జాకిర్ హుసేన్ (సంగీత విద్వాంసుడు)

ప్రముఖ తబలా విద్వాంసుడు

జాకిర్ హుసేన్ (జననం: మార్చి 9, 1951) ఒక ప్రఖ్యాత భారతీయ తబలా విద్వాంసుడు, సంగీత దర్శకుడు, నటుడు. ఆయనకు భారత ప్రభుత్వం 1988లో పద్మశ్రీ పురస్కారాన్నీ, 2002 లో పద్మభూషణ్ పురస్కారాన్నీ అందజేసింది.[1] 1990 లో భారత దేశపు జాతీయ సంగీత, నాట్య, నాటక సంస్థ సంగీత నాటక అకాడెమీ వారి పురస్కారాన్ని కూడా అందుకున్నాడు. 1999 లో అమెరికా సంయుక్త రాష్ట్రాలు ఆయనకు ఆ దేశంలో సాంప్రదాయ కళాకారులకు, సంగీత విద్వాంసులకు ఇచ్చే నేషనల్ హెరిటేజ్ ఫెలోషిప్ తో సత్కరించింది.

జాకిర్ హుసేన్ కురేషీ
Ustad Zakir Hussain 1.jpg
2012 లో ఒడిషా లోని కోణార్క్ నాట్యమండపంలో జాకీర్ హుసేన్
వ్యక్తిగత సమాచారం
జన్మ నామంజాకిర్ హుసేన్ కురేషీ
జననం (1951-03-09) 1951 మార్చి 9 (వయస్సు 70)
మూలంముంబై, మహారాష్ట్ర
సంగీత శైలిహిందుస్తానీ, జాజ్ ఫ్యూజన్, ప్రపంచ సంగీతం
వృత్తితబలా విద్వాంసుడు
వాయిద్యాలుతబలా
క్రియాశీల కాలం1963–ప్రస్తుతం
లేబుళ్ళుHMV
సంబంధిత చర్యలురిమెంబర్ శక్తి
వెబ్‌సైటుwww.zakirhussain.com

Biography in Teluguసవరించు

హుసేన్ తండ్రి అల్లా రఖా కూడా ప్రఖ్యాత తబలా విద్వాంసుడే.[2] జాకిర్ ముంబై లోని మాహి అనే ప్రాంతంలో ఉన్న సెయింట్ మైకేల్ హైస్కూల్లో చదివాడు. తరువాత సెయింట్ జేవియర్ కాలేజీ నుంచి డిగ్రీ పట్టా పుచ్చుకున్నాడు.[3]

హుసేన్ ఒక బాల మేధావి. అతని తండ్రి అతనికి 3 సంవత్సరాల చిన్నవయసు నుండే పక్వాజ్ అనే సంగీత వాయిద్యాన్ని నేర్పడం ప్రారంభించాడు.[4] 11 సంవత్సరాలకే పర్యటించడం మొదలుపెట్టాడు. 1969 లో అమెరికా లోని వాషింగ్టన్ విశ్వవిద్యాలయంలో సంగీతంలో డాక్టరేట్ సాధించడానికి వెళ్ళాడు. తరువాత అతను అంతర్జాతీయంగా సంవత్సరానికి సుమారు 150 దాకా ప్రదర్శనలు ఇవ్వడం మొదలు పెట్టాడు. [3][5]

కెరీర్సవరించు

అతని మొదటి ఆల్బం 1991 లో విడుదలైంది. 1992 లో బెస్ట్ వరల్డ్ మ్యూజిక్ ఆల్బం గా గ్రామీ అవార్డు అందుకుంది. వరల్డ్ మ్యూజిక్ విభాగంలో ఈ అవార్డును ఆ ఏడాదే మొట్టమొదటి సారిగా ఏర్పాటు చేశారు.[2][3]

వ్యక్తిగత జీవితంసవరించు

జాకీర్ హుసేన్ కథక్ నర్తకి, గురువైన ఆంటోనియా మిన్నెకోలా అనే ఆమెను వివాహం చేసుకున్నాడు. ఆమె అతని మేనేజరు కూడా.[4] వారికి ఇద్దరు అమ్మాయిలు. అనిసా కురేషీ, ఇసబెల్లా కురేషీ. అనిసా లాస్ ఏంజిలెస్ లోని యూనివర్శిటీ ఆఫ్ కాలిఫోర్నియా నుంచి గ్రాడ్యుయేట్సినీ నిర్మాణ రంగంలో పనిచేస్తుంది. ఇసబెల్లా మన్ హట్టన్లో నృత్యం మీద అధ్యయనం చేస్తున్నది.[5]

జాకీర్ ప్రిన్స్ టన్ విశ్వవిద్యాలయంలోని సంగీత విభాగంలో 2005 నుంచి 2006 మధ్యలో పూర్తి స్థాయి ఆచార్యుడిగా ఉన్నాడు.[6] స్టాన్ఫర్డ్ విశ్వవిద్యాలయంలో అతిథి అధ్యాపకుడు కూడా.[7] ఆయన ప్రస్తుతం శాన్ ఫ్రాన్సిస్కో లో నివాసం ఉన్నాడు.

మూలాలుసవరించు

  1. "Padma Awards" (PDF). Ministry of Home Affairs, Government of India. 2015. Retrieved July 21, 2015.
  2. "The Global Drum Project". Planet Drum. Archived from the original on 25 February 2010.
  3. "Deconstructing 'world music' at the Grammys". Afrobeat Radio. 15 February 2010. Archived from the original on 28 జూన్ 2010. Retrieved 15 నవంబర్ 2016. Check date values in: |access-date= (help)
  4. "Bharatnatyam in Jeans". Little India. Archived from the original on 2016-03-04. Retrieved 2016-11-28.
  5. "Ustad Zakir Hussain". Cultural India. Retrieved 31 December 2012.
  6. "Best Of Zakir Hussain – Tabla Samrat". Calcutta Music Blog. Archived from the original on 9 August 2011.
  7. "Zakir Hussain Shivkumar Sharma". Carnegie Hall. Archived from the original on 15 May 2008.