దేశపతి శ్రీనివాస్

కవి, రచయిత మరియు గాయకుడు

దేశపతి శ్రీనివాస్ తెలంగాణ రాష్ట్రానికి చెందిన కవి, రచయిత, గాయకుడు, వక్త. సిద్థిపేట వాస్తవ్యుడైన శ్రీనివాస్, తెలంగాణ రాష్ట్ర ముఖ్యమంత్రి కార్యాలయ ఓఎస్డీగా వ్యవహరిస్తున్నాడు.[1] తెలంగాణ ఉద్యమంలో కీలక నేతల్లో ఒకరిగా పాల్గొన్నాడు. అనేక కార్యక్రమాల్లో పాల్గొని తెలంగాణ ప్రత్యేక రాష్ట్ర ఏర్పాటుకోసం తన వాదనలు వినిపించాడు.[2][3][4] తెలంగాణ ప్రభుత్వం, తెలుగు భాషా ప్రచారంలో చురుకైన పాత్ర పోషిస్తున్నాడు.[5]

దేశపతి శ్రీనివాస్
Deshapati Srinivas.jpg
సినివారంలో దేశపతి శ్రీనివాస్
జననం1970
జాతీయతభారతీయుడు
సుపరిచితుడుకవి, రచయిత, గాయకుడు,
తల్లిదండ్రులుకీ.శే. శ్రీ గోపాలకృష్ణ శర్మ , కీ.శే. శ్రీమతి బాలసరస్వతి

బాల్యం, కుటుంబంసవరించు

కీర్తిశేషులు స్వర్గీయ దేశపతి బాలసరస్వతి, గోపాలకృష్ణ శర్మ గార్ల తనయుడు శ్రీ దేశపతి శ్రీనివాస శర్మ గారు. వృత్తి రీత్యా ఉపాధ్యాయుడు, ప్రవృత్తి రీత్యా ఉద్యమకారుడు. తెలంగాణ ఉద్యమం కారణంగా వెలుగులోకి వచ్చిన కవి గాయకుడు, వక్త దేశపతి శ్రీనివాస శర్మ. పేదరికంలో పుట్టి, స్వయం ప్రకాశవంతుడై. నటుడిగా, వక్తగా, వాగ్గేయకారుడిగా అంచెలంచెలుగా ఎదిగి, తెలంగాణా మలిదశ ఉద్యమంలో తన ప్రత్యేక కళారూపాలతో జనవాహినులను ఉడికించి, ఉరికించి మైమరించిన దేశపతి శ్రీనివాస్‌ తెలంగాణా రాష్ట్ర సాధనలో ప్రముఖపాత్ర పోషించాడు.[6]

జీవిత విశేషాలుసవరించు

ఆయన తెలంగాణ రాష్ట్రం గజ్వేలు దగ్గర మునిగడప గ్రామంలో గోపాలకృష్ణ, బాల సరస్వతి దంపతులకు జన్మించాడు. ఆయన తండ్రి ఉపాధ్యాయుడు, మంచి కవి. గోపాలకృష్ణ గారు మధుశ్రీ అనే ఖండకావ్యాన్ని రాశారు.ఆయనకు తెలుగు సంస్కృతం, ఇంగ్లీషు, ఉర్దూ భాషల్లో నైపుణ్యం ఉంది. వారి తాతగారు (మాతామహులు) గొప్ప సంస్కృతాంధ్ర పండితులు. వారు 'పుష్పబాణ విలాసం అనే సంస్కృత గ్రంథాన్ని తెలుగు లోకి అనువదించారు. వారి మేనమామ రామేశ్వర శర్మగారు వారు నవ్యకళాసమితి అనే ఒక నాటక సమితిని యేర్పాటు చేసి, నాటకాలు, యక్షగానాలు తన మిత్రులతో కలిసి ఆడేవారు. వారి ప్రభావం శ్రీనివాస్ పై పడింది.

వృత్తిసవరించు

దేశపతి శ్రీనివాస్ వృత్తి రీత్యా పాఠశాల ఉపాధ్యాయుడు. తెలంగాణా విభజన కోసం నిర్వహించే అన్ని ప్రధాన బహిరంగ సభలు, ర్యాలీలలో ఆయన పాల్గొంటారు.

మంచి వక్తసవరించు

తెలంగాణ ఉద్యమంలో తన ప్రత్యేకత తెలంగాణ చరిత్ర ఉపన్యాసం మాట్లాడుతూ ఆయా సందర్భోచితంగా పాటను సరి జోడి చేసేవిధానం అందరిని ఆకట్టుకునే విధానం ప్రయోగం అతన్ని మంచి వక్తగా పేరు వచ్చింది.[7] తెలంగాణ ఉద్యమం సమయంలో ఉద్యమం గురించి చర్చించడానికి టెలివిజన్ చర్చా కార్యక్రమాలకు ఆయనను తరచుగా ఆహ్వానించేవారు.[8]

రచయితసవరించు

దేశపతి రాసిన సాహిత్యం సినిమాలలో కూడా ఉపయోగించబడింది. నందిని సిద్దా రెడ్డి రాసిన నాగేటి సాల్లాల నా తెలంగాణ అనే ప్రసిద్ధ తెలంగాణ పాటను పాడినందుకు ఉద్యమంలో మంచి పేరు సంపాదించుకున్నాడు.

మూలాలుసవరించు

  1. KCR to pen songs for party's audio campaign The Times of India. 17 March 2009.
  2. Tough fight for Cheriyal, station Ghanpur seats The Hindu. 19 May 2008.
  3. Meet the man behind the magic of Avadhanams
  4. Telangana to make Telugu compulsory in all schools
  5. WTC will showcase the depth of Telugu, says Deshapathi Srinivas
  6. "కళామతల్లి మెచ్చిన బాసు : దేశపతి శ్రీనివాసు". Archived from the original on 2016-03-06. Retrieved 2015-08-23.
  7. https://www.youtube.com/watch?v=3qpPM8izAh8
  8. Curtains down on World Telugu Conference – The Hindu

బయటి మూలాలుసవరించు