ఉప్పెన (సినిమా)
ఉప్పెన 2021 లో విడుదలైన తెలుగు సినిమా. సుకుమార్ రైటింగ్స్, మైత్రి మువీ మేకర్స్ లు సంయుక్తంగా నిర్మించిన ఈ సినిమాకు సానా బుచ్చిబాబు దర్శకత్వం వహించాడు.[2] ఈ చిత్రం ద్వారా పంజా వైష్ణవ్ తేజ్, కృతుశెట్టిలు పరిచయమయ్యారు. ఈ చిత్రంలో విజయ్ సేతుపతి ప్రధాన పాత్రలో నటిస్తున్నాడు.[3] ఈ సినిమాకు దేవీశ్రీ ప్రసాద్ సంగీతాన్నందించాడు.[4]ఈ సినిమా 14 ఏప్రిల్ 2021న నెట్‌ఫ్లిక్స్‌ విడుదలైంది.[5][6]
| ఉప్పెన | |
|---|---|
 సినిమా పోస్టర్ | |
| దర్శకత్వం | బుచ్చిబాబు సానా |
| రచన | బుచ్చిబాబు సానా |
| నిర్మాత | నవీన్ ఎర్నేని, వై. ర‌విశంక‌ర్ |
| తారాగణం | వైష్ణవ్ తేజ్, కృతి శెట్టి,విజయ్ సేతుపతి |
| ఛాయాగ్రహణం | షమ్‌దత్ సైనూదీన్ |
| కూర్పు | నవీన్ నూలి |
| సంగీతం | దేవి శ్రీ ప్రసాద్ |
నిర్మాణ సంస్థలు | మైత్రి మూవీ మేకర్స్ సుకుమార్ రైటింగ్స్ |
విడుదల తేదీ | 2021 ఫిబ్రవరి 12 |
సినిమా నిడివి | 147 నిమిషాలు |
| దేశం | భారతదేశం |
| భాష | తెలుగు |
| బాక్సాఫీసు | est. 84 కోట్లు [1] |
69వ జాతీయ చలనచిత్ర అవార్డ్స్‌లో ఈ సినిమా జాతీయ ఉత్తమ తెలుగు సినిమాగా జాతీయ అవార్డుకు ఎంపికయింది.[7]
తారాగణం సవరించు
- ఆసిగా వైష్ణవ్ తేజ్
- సంగీత శృతిగా కృతి శెట్టి
- విజయ్ సేతుపతి శేష రాయణం \ రాయణంగా
- గాయత్రి జయరామన్ సంగీత తల్లిగా [8]
- రాజ్‌శేఖర్ అన్నింగి
- మాస్టర్ రాఘవన్ యువ ఆసి [9]
కథ సవరించు
ఆశీ (వైష్ణవ్ తేజ్) ఉప్పాడ గ్రామంలోని మత్య్సకార కుటుంబానికి చెందిన సాధారణ యువకుడు.తండ్రి చేసే చేపల వ్యాపారానికి సహాయం చేస్తూ ఉంటాడు. ఉప్పాడ గ్రామానికి గ్రామ పెద్ద, రాయణం (విజయ సేతుపతి) తన కూతురు బేబమ్మ అలియాస్‌ సంగీత (కృతి శెట్టి). ఆశీ (వైష్ణవ్ తేజ్)చిన్నప్పటి నుంచి బేబమ్మను ప్రేమిస్తుంటాడు. కానీ ఈ విషయం బేబమ్మకు తెలియదు. మరోవైపు రాయణానికి పరువు అంటే ప్రాణం. పరువు కోసం ఎంతటి దారుణానికికైనా పాల్పడుతాడు.తన కూతురు ఎక్కడ ప్రేమలో పడి తన పరువు తీస్తుందనే భయంతో కుర్రాళ్ల గాలి తగలకుండా ఉమెన్స్‌ కాలేజీలో జాయిన్‌ చదివిస్తాడు.తన కూతురు కోసం స్పెషల్‌గా గ్రామానికి ఓ బస్సును కూడా వేయిస్తాడు. అయినప్పటికీ కొన్ని కారణాల వల్ల బేబమ్మ ఆశీతో ప్రేమలో పడిపోతుంది. ఈ విషయం రాయణానికి తెలిసి తన కూతురు బేబమ్మను కట్టడి చేసే ప్రయత్నం చేస్తాడు. దీంతో బేబమ్మ ఆశీతో కలిసి లేచిపోతుంది.కానీ కొన్ని ఊహించని పరిణామాల రీత్యా కథ మరో విధంగా మలుపు తిరుగుతుంది. చివరకు ఈ జంట ఎలా ఒక్కటైందనేదే మిగతా కథ.[10][11]
సాంకేతిక వర్గం సవరించు
- సమర్పణ: అనిల్ సుకర
- రచన, దర్శకత్వం: సానా బుచ్చిబాబు
- సంగీతం: దేవిశ్రీ ప్రసాద్
మూలాలు సవరించు
- ↑ https://timesofindia.indiatimes.com/entertainment/telugu/movies/box-office/uppena-mints-rs-70-crore-in-first-week-vaishnav-tej-and-vijay-sethupathi-starrer-is-unstoppable/articleshow/81106896.cms
- ↑ "అఫీషియల్.. 'ఉప్పెన'లా వస్తోన్న వైష్ణవ్ తేజ్". Telugu Samayam. Retrieved 2019-08-22.
- ↑ "Panja Vaisshnav Tej's debut film titled Uppena". Indian Express. Retrieved 2019-08-13.
- ↑ Boy, Zupp (2021-02-12). "Uppena Review: Vaishnav Tej and Krithi Shetty starrer is Predictable but emotional". Moviezupp (in అమెరికన్ ఇంగ్లీష్). Retrieved 2021-02-13.
- ↑ NTV-Telugu News (14 April 2021). "నెట్ ఫ్లిక్స్ లో "ఉప్పెన"". NTV-Telugu News. Archived from the original on 18 మే 2021. Retrieved 18 May 2021.
- ↑ Andhrajyothy (2 July 2021). "టాలీవుడ్‌ రివ్యూ: కరోనా కాటేసిన ఆరు నెలల్లో!". andhrajyothy. Archived from the original on 2 జూలై 2021. Retrieved 2 July 2021.
- ↑ "National Awards 2023: జాతీయ ఉత్తమ నటుడు అల్లు అర్జున్‌.. 69వ జాతీయ చలన చిత్ర అవార్డుల విజేతలు వీళ్లే". EENADU. 2023-08-24. Archived from the original on 2023-08-24. Retrieved 2023-08-24.
- ↑ https://www.youtube.com/watch?v=xzunlLhgcfs
- ↑ https://www.youtube.com/watch?v=mrqgz4_a4PU
- ↑ "'ఉప్పెన'మూవీ రివ్యూ". Sakshi. 2021-02-12. Retrieved 2021-02-12.
- ↑ "Uppena Movie Review in Telugu |" (in అమెరికన్ ఇంగ్లీష్). 2021-02-12. Retrieved 2021-02-12.