1904 వేసవి ఒలింపిక్ క్రీడలు

1904లో మూడవ ఒలింపిక్ క్రీడలు అమెరికాలోని సెయింట్ లూయీస్లో నిర్వహించబడ్డాయి. జూలై 1న ప్రారంభమైన ఈ క్రీడలు నవంబర్ 23 వరకు ప్రస్తుతం ఫ్రాన్సిస్ ఫీల్డ్‌గా పిల్వబడుతున్న సెయింట్ లూయీస్ లోని వాషింగ్టన్ విశ్వవిద్యాలయంలో నిర్వహించబడినవి. వాస్తవానికి ఈ క్రీడలు చికాగో నగరం నిర్వహించడానికి బిడ్ గెల్చిననూ ఏక కాలంలో రెండు అంతర్జాతీయ పోటీలను నిర్వహించడానికి లూయిసియానా పర్చేజ్ ఎక్స్పోజిషన్ ఒప్పుకోకపోవడంతో చివరికి సెయింత్ లూయీస్ నగరానికి మార్పు చేయవలసి వచ్చింది. ఈ ఒలింపిక్ క్రీడలలో 17 క్రీడలు, 91 క్రీడాంశాలు నిర్వహించగా నిర్వాహకదేశమైన అమెరికా అత్యధికంగా 79 పోటీలలో నెగ్గి ఎవరికీ అందనంత ఎత్తులో నిలబడింది. రెండో స్థానంలో ఉన్న జర్మనీకి కేవలం 4 స్వర్ణాలు మాత్రమే వచ్చాయి. 12 దేశాల నుంచి 651 క్రీడాకారులు ఈ క్రీడలలో పాల్గొని తమ ప్రతిభాపాటవాలను ప్రదర్శించారు.

అత్యధిక పతకాలు పొందిన దేశాలు మార్చు

నిర్వాహక దేశమైన అమెరికా దాదాపు 80% స్వర్ణాలను సాధించి ఈ పోటీలలో ఏకఛత్రాధిపత్యం వహించింది. జర్మనీ, క్యూబా, కెనడాలు చెరో 4 బంగారు పతకాలను చేజిక్కించుకున్నాయి. 12 దేశాలు పాల్గొన్న ఈ పోటీలలో 9 దేశాలు స్వర్ణాలు సాధించాయి.

స్థానం	దేశం	స్వర్ణ పతకాలు	రజత పతకాలు	కాంస్య పతకాలు	మొత్తం
1	అమెరికా	79	83	80	242
2	జర్మనీ	4	4	5	13
3	క్యూబా	4	2	3	9
4	కెనడా	4	1	1	6
5	హంగేరీ	2	1	1	4
6	బ్రిటన్	1	1	0	2
6	సంయుక్త జట్టు	1	1	0	2
8	గ్రీసు	1	0	1	2
8	స్విట్జర్లాండ్	1	0	1	2
10	ఆస్ట్రియా	0	0	1	1