సర్వాంగాసనము

సర్వాంగాసనము (సంస్కృతం: सर्वाङ्गसन) యోగాలో ఒక విధమైన ఆసనము. శరీరంలోని అన్ని అంగాలకు ఉపయోగపడే ఆసనం కాబట్టి దీనికి సర్వాంగాసనమని పేరు వచ్చింది.

సర్వాంగాసనం

పద్ధతి

• మొదట శవాసనం వేయాలి.
• తరువాత హలాసనంలో వలె కాళ్ళను మెల్లమెల్లగా తలవైపు వంచాలి.
• నడుమును చక్కగా చేసి రెండు చేతులతో పట్టుకోవాలి.
• ఆ తరువాత కాళ్ళను మెల్లగా పైకి ఎత్తి నిటారుగా ఉంచాలి. పాదాలు, పిక్కలు, తొడలు, నడుము అన్నీ చక్కగా నిటారుగా ఉండేటట్లు జాగ్రత్త వహించాలి.
• కళ్ళు మూసుకొని కొద్ది క్షణాలు శ్వాసను మెల్లగా పీల్చి, మెల్లగా వదులుతూ ఉండాలి.
• మెల్లమెల్లగా కాళ్ళు తలవైపు ఉంచి, నడుమును ముందుగా నేలపై ఆనించిన తర్వాత కాళ్ళు ఆనించాలి.
• కొద్దిసేపు శవాసనంలో విశ్రాంతి తీసుకోవాలి.

ప్రయోజనం

• సర్వాంగాసనం మెడలోని అవటు గ్రంధిని ఉత్తేజపరచి రక్తప్రసారం పెంచుతుంది.
• ఈ ఆసనం మూలవ్యాధి, వరిబీజము వంటి వ్యాధులను నివారిస్తుంది.
• ఇది జననేంద్రియాల స్వస్థతను పెంచుతుమ్ది. స్త్రీలలో ఋతుచక్రంలోని దోషాలను తొలగిస్తుంది. పురుషులలో నపుంసకత్వాన్ని తొలగిస్తుంది.
• ఇది ఊపిరితిత్తులకు రక్తప్రసారం సక్రమంగా జరగడం వలన వాటి సామర్థ్యం పెరుగుతుంది.

హెచ్చరిక

అధిక రక్తపోటు, వెన్నెముక సంబంధిత వ్యాధులతో బాధపడేవారు, గుండె జబ్బులు కలవారు సర్వాంగాసనం వేయరాదు.