డయానా ఎడుల్జీ
డయానా ఫ్రామ్ ఎడుల్జీ (జననం 1956 జనవరి 26) మాజీ భారత మహిళా టెస్ట్ క్రికెటర్. ముంబైలో పార్సీ కుటుంబంలో జన్మించిన ఆమె చిన్న వయసులోనే క్రీడలకు ఆకర్షితురాలయింది. ఆమె నివసించిన రైల్వే కాలనీలో టెన్నిస్ బంతితో క్రికెట్ ఆడుతూ పెరిగింది. ఆమె క్రికెట్ వైపుకు మళ్ళే ముందు జాతీయ స్థాయి జూనియర్ బాస్కెట్‌బాల్, టేబుల్ టెన్నిస్ ఆడింది. మాజీ టెస్ట్ క్రికెటర్ లాలా అమర్‌నాథ్ నిర్వహించిన క్రికెట్ క్యాంప్‌లో ఆమె తన నైపుణ్యాలను మెరుగుపర్చుకుంది. ఆ సమయంలో భారతదేశంలో మహిళల క్రికెట్ ప్రాచుర్యం పొందుతూ ఉంది. డయానా అప్పుడు రైల్వేలకు, ఆ తరువాత భారత జాతీయ క్రికెట్ జట్టుకూ ఆడింది, ఆమె ఎడమచేతి వాటం స్లో ఆర్థడాక్స్ బౌలర్. ఆమె 1975 లో తన మొదటి సిరీస్ ఆడింది. 1978 లో ఆమెను జట్టుకు కెప్టెన్‌గా నియమించారు. ప్రపంచవ్యాప్తంగా టెస్టుల్లో అత్యధిక వికెట్లు సాధించిన వారిలో ఆమె మూడవ స్థానంలో నిలిచింది.[1]
| వ్యక్తిగత సమాచారం | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | డయానా ఫ్రామ్ ఎడుల్జీ | |||||||||||||||||||||||||||||||||||||||
| పుట్టిన తేదీ | 1956 జనవరి 26 ముంబై, మహారాష్ట్ర, India | |||||||||||||||||||||||||||||||||||||||
| బ్యాటింగు | కుడి చేతి వాటం | |||||||||||||||||||||||||||||||||||||||
| బౌలింగు | ఎడమ చేతి స్లో ఆర్థడాక్స్ | |||||||||||||||||||||||||||||||||||||||
| పాత్ర | ఆల్ రౌండరు | |||||||||||||||||||||||||||||||||||||||
| అంతర్జాతీయ జట్టు సమాచారం | ||||||||||||||||||||||||||||||||||||||||
| జాతీయ జట్టు | ||||||||||||||||||||||||||||||||||||||||
| తొలి టెస్టు (క్యాప్ 3) | 1976 అక్టోబరు 31 - వెస్టిండీస్ తో | |||||||||||||||||||||||||||||||||||||||
| చివరి టెస్టు | 1991 ఫిబ్రవరి 19 - ఆస్ట్రేలియా తో | |||||||||||||||||||||||||||||||||||||||
| తొలి వన్‌డే (క్యాప్ 6) | 1978 జనవరి 1 - ఇంగ్లాండు తో | |||||||||||||||||||||||||||||||||||||||
| చివరి వన్‌డే | 1993 జూలై 29 - డెన్మార్క్ తో | |||||||||||||||||||||||||||||||||||||||
| కెరీర్ గణాంకాలు | ||||||||||||||||||||||||||||||||||||||||
| ||||||||||||||||||||||||||||||||||||||||
మూలం: Cricinfo, 2020 ఏప్రిల్ 25 | ||||||||||||||||||||||||||||||||||||||||
మహిళల టెస్టు క్రికెట్ చరిత్రలో అత్యధిక బంతులు వేసిన బౌలరుగా ఆమె పేరిట రికార్డు (5098 కి పైగా) ఉంది [2]
1983 లో ఆమె భారతదేశపు అత్యున్నత క్రీడా పురస్కారం అర్జున అవార్డును అందుకుంది. 2002 లో భారత ప్రభుత్వం పద్మశ్రీ ప్రదానం చేసింది.[3] 2017 జనవరి 30 న సుప్రీంకోర్టు ఆమెను బిసిసిఐ పరిపాలన ప్యానెల్‌లో నియమించింది.[4]
1986 లో, భారతదేశానికి కెప్టెన్‌గా ఇంగ్లాండ్ పర్యటనలో ఉన్నప్పుడు ఎడుల్జీకి లార్డ్స్ పెవిలియన్‌లో ప్రవేశం నిరాకరించారు. అప్పుడామే MCC ( మేరీలెబోన్ క్రికెట్ క్లబ్) పేరును MCP ("మేల్ చావనిస్ట్ పిగ్స్") గా మార్చుకోవాలని ఆమె చురక వేసింది.[5]
మూలాలు మార్చు
- ↑ "Records | Women's Test matches | Bowling records | Most wickets in career | ESPNcricinfo". Cricinfo. Archived from the original on నవంబరు 29, 2018. Retrieved 2018-11-29.
- ↑ "Records | Women's Test matches | Bowling records | Most balls bowled in career | ESPN Cricinfo". Cricinfo. Archived from the original on మార్చి 23, 2019. Retrieved 2017-05-03.
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 19 అక్టోబరు 2017. Retrieved జూలై 21, 2015.
- ↑ "Diana Edulji, the Cricketer Trusted to Run BCCI". Retrieved జనవరి 31, 2017.
- ↑ Hopps, David (ఏప్రిల్ 29, 2006). Great Cricket Quotes. Robson Books. p. 143. ISBN 978-1861059673.