సెహ్రా

ముస్లింలు వివాహ సమయంలో పెళ్ళికుమారునికి వేసే పూల ముసుగును సెహ్రా అంటారు.పెళ్లికి ముందు జరిగే ఊరేగింపులో పెళ్ళి కుమారునికి దీనిని ధరింపజేసి గుర్రంపై లేదా కారు, జీపు, ఎద్దులబండి, గుర్రంబండి, సైకిలు వంటి వాహనాలపై ఈ ఉత్సవాన్ని నిర్వహిస్తారు.సాధారణంగా పెళ్ళి కొడుకు ఇంటి నుంచి లేదా విడిది ఇంటి నుంచి సెహ్రా ధరించిన పెళ్ళికొడుకుని ఊరేగింపుగా పెళ్ళికూతురు ఇంటి వద్దకు లేదా పెళ్ళి మండపం వద్దకు తీసుకువెళ్లతారు. ఈ సెహ్రాను మల్లె పూలతో లేదా తెల్ల గన్నేరు పూలతో లేదా ఇతర కొన్ని రకాల తెల్లని పూలతో తయారు చేస్తారు.

గుర్రంపై సెహ్రాను ధరించిన పెళ్ళి కుమారుడు

ఇతర సమాజాలలో సెహ్రా

ముస్లిముల పెండ్లిండ్లలోనే గాక హిందువులు, సిక్కులు, జైనులు, బుద్ధులు మొదలగు మతసంబంధ సమాజలలో ఈ సెహ్రా సామాన్యంగా కానవస్తుంది. ఉదాహరణకు రాజస్థాన్ లోని రాజపుత్రుల వివాహ సందర్భాలలో సామాన్యం.