ఎల్లూరి శివారెడ్డి

ఎల్లూరి శివారెడ్డి
ఎల్లూరి శివారెడ్డి
	2021 సెప్టెంబరు 12న రవీంద్రభారతిలో జరిగిన సురవరం తెలంగాణం పుస్తకావిష్కరణ కార్యక్రమంలో ఎల్లూరి శివారెడ్డి
మాజీ తెలుగు విశ్వవిద్యాలయం మాజీ వైస్ ఛాన్సలర్
వ్యక్తిగత వివరాలు
జననం	ఎస్.ఎం.జియాఉద్దీన్; 7 ఏప్రిల్‌ 1945; కొల్లూరు, చిన్నంబావి మండలం, వనపర్తి జిల్లా, తెలంగాణ
నివాసం	హైదరాబాద్
పురస్కారాలు	దాశరథి సాహితీ పురస్కారం - 2021

ఎల్లూరి శివారెడ్డి తెలంగాణకు చెందిన సాహితీవేత్త, కవి, తెలుగు విశ్వవిద్యాలయం మాజీ ఉపకులపతి. పరిశోధకుడిగా, విమర్శకుడిగా, ఆచార్యుడిగా, రచయితగా, రేడియో వ్యాఖ్యాతగా, పత్రికా కామెంటరీగా పేరుగాంచిన శివారెడ్డి, ప్రస్తుతం తెలంగాణ సారస్వత పరిషత్తు అధ్యక్షుడిగా విధులు నిర్వహిస్తున్నాడు.^[2]

జీవిత విషయాలు

శివారెడ్డి 1945, ఏప్రిల్ 7న మందారెడ్డి, నరసమ్మ దంపతులకు వనపర్తి జిల్లా, చిన్నంబావి మండలం, కొల్లూరులో జన్మించాడు. గ్రామంలోని పాఠశాలో ప్రాథమిక విద్యను, సమీప కొల్లాపూర్ లో హైస్కూలు విద్యను చదివి, పీయూసీ చదువుకు హైదరాబాదు వచ్చాడు. ఎం.ఏ (తెలుగు)లో ఉస్మానియా విశ్వవిద్యాలయం నుండి ప్రథమస్థానంలో ఉత్తీర్ణుడై స్వర్ణపతకం సాధించాడు. అనంతరం డాక్టర్ సి.నారాయణరెడ్డి పర్యవేక్షణలో "ఆంధ్ర మహాభారతంలో రసపోషణం" (విరాట, ఉద్యోగ పర్వాలు) అనే అంశంపై పరిశోధన చేసి పిహెచ్.డి పట్టా పొందాడు.^[3]

ఉద్యోగం

ఉస్మానియా విశ్వవిద్యాలయంలో అధ్యాపకునిగా ఉద్యోగ ప్రస్థానం ప్రారంభించాడు. విశ్వవిద్యాలయంలో వివిధ అత్యున్నత హోదాలలోను 30 సంవత్సరాలకుపైగా పనిచేశాడు. 1992లో ఉస్మానియా విశ్వవిద్యాలయంలో తెలుగుశాఖలో అసిస్టెంట్ ప్రొఫెసర్ గా చేరిన శివారెడ్డి రీడరుగా, ప్రొఫెసర్ గా, తెలుగుశాఖ శాఖాధిపతిగా, పాఠ్యప్రణాళిక చైర్మన్ గా పనిచేశాడు. 2002లో పదవీవిరమణ చేశాడు. 2012 నుంచి 2015 వరకు తెలుగు విశ్వవిద్యాలయం ఉపకులపతిగా పనిచేశాడు. ఉస్మానియా విశ్వవిద్యాలయంలోని తెలుగుశాఖ, రాష్ట్రంలోని వివిధ విశ్వవిద్యాలయాల పరిశోధక విద్యార్థులకు ఎం.ఫిల్, పిహెచ్.డి పర్యవేక్షకుడిగా ఉంటూ వారి పరిశోధనలు పూర్తికావడానికి సహాయసహకారాలనందించాడు.^[2]

సాహిత్యరంగం

ఎల్లూరి శివారెడ్డి రాసిన సురవరం ప్రతాపరెడ్డి జీవితం-సాహిత్యం అను గ్రంథానికి ఆంధ్రప్రదేశ్ సాహిత్య అకాడమీ బహుమతి లభించింది, పలు గ్రంథాలకు సంపాదకుడిగా ఎల్లూరి శివారెడ్డి బాధ్యతలు నిర్వహించాడు. ఆంధ్ర సారస్వత పరిషత్ ప్రధాన కార్యదర్శిగా పనిచేశాడు. వివిధ రాష్ట్ర, జాతీయ, అంతర్జాతీయ సాహిత్య సదస్సులలో 45 పరిశోధన పత్రాలను సమర్పించాడు.

రచనలు

తిక్కన రసభారతి
రసరేఖలు
భావదీపాలు
పూలకారు
సురవరం ప్రతాపరెడ్డి జీవితం-సాహిత్యం
పరిణతవాణి (ఐదు సంపుటాలు)
ఆధునిక తెలుగు సాహిత్యంలో హాస్యం

సంపాదకకీయాలు

గోల్కొండ పత్రిక సంపాదకీయాలు (రెండు భాగాలు)
సురవరం ప్రతాపరెడ్డి నాటకాలు
సురవరం ప్రతాపరెడ్డి పీఠికలు
సురవరం ప్రతాపరెడ్డి కథలు
సురవరం ప్రతాపరెడ్డి పరిశోధన జ్ఞాపికలు
సురవరం ప్రతాపరెడ్డి వ్యాసాలు (రెండు భాగాలు)
హిందువుల పండుగలు, రామాయణ విశేషాలు
సినారె సాహిత్య సమాలోచన
ఆంధ్ర సారస్వత పరిషత్తు స్వర్ణోత్సవ, వజ్రోత్సవ సంచికలు
తెలుగు- తెలుగు నిఘంటువు
పరిణితవాణి
తెలుగు సాహిత్యంలో హాస్యం
సాహిత్యానువాదం - సమాలోచనం
తెలుగు భాషా సాహిత్య వైశిష్ట్యం, వివేచన

పురస్కారాలు

డాక్ట‌ర్ ఎల్లూరి శివారెడ్డికి 2021 సంవత్సరానికిగాను దాశ‌ర‌థి కృష్ణ‌మాచార్య సాహితీ పురస్కారానికి ఎంపికయ్యాడు.^[4]ఆయన 22 జులై 2021న హైదరాబాద్ రవీంద్రభారతి లో జరిగిన కార్యక్రమంలో అవార్డుతో పాటు 1,01,116 న‌గ‌దును సంస్కృతిక శాఖ మంత్రి వి. శ్రీనివాస్‌ గౌడ్‌ చేతుల మీదుగా అందుకున్నాడు.^[5]

ఇతర పురస్కారాలు

"సురవరం ప్రతాపరెడ్డి జీవితం - సాహిత్యం" అనే గ్రంథానికి ఆంధ్రప్రదేశ్ సాహిత్య అకాడమీ అవార్డు
1998లో "పూలకారు" పద్యకావ్యసంపుటికి స్వర్ణసాహితి పురస్కారం
రసమయి సంస్థ సురవరం సాహితీ పురస్కారం
బాబుల్ రెడ్డి ఫౌండేషన్ అవార్డు
తెలుగు విశ్వవిద్యాలయ పురస్కారం
రసమయి టాలెంట్ అవార్డు
కవిత్రయ అవార్డు
జ్యోత్స్న కళాపీఠం అవార్డు
కవిరత్న నీల జంగయ్య అవార్డు
రసమయి అక్కినేని జీవిత సాఫల్య పురస్కారం
ఇరివెంటి కృష్ణమూర్తి అవార్డు
రసమయి దేవులపల్లి రామానుజరావు అవార్డు
నాట్స్ జీవిత సాఫల్య పురస్కారం
ఆచార్య పల్లా దుర్గయ్య స్మారక అవార్డు
యువకళావాహిని బి.ఎన్. అవార్డు
రాయసం సుబ్బారాయుడు సాహిత్య అవార్డు
తిరుమల శ్రీనివాసాచార్య ధర్మనిధి పురస్కారం
డి.టి.ఎ. ఎక్సెలెన్స్ అవార్డు
డా.అంజిరెడ్డి సాహిత్య పురస్కారం
ఢిల్లీ తెలుగు ఎడ్యుకేషన్ సొసైటీ అవార్డు
కె.వి.రమణ జీవన సాఫల్య పురస్కారం
సృజన జీవన సాఫల్య పురస్కారం
అభినందనలహ సినారె పురస్కారం

మూలాలు

↑ Namasthe Telangana (21 July 2021). "ఎల్లూరి శివారెడ్డికి దాశరథి అవార్డు". Archived from the original on 22 జూలై 2021. Retrieved 22 July 2021.
↑ ^2.0 ^2.1 తెలుగు ఆసియానెట్, సాహిత్యం (25 July 2021). "దాశరథి పురస్కార విజేత ఆచార్య ఎల్లూరి శివారెడ్డి ఇదీ..." Archived from the original on 26 July 2021. Retrieved 26 July 2021.
↑ నమస్తే తెలంగాణ, సాహిత్యం (24 July 2021). "కవిమర్శకుడు". Namasthe Telangana. Archived from the original on 26 July 2021. Retrieved 26 July 2021.
↑ EENADU. "సాహితీవేత్త శివారెడ్డికి దాశరథి అవార్డు". EENADU. Archived from the original on 21 జూలై 2021. Retrieved 21 July 2021.
↑ Namasthe Telangana (22 July 2021). "సాహితీ వేత్తకు గౌరవం". Archived from the original on 24 జూలై 2021. Retrieved 24 July 2021.

బయటి లింకులు

[ఎల్లూరి_శివారెడ్డికి_దాశరథి_అవార్డు-1] Namasthe Telangana (21 July 2021). "ఎల్లూరి శివారెడ్డికి దాశరథి అవార్డు". Archived from the original on 22 జూలై 2021. Retrieved 22 July 2021.

[దాశరథి_పురస్కార_విజేత_ఆచార్య_ఎల్లూరి_శివారెడ్డి_ఇదీ...-2] 2.0 ^2.1 తెలుగు ఆసియానెట్, సాహిత్యం (25 July 2021). "దాశరథి పురస్కార విజేత ఆచార్య ఎల్లూరి శివారెడ్డి ఇదీ..." Archived from the original on 26 July 2021. Retrieved 26 July 2021.

[కవిమర్శకుడు-3] నమస్తే తెలంగాణ, సాహిత్యం (24 July 2021). "కవిమర్శకుడు". Namasthe Telangana. Archived from the original on 26 July 2021. Retrieved 26 July 2021.

[సాహితీవేత్త_శివారెడ్డికి_దాశరథి_అవార్డు-4] EENADU. "సాహితీవేత్త శివారెడ్డికి దాశరథి అవార్డు". EENADU. Archived from the original on 21 జూలై 2021. Retrieved 21 July 2021.

[సాహితీ_వేత్తకు_గౌరవం-5] Namasthe Telangana (22 July 2021). "సాహితీ వేత్తకు గౌరవం". Archived from the original on 24 జూలై 2021. Retrieved 24 July 2021.

[2]

[1]

[3]

[4]

[5]