గ్రూప్ అధ్యక్షుడు. గ్రాసిం, హిండాల్కో, అల్ట్రాటెక్ సిమెంట్, ఆదిత్య బిర్లా నువో, ఐడియా సెల్యులర్, ఆదిత్య బిర్లా రిటెయిల్, కెనడాకు చెందిన ఆదిత్య బిర్లా మినక్స్ మొదలైన కంపెనీలు ఈ గ్రూపులో ఉన్నాయి. ఈయన బిర్లా ఇన్స్టిట్యూట్ ఆఫ్ టెక్నాలజీ అండ్ సైన్స్ (బిట్స్ పిలాని)కు కులపతి. వోడాఫోన్ ఐడియా కు చైర్మన్ గా ఉన్నారు.

కుమార మంగళం బిర్లా
లాలూ ప్రసాద్ యాదవ్ నుండి జె.ఆర్.డి.టాటా కార్పొరేట్ లీడర్‌షిప్ అవార్డ్ స్వీకరిస్తున్న కుమార్ మంగళం బిర్లా
జననం	(1967-06-14) 1967 జూన్ 14 భారతదేశం
జాతీయత	భారతీయుడు
వృత్తి	Chairman of Aditya Birla Group
నికర విలువ	US$7.9 billion (2010)

జీవితం, వృత్తి

కుమార మంగళం బిర్లా రాజస్థాన్ రాష్ట్రంలో మార్వాడీ వ్యాపారులైన బిర్లాల కుటుంబంలో జన్మించారు. చార్టర్డ్ అకౌంటంట్ అయిన కుమార మంగళం బిర్లా లండన్ బిజినెస్ స్కూల్‌లో ఎంబిఎ చేసాడు. ప్రస్తుతం అక్కడ గౌరవ సభ్యుడు కూడా. అతని భార్య నీరజ కస్లివాల్. వారికి అనన్యశ్రీ, అర్యమన్ విక్రం,, అద్వైతేశ అని ముగ్గురు పిల్లలు ఉన్నారు.

పురస్కారాలు, గౌరవాలు

ఆదిత్య బిర్లా గ్రూప్‌కు అధిపతిగా ఉంటూ పరిశ్రమకు, యాజమాన్య పద్ధతులకు కుమార్ మంగళం బిర్లా అందించిన సేవలకు గాను గుర్తింపుగా అనేక పురస్కారలు గౌరవాలు పొందాడు.

2006

• ఎర్నెస్ట్ అండ్ యంగ్ వారి అకాడమీలో సభ్యత్వం.

2005

• "ఎర్నెస్ట్ అండ్ యంగ్ వారి ఈ ఏటి మేటి ప్రపంచ పారిశ్రామికవేత్త - భారతదేశం"
• బిజినెస్ టుడే వారిచే "ఉత్తమ యువ నిర్వాహకుడు"గా ఎంపిక.
• PHD చాంబర్ ఆఫ్ కామర్స్ అండ్ ఇండస్ట్రీ — ఉద్యోగ రత్న

2004

• దావోస్ లోని వరల్డ్ ఎకనామిక్ ఫోరం వారు యువ ప్రపంచ నేతగా గుర్తించారు.
• వ్యాపార రంగానికి చేసిన విశిష్టమైన సేవలకుగాను, బెనారస్ హిందూ విశ్వవిద్యాలయం ఇతనికి గౌరవ డి.లిట్. పట్టాను ఇచ్చింది.
• అల్ ఇండియా మేనేజ్ మెంట్ అసోసియేషన్ వారు గౌరవ ఫెలోషిప్ తో సత్కరించారు.

2003

• ఎకనామిక్ టైమ్స్ పురస్కారాలలో "ఈ ఏడాది వ్యాపార నాయకుడు"గా గుర్తింపు
• బిజినెస్ ఇండియా వారిచే "ఈ ఏడాది వ్యాపార వేత్త - 2003"గా నామకరణం. ఒకే సంవత్సరంలో ఈ రెండు పురస్కారాలను వేరెవరూ అందుకొకపోవడం విశేషం.

2002

• క్విమ్ప్రో ఫౌండషన్ వారి "క్విమ్ప్రో ప్లాటినం స్టాండర్డ్ అవార్డ్".

2001

• ద నేషనల్ HRD నెట్వర్క్ (పూణే) వారి "ఈ ఏటి అత్యుత్తమ వ్యాపార వేత్త"
• "వ్యాపార దక్షతకు , పరిశ్రమకు చేసిన సేవ"కు గుర్తింపుగా ద జైన్ట్స్ ఇంటర్నేషనల్ అవార్డ్
• ద ఇన్స్టిట్యూట్ ఆఫ్ డైరెక్టర్స్ వారి "వ్యాపార నాయకత్వానికి గాను బంగారు నెమలి పురస్కారం"

2000

• ద బోంబే మేనేజమేంట్ అసోసియేషన్ వారి "ద మేనేజమేంట్ మెన్ ఆఫ్ ద ఇయర్ 1999-2000" .

1999

• లయన్స్ క్లబ్ ఇంటర్నేషనల్ వారి "ద అచీవర్ ఆఫ్ ద మిలీనియం"
• అహమదాబాద్ రోటరీ క్లబ్ వారి "ద లెజెండ్ ఆఫ్ ద కార్పోరేట్ వరల్డ్"

బాహ్య లింకులు

• ఆదిత్య బిర్లా గ్రూప్
• హిందాల్కో
• గ్రాసిం
• ఆదిత్య బిర్ల నువో Archived 2011-02-02 at the Wayback Machine
• నోవెలిస్
• ఐడియా సెల్యులర్ Archived 2008-08-28 at the Wayback Machine
• ఆదిత్య బిర్ల రిటైల్
• ఆదిత్య బిర్ల మినక్స్
• ఫోర్బ్స్.కం: ఫోర్బ్స్ వారి ప్రపంచంలో ధనికులు Archived 2010-05-06 at the Wayback Machine
• రిడిఫ్ వారి బిర్ల యొక్క జీవితచరిత్ర
• బిట్స్ పిలానికి కుమార్ మంగళం బిర్లా కులపతి , శోబన భారతీయ సహాయక కులపతి