గుర్కా జైపాల్ యాదవ్

గుర్కా జైపాల్ యాదవ్, తెలంగాణ రాష్ట్రానికి చెందిన రాజకీయ నాయకుడు. ప్రస్తుతం భారత్ రాష్ట్ర సమితి పార్టీ తరపున కల్వకుర్తి శాసనసభ నియోజకవర్గం శాసన సభ్యుడిగా ప్రాతినిధ్యం వహిస్తున్నాడు.[1]

గుర్కా జైపాల్ యాదవ్
గుర్కా జైపాల్ యాదవ్


పదవీ కాలం
1999 - 2004, 2009 - 2014, 2018 - ప్రస్తుతం
ముందు చల్లా వంశీచంద్ రెడ్డి
నియోజకవర్గం కల్వకుర్తి శాసనసభ నియోజకవర్గం

వ్యక్తిగత వివరాలు

జననం 1954 ఆగస్టు 14
చెల్లంపల్లి గ్రామం, కడ్తాల్ మండలం, రంగారెడ్డి జిల్లా, తెలంగాణ
రాజకీయ పార్టీ భారత్ రాష్ట్ర సమితి
తల్లిదండ్రులు బలరాం యాదవ్ - మంగమ్మ
జీవిత భాగస్వామి రాజ్యందేవి
సంతానం ఒక కుమారుడు, ముగ్గురు కుమార్తెలు
నివాసం కల్వకుర్తి
మతం హిందూ

జీవిత విశేషాలు

మార్చు

జైపాల్ యాదవ్ 1954, ఆగస్టు 14న బలరాం యాదవ్ - మంగమ్మ దంపతులకు తెలంగాణ రాష్ట్రం రంగారెడ్డి జిల్లా, కడ్తాల్ మండలం, చెల్లంపల్లి గ్రామంలో జన్మించాడు. గ్రాడ్యుయేట్ పూర్తిచేశాడు.

వ్యక్తిగత జీవితం

మార్చు

జైపాల్ యాదవ్ కు రాజ్యందేవితో వివాహం జరిగింది. వారికి ఒక కుమారుడు, ముగ్గురు కుమార్తెలు ఉన్నారు.

రాజకీయ విశేషాలు

మార్చు

జైపాల్‌యాదవ్ రాజకీయాల్లో ఆసక్తితో జనతా పార్టీలో చేరాడు. 1981 నుండి 1995 వరకు చల్లంపల్లి సర్పంచ్‌గా సనిచేశాడు. ఎన్టీఆర్ స్థాపించిన తెలుగుదేశం పార్టీలో 1986లో చేరాడు. 1995లో టీడీపీ నుండి పోటీ చేసి తలకొండపల్లి జడ్పీటీసీగా ఎన్నికయ్యాడు. 1997 నుండి 1999 వరకు బీసీ ఫైనాన్స్ కార్పోరేషన్ చైర్మన్ గా పనిచేశాడు. 1999 అసెంబ్లీ ఎన్నికల్లో టీడీపీ అభ్యర్థిగా కల్వకుర్తి నుంచి పోటీచేసి తొలిసారిగా అసెంబ్లీకి ఎన్నికయ్యాడు. 2004 అసెంబ్లీ ఎన్నికలలో కాంగ్రెస్ పార్టీ అభ్యర్థి ఎడ్మ కిష్టారెడ్డి చేతిలో ఓటమి పాలయ్యాడు. జిల్లా పరిషత్ ఎన్నికల్లో 2006లో వంగూరు నుండి పోటీచేసి జడ్పీటీసీగా గెలుపొందాడు. 2009లో అసెంబ్లీ ఎన్నికల్లో టీడీపీ అభ్యర్థిగా పోటీ చేసి కాంగ్రెస్ పార్టీ అభ్యర్థి ఎడ్మ కిష్టారెడ్డి పై 597 స్వల్ప ఓట్ల తేడాతో గెలిచి రెండోసారి అసెంబ్లీకి ఎన్నికయ్యాడు. తెలంగాణ ఉద్యమ సమయంలో 2014, మార్చిలో తెలంగాణ రాష్ట్ర సమితి పార్టీలో చేరాడు. టిఆర్ఎస్ పార్టీ నుంచి 2014 ఎన్నికల్లో పోటీచేసి కాంగ్రెస్ అభ్యర్థి చల్లా వంశీచంద్‌ రెడ్డి చేతిలో ఓటమి పాలయ్యాడు.[2]

2018 లో జరిగిన తెలంగాణ ముందస్తు ఎన్నికల్లో తెలంగాణ రాష్ట్ర సమితి పార్టీ పై పోటీ చేసి సమీప భారతీయ జనతా పార్టీ అభ్యర్థి టి. ఆచారి పై 3447 ఓట్ల మెజారిటీతో గెలుపొందాడు.[3][4] 2014 లో జరిగిన తెలంగాణ సార్వత్రిక ఎన్నికల్లో భాగంగా కాంగ్రెస్ పార్టీ అభ్యర్థిగా పోటీ చేసి ఓడిపోయాడు. ఈయన 1999, 2009 ఎన్నికల్లో కల్వకుర్తి నియోజకవర్గం నుంచి శాసనసభ్యునిగా గెలిచాడు.[5]ఆయన 2018లో శాసనసభలో పబ్లిక్ అకౌంట్స్ కమిటీ (పీఏసీ) సభ్యుడిగా ఉన్నాడు.[6] ఆయనను 2023లో జరిగే శాసనసభ ఎన్నికల్లో కల్వకుర్తి నుండి బీఆర్‌ఎస్‌ ఎమ్మెల్యే అభ్యర్థిగా ప్రకటించారు.[7]

ఆస్తులు-కేసులు

మార్చు
  • 2023 ఎన్నికల అఫిడివిట్ ప్రకారం ఆస్తులు 26,19,65,177 రూపాయలు.[8]
  • ఇతనిపై ఎలాంటి కేసులు లేవు.[8]

ఇతర వివరాలు

మార్చు

చైనా, మలేషియా, సింగపూర్, దక్షిణ కొరియా మొదలైన దేశాలు సందర్శించాడు.

మూలాలు

మార్చు
  1. Telangana Legislature (2018). "Member's Profile - Telangana-Legislature". Archived from the original on 13 జూలై 2021. Retrieved 13 July 2021.
  2. నమస్తే తెలంగాణ, తెలంగాణ న్యూస్ (23 January 2019). "సర్పంచ్ టు అసెంబ్లీ". www.ntnews.com. Archived from the original on 16 September 2019. Retrieved 16 September 2019.
  3. "Kalwakurthy Assembly Election Result 2018: TRS' Gurkha Jaipal Yadav won the seat from the constituency". www.timesnownews.com. Retrieved 2021-09-23.
  4. "Kalwakurthy Election Result 2018 Live Updates: Gurka Jaipal Yadav of TRS Wins". News18 (in ఇంగ్లీష్). Retrieved 2021-09-23.
  5. నమస్తే తెలంగాణ, తెలంగాణ న్యూస్ (27 November 2018). "కల్వకుర్తిలో జైపాల్‌కు జేజేలు!". www.ntnews.com. Archived from the original on 16 September 2019. Retrieved 16 September 2019.
  6. Sakshi (22 September 2019). "తెలంగాణ పీఏసీ చైర్మన్‌గా అక్బరుద్దీన్ ఒవైసీ". Archived from the original on 15 July 2021. Retrieved 15 July 2021.
  7. Namasthe Telangana (22 August 2023). "సమరానికి సై". Archived from the original on 13 November 2023. Retrieved 13 November 2023.
  8. 8.0 8.1 "Gurka Jaipal Yadav(BRS):Constituency- KALWAKURTHY(RANGAREDDY) - Affidavit Information of Candidate:". www.myneta.info. Retrieved 2023-11-26.