ప్రధాన మెనూను తెరువు

నాటింగ్ హిల్ అనేది 1999 నాటి శృంగార హాస్యకథా చిత్రం. లండన్‌లోని నాటింగ్ హిల్‌లో రూపొందించిన ఈ చిత్రం మే 21 1999న విడుదలయింది. గతంలో ఫోర్ వెడ్డింగ్స్ అండ్ ఎ ఫునెరల్ అనే చిత్రానికి పనిచేసిన రిచర్డ్ కర్టిస్ దీనికి కథనం సిద్ధం చేశాడు. డంకన్ కెన్‌వర్తీ నిర్మాత. రోజర్ మిచెల్ దర్శకుడు. ఇందులో హ్యూ గ్రాంట్, జూలియా రాబర్ట్స్, రిస్ ఇఫాన్స్, ఎమ్మా చాంబర్స్, టిమ్ మెక్‌ఇన్నర్నీ, గినా మెక్‌కీ మరియు హ్యూ బోనీవిల్లే నటించారు.

Notting Hill
దస్త్రం:NottingHillRobertsGrant.jpg
The film's poster.
దర్శకత్వము Roger Michell
నిర్మాత Duncan Kenworthy
రచన Richard Curtis
తారాగణం Julia Roberts
Hugh Grant
Hugh Bonneville
Emma Chambers
James Dreyfus
Rhys Ifans
Tim McInnerny
Gina McKee
సంగీతం Trevor Jones
సినిమెటోగ్రఫీ Michael Coulter
కూర్పు Nick Moore
స్టుడియో PolyGram Films
Working Title Films
డిస్ట్రిబ్యూటరు Universal Pictures
విడుదలైన తేదీలు 21 May 1999 (UK)
28 May 1999 (USA)
నిడివి 124 min.
దేశము United Kingdom
భాష English
బడ్జెట్ $42 million
మొత్తం వ్యయం $363,889,678
అధికారిక వెబ్‌సైట్
All Movie Guide profile
IMDb profile

విమర్శకుల ప్రశంసలు సైతం దక్కించుకున్న ఈ చిత్రం బాక్సాఫీసు వద్ద కాసుల పంట పండించింది. తద్వారా ఇప్పటివరకు విడుదలయిన బ్రిటీషు చిత్రాల్లో అత్యధిక వసూళ్లు సాధించి పెట్టిన చిత్రంగా నిలిచింది. BAFTA అవార్డును కూడా గెలుచుకున్న ఈ చిత్రం మరో రెండు విభాగాలకు కూడా ఎంపికయింది. ఆడియో పరంగా నాటింగ్ హిల్ చిత్రం బ్రిటీష్ కామెడీ అవార్డు మరియు బ్రిట్ అవార్డు సహా పలు ఇతర అవార్డులను కూడా గెలుచుకుంది.

ఇతివృత్తంసవరించు

విలియం థాకర్ (హ్యూ గ్రాంట్) నాటింగ్ హిల్‌లోని ప్రత్యేకంగా ప్రయాణ రచనలకు సంబంధించిన ఒక సొంత పుస్తక విక్రయ దుకాణం యొక్క యజమాని. అతను చమత్కారి మరియు అందగాడు. విడాకుల ("చూడటానికి అచ్చం హ్యారిసన్ ఫోర్డ్‌ మాదిరిగా ఉండే పురుషుడి" కోసం అతని భార్య అతన్ని వదిలేస్తుంది) కారణంగా అతను వేల్స్‌కు చెందిన స్పైక్ (రిస్ ఇఫాన్స్) అనే ఒక అసాధారణ కళాకారుడితో కలిసి ఒకే ఇంట్లో ఉంటాడు. అనుకోకుండా ఒకరోజు విశ్వవిఖ్యాత హాలీవుడ్ నటి అన్నా స్కాట్ (జూలియా రాబర్ట్స్) తన లండన్‌ పర్యటన సందర్భంగా థాకర్ దుకాణంలో ఒక పుస్తకాన్ని కొనడానికి వచ్చిన ఆమె అతనికి తారసపడుతుంది. తర్వాత వారిద్దరూ ఓ వీధిలో ఆకస్మికంగా ఎదురుపడుతారు. దాంతో విలియం చేతిలోని ఆరంజి రసం ఇద్దరిపైనా ఒలికిపోతుంది. రోడ్డు పక్కనే ఉన్న తన ఇంట్లో బట్టలు మార్చుకోమని అతను ఆమెకు చెబుతాడు. అందుకు ఆమె అంగీకరిస్తుంది. ఇద్దరూ అక్కడే విశ్రాంతి తీసుకుంటారు. బట్టలు మార్చుకున్న తర్వాత ముద్దు పెట్టడం ద్వారా విలియంను అన్నా అశ్చర్యానికి గురిచేస్తుంది. తద్వారా ఇద్దరి మధ్య ప్రేమ చిగురిస్తుంది.

కొద్దిరోజుల తర్వాత, తనకు సంబంధించిన విషయాలు ఏమైనా ఉన్నాయా అంటూ స్పైక్‌ను విలియం అడుగుతాడు. అయితే స్పైక్‌కు మతిమరుపు ఎక్కువ. అందువల్ల విలియంకు సంబంధించిన సమాచారం మరిచిపోతాడు. వెంటనే "ఎవరో అన్నా అనే అమెరికా అమ్మాయి" కొద్దిరోజుల ముందు ఫోన్ చేసిందని చెబుతాడు. "ఫ్లింట్‌స్టోన్" పేరుతో రిట్జ్‌లో గడుపుతున్న అన్నా ఒకసారి వచ్చి, తనను చూడమని విలియంను కోరుతుంది. విలియం అక్కడకు వచ్చినప్పుడు అన్నా గది మొత్తం పత్రికల వాళ్లతో నిండిపోయింటుంది. దాంతో విలియం ఏదో పత్రికకు చెందినవాడుగా అపార్థానికి గురవుతాడు. దానికి తోడు తాను హార్స్ & హౌండ్ అనే మేగజైన్ కోసం పనిచేస్తున్నట్లు విలియం కూడా చెబుతాడు. అన్నా కొత్త చిత్రం హెలిక్స్‌ ను విలియం చూడకపోయినా, అందులో నటించిన ప్రతి ఒక్కరినీ అతను ఇంటర్వూ చేయాల్సి వస్తుంది. అన్నాతో మాట్లాడే అవకాశం విలియంకు లభిస్తుంది. దాంతో అతను తన సోదరి హనీ పుట్టినరోజు సంబరానికి ఆమెను ఆహ్వానిస్తాడు.

అక్కడ మ్యాక్స్ (టిమ్ మెక్‌ఇన్నర్నీ) మరియు బెల్లా (గినా మెక్‌కీ) నివాసం వద్ద అన్నా తన ఇంట్లో మాదిరిగా విలియం మిత్రులతో కలిసి గడుపుతుంది. అక్కడ జరిగిన "ఆఖరి సంబరం" తమ జీవితాల్లోనే అత్యంత విషాదకరమైనదిగా వారు పేర్కొంటారు. తర్వాత వారిద్దరూ ఒక ప్రైవేటు లండన్ శృంగాటకంలో అక్రమంగా చొరబడతారు. అలాగే సినిమాలకు, రెస్టారెంట్లకు చెట్టాపట్టాలు వేసుకుని, కలిసి తిరుగుతారు. హోటల్‌లో తాను బస చేసే గదిలోకి విలియంను అన్నా తిరిగి ఆహ్వానిస్తుంది. అప్పటికే అక్కడున్న తన అమెరికా ప్రియుడు జెఫ్ కింగ్‌ (ఈ హాస్యప్రధాన పాత్రను అలెక్ బాల్డ్‌విన్‌ పోషించాడు)ను గుర్తించడానికి ఆమె అతన్ని పిలుస్తుంది. అదే సమయంలో గది బయట ఉన్న ప్రియుడిని అన్నా క్షమాపణ కోరుతుంది. మరోవైపు జెఫ్ ఎదుట సేవకుడు (వెయిటర్) ముందు మాదిరిగా నటిస్తున్న విలియం తాను అక్కడి నుంచి వెళ్లిపోవాలన్న విషయాన్ని గ్రహిస్తాడు. జెఫ్‌తో బంధం తెగిపోవడంతో విలియంతో కలిసి ఉండటానికి కొద్దిసేపటి తర్వాత అతని విలియం గది గుమ్మం ఎదుట అన్నా వచ్చి నిలబడుతుంది. ఆమెను అప్రతిష్టపాలు చేసే విధంగా ఉండే ఒక అశ్లీల చిత్రం ప్రెస్‌కు రహస్యంగా విడుదల చేయబడుతుంది. పత్రికలు అదేపనిగా ఆమెను ("స్కాట్ ఆఫ్ పెంటార్కిటికా" మరియు "వొట్టా లొట్టా స్కాట్" అంటూ) పరిహాసం చేయడం మొదలుపెట్టడంతో ఆమె ఎవరి కంటపడకుండా దాక్కోవాల్సిన పరిస్థితి నెలకొంటుంది. అన్నా తన కొత్త చిత్రానికి సంబంధించిన సంభాషణల కోసం విలియం చిట్కాలను తీసుకోవడం ద్వారా వారిద్దరి మధ్య బంధం మళ్లీ బలపడుతుంది. అదే రోజు రాత్రి వారిద్దరూ తొలిసారి ఒక్కటిగా కలిసి నిద్రిస్తారు. మరుసటి రోజు ఉదయం పలు పత్రికలకు చెందిన విలేఖరులు తమ గది గుమ్మం ఎదుట బారులు తీరి ఉండటం చూసి విలియం ఒక్కసారిగా నిర్ఘాంతపోతాడు. అంతకుముందు రోజు రాత్రి ఒక పబ్ వద్ద స్పైక్ అనాలోచితంగా నోరు జారడమే అన్నా ఆచూకీపై పత్రికలు దృష్టి పెట్టడానికి కారణమై ఉండొచ్చని భావిస్తారు. తనకు ద్రోహం చేశాడని భావించిన అన్నా అక్కడ నుంచి కోపంతో వెళ్లిపోతుంది. తర్వాత ఆమెను మరిచిపోవాలని విలియం కూడా నిర్ణయించుకుంటాడు.

ఏడాది తర్వాత, విలియం సిఫారసు చేసిన హెన్రీ జేమ్స్ చిత్రం కోసం అన్నా తిరిగి లండన్ వస్తుంది. అక్కడ సెట్ వద్దకు చేరుకున్న విలియంను షూటింగ్‌ను తిలకించమని అన్నా ఆహ్వానిస్తుంది. అన్నా సన్నివేశాల చిత్రీకరణలో పాల్గొంటున్న సమయంలో ఆడియో రికార్డింగ్‌ను అతను ఆలకిస్తుంటాడు. ఆమె తన సహనటుడుతో విలియం "ఒక మామూలు వ్యక్తే" అని చెప్పడాన్ని అతను వింటాడు. దాంతో మనస్తాపం చెందిన విలియం అక్కడ నుంచి వెళ్లిపోతాడు. తమ మధ్య ప్రేమను తిరిగి పండించుకోవాలనే ఆశతో అన్నా మరుసటిరోజు పుస్తకాల దుకాణానికి మరోసారి వస్తుంది. అయితే విలియం అందుకు ససేమిరా అంటాడు. అంతేకాక విలియం ఇంట్లో తాను చూసిన మార్క్ ఛాగల్ యొక్క వాస్తవిక చిత్రలేఖనం లా మేరీ ని కూడా ఆమె అతనికి బహుకరిస్తుంది. వెళ్లిపోవడానికి ముందు అన్నా ఈ గొప్ప వాక్యాన్ని చెబుతుంది: "ఒక అబ్బాయి ఎదుట నిలబడి, ఆమెను ప్రేమించమని అతన్ని కోరే ఒక మామూలు అమ్మాయినే నేను కూడా"; అయితే విలియం తన నిర్ణయాన్ని మార్చుకోడు. అనంతరం విలియం తన నిర్ణయంపై తన మిత్రులను సంప్రతిస్తాడు. "అతని జీవితంలో అతిపెద్ద పొరపాటు" చేశానన్న విషయాన్ని విలియం గ్రహించే విధంగా వారి మాటలు దోహదం చేస్తాయి. అన్నా కోసం అతను మరియు అతని స్నేహితులు కలిసి మ్యాక్స్ కారులో లండన్ నగరమంతా వెదుకుతారు. ఆమె అమెరికా సంయుక్తరాష్ట్రాలకు వెళ్లిపోవడానికి ముందే వారు ఆమె పాల్గొంటున్న మీడియా సమావేశం వద్దకు చేరుకుంటారు. దాంతో తనతో కలిసి ఇంగ్లాండ్‌లో ఉండేలా ఆమెను ఒప్పించడంలో అతను సఫలీకృతుడవుతాడు. అన్నా మరియు విలియం వివాహం చేసుకుంటారు. నాటింగ్ హిల్‌లోని ఒక పార్కులో విలియం మరియు గర్భవతియైన అన్నా కలిసి ఒక బెంచ్‌పై కూర్చునే ఉండే సన్నివేశంతో కథ సుఖాంతమవుతుంది.

తారాగణం మరియు పాత్రధారులుసవరించు

మొదట్లో పొందుపరిచిన విధంగా
  • అన్నా స్కాట్‌ గా జూలియా రాబర్ట్స్ : విశ్వవిఖ్యాత హాలీవుడ్ చలనచిత్ర నటి. నాటింగ్ హిల్‌లో షాపింగ్ చేస్తున్న సమయంలో విలియంను అతని పుస్తకాల దుకాణంలో ఆమె కలుసుకుంటుంది. అన్నా పాత్ర చేయడానికి రాబర్ట్స్ అంగీకరిస్తుందని రోజర్ మిచెల్ మరియు డంకన్ కెన్‌వర్తీ ఊహించకపోయినా, దానికి ఆమె "ఏకైక" ఎంపిక. ఎట్టకేలకు ఆ పాత్రను ఆమె స్వీకరించింది. దానిని "ఇప్పటివరకు ఆమె చేసిన ఉత్తమ శృంగార హాస్యకథా చిత్రం"గా ఆమె ప్రతినిధి పేర్కొన్నాడు.[1] స్క్రిప్ట్‌ చదివిన తర్వాత "దానిని చేయాలని" నిర్ణయించుకున్నట్లు రాబర్ట్స్ వెల్లడించింది.[2]
  • విలియం థాకర్‌ గా హ్యూ గ్రాంట్ : కొద్దికాలం కిందటే విడాకులు తీసుకున్న నాటింగ్ హిల్‌లోని ట్రావెల్ బుక్‌షాపు (ప్రయాణ పుస్తకాల దుకాణ) యజమాని. ఓ పుస్తకం కొనడానికి తన దుకాణానికి వచ్చిన అన్నా స్కాట్‌ను అతను కలుసుకుంటాడు. విలియం పాత్రకు గ్రాంట్‌ను ఏకగ్రీవంగా ఎంపిక చేయడం జరిగింది. అంతేకాక అతను మరియు రిచర్డ్ కర్టిస్ కలిసి "స్వర్గంలో జరిపిన రచయిత/నటుడు వివాహంలో పాల్గొన్నారు". "రిచర్డ్ ఇతరుల కంటే ఉత్తమ పనితీరు కనబరిచే విధంగా హ్యూ చేశాడు మరియు ఇతరుల కంటే హ్యూ కోసం రిచర్డ్ ఉత్తమ సంభాషణలు రాశాడు". "రిచర్డ్ సంభాషణలను స్పష్టంగా ఉచ్ఛరించ గలిగే కొద్దిమంది నటుల"లో గ్రాంట్ ఒకడు.[1]
  • హనీ థాకర్‌ గా ఎమ్మా ఛాంబర్స్‌ : విలియం యొక్క చిన్న సోదరి. అన్నా స్కాట్‌ అంటే ఆమెకు పిచ్చి అభిమానం.
  • బెర్నీ గా హ్యూ బోనీవిల్లే : ఒక వైఫల్య స్టాక్‌బ్రోకర్ మరియు విలియం మిత్రుడు. అన్నా స్కాట్‌ను తొలిసారి కలుసుకున్నప్పుడు ఆమె ఎవరనేది అతను గుర్తించలేకపోయాడు.
  • స్పైక్ గా రిస్ ఇఫాన్స్ : కళాకారుడు కావాలనే కలలు కనే వేల్స్‌కు చెందిన విలియం మిత్రుడు. "ప్రపంచంలోనే అత్యంత మూర్ఖుడు, రెండురెట్లు మాత్రమే" అని విలియం అతని గురించి వ్యాఖ్యానించాడు.
  • మ్యాక్స్ గా టిమ్ మెక్‌ఇన్నర్నీ : విలియంతో తరచూ కలిసి ఉండే అతని ఆప్తమిత్రుడు. హనీ పుట్టినరోజుకు అతను మరియు బెల్లా హాజరవుతారు.
  • బెల్లా గా గినా మెక్‌కీ : ఒక అంగవైకల్య న్యాయవాది మరియు విలియం మాజీ ప్రియురాలు. ఆమె మ్యాక్స్‌ను వివాహం చేసుకుంది.
  • మార్టిన్ గా జేమ్స్ డ్రేఫస్ : విలియం పుస్తకాల దుకాణంలో ఉండే అతని యొక్క అసమర్థ సహాయకుడు.

హ్యూ బోనీవిల్లే, టిమ్ మెక్‌ఇన్నర్నీ, గినా మెక్‌కీ, ఎమ్మా ఛాంబర్స్ మరియు రిస్ ఇఫాన్స్‌లు విలియం మిత్రబృందంగా "ఒక కుటుంబాన్ని తలపిస్తుంది". మిచెల్ ఈ విధంగా వివరించాడు, మిత్రుల బందుకట్టును నటింపజేస్తున్నప్పుడు వివిధ రకాల మరియు లక్షణాలకు సంబంధించిన నాణ్యతల తుల్యతను గుర్తించుకోవాల్సి ఉంటుంది. వారంతా అద్భుతమైన తారాగణం. వాస్తవికంగా ఇదే ప్రపంచంలో ఇంకా జీవించగలిగే అత్యంత వైవిధ్యభరిత నటీనటులను పొందామని నేను అనుకుంటున్నాను."[1]

ఇతర పాత్రధారులు

నిర్మాణంసవరించు

"వారానికి ఒకసారి విందుకు హాజరయ్యే నా మిత్రుల ఇంటికి అప్పట్లో అత్యంత ప్రజాదరణ పొందిన నటి మడోన్నా లేదా మరెవరితోనైనా కలిసి వెళ్లితే ఎలా ఉంటుందని కొన్నిసార్లు నేను ఆశ్చర్యానికి గురయ్యేవాడిని. అక్కడ నుంచి క్రమేపీ అంచనాలు, ఆలోచనలు ఊపందుకుంటాయి. నా మిత్రులు ఎలా ప్రతిస్పందిస్తారు? ఎవరు ప్రయత్నిస్తారు మరియు ఎవరు నెమ్మదిగా వ్యవహరిస్తారు? విందుకు ఎలా హాజరవడం? తర్వాత వారు ఏమి చెబుతారు?"
— రిచర్డ్ కర్టిస్[6]

రాత్రిపూట మెళకువతో పడుకుని ఉన్న సమయంలో వచ్చిన ఆలోచనల ద్వారా చిత్ర రూపకల్పనకు రిచర్డ్ కర్టిస్ వ్యూహరచన చేశాడు. "అతి సామాన్యమైన వ్యక్తి నమ్మలేని విధంగా ఒక ప్రఖ్యాత వ్యక్తితో కలిసి వెళ్లడం మరియు ఆ పరిణామం వారి జీవితాలపై ఎలాంటి అసాధారణ ప్రభావం చూపిస్తుంది" అనేదే చిత్రం యొక్క ఇతివృత్తానికి ఆది మూలమని అతను వివరించాడు.[6] ఈ చిత్రం కోసం ఫోర్ వెడ్డింగ్స్ అండ్ ఎ ఫునెరల్ దర్శకుడు మైక్ నీవెల్‌ను సంప్రతించడం జరిగింది. అయితే అందుకు బదులుగా పుషింగ్ టిన్‌ కోసం దానిని తిరస్కరించాడు. వ్యాపార రీత్యా తాను తప్పుడు నిర్ణయం తీసుకున్నానని తర్వాత అతను అంగీకరించాడు. అయితే అందుకు తాను చింతించడం లేదని పేర్కొన్నాడు.[7] చిత్ర నిర్మాత డంకన్ కెన్‌వర్తీ తర్వాత రోజర్ మిచెల్ గురించి ప్రస్తావిస్తూ, "రోజర్ వంటి ఒక మంచి వ్యక్తిని అన్వేషించడమనేది ప్రతి పాత్రకు ఒక సరైన పాత్రధారుడిని అన్వేషించడం వంటిదని పేర్కొన్నాడు. దాంతో రోజర్ మొహం దేదీప్యమానంగా వెలిగిపోయింది."[1]

 
చిత్రీకరణ ఎక్కువగా పోర్టోబెల్లో రోడ్‌లో జరిగింది.

నాటింగ్ హిల్‌లో తాను నివసిస్తుండటం మరియు ఆ ప్రాంతం తనకు బాగా తెలిసినది కావడంతో కర్టిస్ తన చిత్రానికి దానిని ఎంపిక చేసుకున్నాడు. అతను ఈ విధంగా అన్నాడు, "నాటింగ్ హిల్ ఒక ప్రమిద వంటిది మరియు ఒక చిత్రం తీయడానికి అనువైన ప్రాంతం".[8] అతను అలా చేయడంతో జనాభా ఎక్కువగా నివసించే అక్కడ షూటింగ్ కార్యక్రమాలు చేపట్టడం నిర్మాతలకు కష్టతరమయింది. కెన్‌వర్తీ ఈ విధంగా పేర్కొన్నాడు, "బయట ఒక భారీ సెట్‌ను వేయాలనే ఆలోచన తొలుత మాకు తట్టింది. అంటే మాకు మరింత నియంత్రణ ఉండే విధంగా. ఎందుకంటే జనాలు తిరిగే సాధారణ వీధుల్లో జరిగే షూటింగ్‌లో పాల్గొనే రాబర్ట్స్ మరియు గ్రాంట్‌లను చూడటానికి వేలాది మంది వీక్షకులు మమ్మల్ని చుట్టుముట్టవచ్చని ఆందోళన చెందాం." అయితే ఇబ్బందైనా పర్లేదనుకుని చివరకు మామూలు వీధుల్లోనే షూటింగ్ చేయాలని నిర్ణయించుకున్నాం.[8] మిచెల్ ఈ విధంగా ఆందోళన చెందాడు, పోర్టోబెల్లో రోడ్డులో జరిగే తొలిరోజు షూటింగ్‌లో హ్యూ మరియు జూలియా పాల్గొంటున్నారు. దాంతో ఒకవైపు ట్రాఫిక్ జామ్ అవుతుందని, మరోవైపు [వక్రోక్తిగా] మా షూటింగ్‌ను ఆటంకపరిచే విధంగా వేలాది మంది జనాలు మరియు ఫోటోగ్రాఫర్ల బృందం మమ్మల్ని చుట్టుముట్టుతుందని భావించాం". అయితే లొకేషన్ బృందం మరియు భద్రతా సిబ్బంది ఈ సమస్యను అరికట్టారు. అలాగే షూటింగ్ కార్యక్రమాలు చేపడుతున్న చిత్ర బృందానికి నాటింగ్ హిల్ వాసుల వల్ల ఏర్పడిన ఇబ్బందులను కూడా తొలగించారు. ఈ చిత్రం గురించి వారు (నాటింగ్ హిల్ ప్రజలు)"స్వచ్ఛమైన ఉద్వేగం" చెందారని మిచెల్ పేర్కొన్నాడు.[8] తన బాధ్యతల గురించి ఈ చిత్రం యొక్క లొకేషన్ మేనేజర్ స్యూ క్విన్ ఇలా వివరించింది, అనువైన ప్రదేశాలను గుర్తించడం మరియు "భారీ స్థాయి"లో అక్కడ చిత్రీకరణ చేయడం.[8] తమకు నచ్చిన సేవా సంస్థలకు విరాళాలను అందజేస్తామని హామీ ఇచ్చే విధంగా క్విన్ మరియు మిగిలిన ఆమె లొకేషన్ బృందం నాటింగ్ హిల్‌లోని వేలాది మంది ప్రజలకు లేఖలు పంపారు. దాని ఫలితంగా ఈ సినిమా ప్రాజెక్టు ద్వారా 200 పైగా విభిన్న సేవా సంస్థలు విరాళాలు అందుకున్నాయి.[8]

"చిత్ర యూనిట్ యొక్క పరిమాణం పెద్దదిగా ఉండటమే మాకు అతిపెద్ద సమస్య. సాధారణంగా అలా వెళ్లి ఇలా షూటింగ్ కార్యక్రమాలు పూర్తి చేయలేకపోయే వాళ్లం. ఎక్కడ చూసినా మేమే. లండన్ వీధుల్లో జరిపిన చిత్రీకరణ కోసం మేము ఆరోగ్య మరియు భద్రతా ప్రమాణాలను తీసుకోవాల్సిన పరిస్థితి ఏర్పడింది. రహదారులను మూసివేయడం వంటి పరిస్థితులు చోటు చేసుకోలేదు. పోలీసులు మరియు మండలి (కౌన్సిల్) 100% సహకారం అందించడం మా అదృష్టం. మేము ఏమి చేయాలనుకుంటున్నాం మరియు అది ఏ విధంగా ఆ ప్రాంతానికి గుర్తింపు తీసుకొస్తుందనే దానిపై వారు ప్రత్యేక దృష్టి పెట్టారు."
— స్యూ క్విన్[8]
 
పోర్టోబెల్లో రోడ్‌కు సమీపంలో నెలకొల్పిన ది ట్రావెల్ బుక్‌షాప్. ఈ చిత్రంలోని పుస్తక దుకాణానికి అదే స్ఫూర్తి.

ఈ చిత్రం ప్రొడక్షన్ డిజైనర్ స్టువార్ట్ క్రెయిగ్. ఒక సమకాలీన చిత్రం తీయడం కోసం అతను అభ్యర్థించబడతాడు. ఈ చిత్రంపై అతను ఇలా అన్నాడు, "మేము వేలాది మంది ప్రజలు, వ్యాపారులు, దుకాణ యజమానులు మరియు స్థానికులు నివశించే వీధుల్లో షూటింగ్‌కు తలపెట్టాం. అదెంతో క్లిష్టమైనది".[8] వెస్ట్ లండన్ మరియు షెప్పర్టన్ స్టూడియోస్ రెండింటిలోనూ 17 ఏప్రిల్ 1998న చిత్రీకరణ మొదలయింది.[1] విలియం పుస్తకాల దుకాణాన్ని పోర్టోబెల్లో రోడ్ వద్ద ఏర్పాటు చేశారు. చిత్రీకరణ జరిగిన ప్రధాన ప్రాంతాల్లో అదొకటి. వెస్ట్‌బోర్న్ పార్క్ రోడ్, గోల్‌బోర్న్ రోడ్, ల్యాండ్స్‌డౌన్ రోడ్ మరియు కరోనెట్ సినిమా వంటివి నాటింగ్ హిల్‌లో షూటింగ్ జరుపుకున్న ఇతర ప్రాంతాలు.[8] 280 వెస్ట్‌బోర్న్ పార్క్ రోడ్లో ఉండే విలియం నివాసం నిజానికి రిచర్డ్ కర్టిస్‌కు చెందినది. ప్రవేశద్వారం వెనుక వైపు ఒక పెద్ద ఇల్లు ఉంది. అంటే అది వాస్తవానికి స్టూడియోస్‌లో నిర్మించిన ఫ్లాటు ఎంత మాత్రం కాదు. అత్యంతగా ఆకట్టుకున్న నీలం రంగు తలుపు ఎట్టకేలకు వేలం ద్వారా విక్రయించబడింది. తద్వారా సమకూరిన సొమ్మును ఒక సేవా సంస్థకు అందజేశారు. ప్రస్తుతం ఉండే అంతగా నాణ్యత లేని తలుపు నలుపు రంగులో ఉంది. నాటింగ్ హిల్‌లో ఆరు వారాల పాటు చిత్రీకరణ జరిగిన అనంతరం రిట్జ్ హోటల్‌కు మకాం మార్చబడింది. అక్కడ సావై హోటల్, నోబు రెస్టారెంట్, హెంపెల్ హోటల్‌కు చెందిన జెన్ గార్డెన్ మరియు కెన్‌వుడ్ హౌస్‌లలో రాత్రిపూట షూటింగ్ చేయాల్సి వచ్చింది.[8] ఓ సినిమా ప్రీమియర్ వద్ద జరిపిన ఈ చిత్రంలోని తుది సన్నివేశాల్లో ఒక దాని విషయంలో నిర్మాణ బృందానికి ఇబ్బందులు ఎదురయ్యాయి. సదరు సన్నివేశాన్ని లీసెస్టర్ స్క్వేర్లో చిత్రీకరించాలన్న మిచెల్ కోరిక నెరవేరలేదు. నటుడు లియోనార్డో డికేప్రియో తాజా చిత్రం ప్రీమియర్ వద్ద అభిమానుల తాకిడి వల్ల ఏర్పడిన ఇబ్బందికర పరిస్థితిని పోలీసులు గుర్తించారు. అందువల్ల వేదికపై నిర్వహించే ప్రీమియర్‌లకు ఈ తరహా ఇబ్బందులు తలెత్తవచ్చని వారు ఆందోళన చెందారు. ఆరోగ్య మరియు భద్రతా చట్టం ద్వారా ప్రొడక్షన్ టీమ్ షూటింగ్‌కు అనుమతి తీసుకుంది. ఆ సన్నివేశం యొక్క చిత్రీకరణను ఇరవై నాలుగు గంటల్లో ముగించింది.[8] షెప్పర్టన్ స్టూడియోస్‌ లోపల చివరి సన్నివేశాలను చిత్రీకరించారు.[8] సినిమా చిత్రీకరణ ముగిశాక, దాని నిడివిని 3½ గంటలకు కుదించారు. తర్వాత విడుదల సమయానికి 90 నిమిషాల భాగాన్ని కుదించడం జరిగింది.[9]

ఇందులో 1950 మార్క్ ఛాగల్ యొక్క చిత్రలేఖనం (పెయింటింగ్) లా మేరీని వాడారు. కథ విషయానికొస్తే, విలియం ఇంట్లో దానిని అన్నా చూస్తుంది. నిజమైనదని ఊహించే విధంగా ఉండే పెయింటింగ్‌ను తర్వాత ఆమె అతనికి బహుకరిస్తుంది. ఎంటర్‌టైన్‌మెంట్ వీక్లీలో ప్రచురితమైన ఒక కథనంలో దర్శకుడు మిచెల్ పేర్కొన్న ప్రకారం, ఛాగల్ కళాఖండాలకు కథకుడు కర్టిస్‌ అభిమాని కావడం మరియు లా మేరీ యొక్క "పోగొట్టుకున్న దానిని తిరిగి పొందాలనే కాంక్షను తెలియజేయడం" కారణంగా ఆ పెయింటింగ్‌ను ఎంపిక చేయడం జరిగింది. తమ సినిమా కోసం నిర్మాతలు దానిని తిరిగి రూపొందించాల్సి వచ్చింది. దాని కోసం తొలుత సదరు పెయింటింగ్ యొక్క హక్కుదారుల అనుమతి మరియు బ్రిటీష్ డిజైన్ అండ్ ఆర్టిస్ట్స్ కాపీరైట్ సొసైటీ నుంచి ధ్రువీకరణ పత్రం తీసుకోవాల్సి ఉంటుంది. చివరకు, నిర్మాత కెన్‌వర్తీ ఇలా అన్నాడు, "దానిని నాశనం చేయడానికి మేము ఒప్పుకున్నాం. మేము తయారు చేసిన నకిలీ ఆకట్టుకునే విధంగా అద్భుతంగా ఉన్న పక్షంలో అది మార్కెట్‌లో ప్రవేశించడం ద్వారా పలు సమస్యలు తలెత్తవచ్చని వారు ఆందోళన చెందారు." "ఒరిజినల్ పెయింటింగ్ విలువ $500,000 మరియు $1 మిలియన్ మధ్య ఉండొచ్చని మేధావుల అంచనా" అని సదరు కథనం పేర్కొంది.[10]

సంగీతంసవరించు

ఈ చిత్రానికి ట్రెవర్ జోన్స్ బాణీలు సమకూర్చాడు.[11] ఇతర కళాకారులు రాసిన వివిధ అదనపు పాటలు ఆడియోలో పొందుపరచబడ్డాయి. వాటిలో ఎల్విస్ కోస్టెల్లో చేత రాయబడి, చార్లెస్ అజ్నావోర్ ఆలపించిన ప్రధాన పాట "షీ", షానియా టివైన్ యొక్క "యు హ్యవ్ గాట్ ఎ వే" అనే రీమిక్స్ పాట, అదే విధంగా రోనాన్ కీటింగ్ యొక్క ప్రత్యేకంగా రికార్డు చేసిన ప్రధాన పాట "వెన్ యు సే నథింగ్ ఎట్ ఆల్" ఉన్నాయి. ఈ పాట బ్రిటీష్ పాటల పట్టికల్లో అగ్ర స్థానాన్ని చేరుకుంది. పోర్టోబెల్లో రోడ్డుపై విలియం నడుస్తున్నప్పుడు బిల్ విథర్స్ ఆలపించిన "యామ్ నాట్ నో సన్‌షైన్" అనే పాట వినిపిస్తుంది. "బ్లూ మూన్" అనే పాటను రాత్రి పొద్దుపోయాక టోనీ రెస్టారెంట్‌‌ను మూసివేస్తున్న సమయంలో టోనీ మరియు మ్యాక్స్ పియానో ద్వారా అక్కడ రికార్డు చేశారు.[12] వాస్తవానికి, చార్లెస్ అజ్నావోర్ యొక్క "షీ" పాటను ఈ చిత్రంలో వాడారు. అయితే దానికి అమెరికన్ టెస్ట్ స్క్రీనింగ్ శ్రోతల నుంచి ఆదరణ కరువైంది. దాంతో ఆ పాట కవర్ వర్షన్ (మొదటిది లేదా ప్రధానమైనది) రికార్డింగ్ కోసం రిచర్డ్ కర్టిస్‌ను కోస్టెల్లో ఆశ్రయించాడు.[13] ఆ పాట యొక్క రెండు వెర్షన్లు U.S.యేతర విడుదలల్లో కన్పిస్తాయి.

పాటల జాబితాసవరించు

  1. ఫ్రమ్ ది హార్ట్ - అనదర్ లెవల్
  2. వెన్ యు సే నథింగ్ ఎట్ ఆల్ - రోనాన్ కీటింగ్
  3. షీ - ఎల్విస్ కోస్టెల్లో
  4. హౌ కెన్ యు మెండ్ ఎ బ్రోకెన్ హార్ట్? - అల్ గ్రీన్
  5. అన్ అవర్ లైఫ్‌టైమ్ - టెక్సాస్
  6. ఐ డు (చెరిష్ యు) - 98 డిగ్రీస్
  7. బార్న్ టు క్రై - పల్ప్
  8. యామ్ నాట్ నో సన్‌షైన్ - లైట్‌హౌస్ ఫ్యామిలీ
  9. యు హ్యవ్ గాట్ ఎ వే - షానియా టివైన్ (నాటింగ్ హిల్ రీమిక్స్)
  10. జిమ్మీ సన్ లోవిన్' - స్పెన్సర్ డేవిస్ గ్రూపు
  11. విల్ అండ్ అన్నా - ట్రెవర్ జోన్స్ (బాణీలు)
  12. నాటింగ్ హిల్ - ట్రెవర్ జోన్స్ (బాణీలు)
  13. యామ్ నాట్ నో సన్‌షైన్ - బిల్ విథర్స్ (బోనస్ పాట)

ఆదరణసవరించు

ఈ చిత్రానికి సాధారణంగా సానుకూల సమీక్షలు వచ్చాయి. అంతేకాక రోటెన్ టమాటోస్‌లో 85% "నవీనమైనదిగా ధ్రువీకరించబడింది".[14] వెరైటీకి చెందిన డెరెక్ ఎల్లీ ఇలా అన్నాడు, "ఇది నైపుణ్యమైనది, వికృతమైనది, నిడివి పరంగా 10 నిమిషాల పొడవైనది మరియు నిర్మాణం పరంగానూ లేదా మొత్తం లక్షణం పరంగానూ చూస్తే ఇది కచ్చితంగా ఫోర్ వెడ్డింగ్స్ అండ్ ఎ ఫునెరల్ భాగం 2 ఎంతమాత్రమూ కాదు" . అందువల్ల దీనికి మొత్తంమీద సానూకూల సమీక్షలు వచ్చాయి.[3]

"మంచిని అమితంగా చెడగొట్టే" విధంగా ఉంది. అంతేకాక ఇది "కచ్చితంగా ఒక ప్రేమ కార్యకలాపాల చిత్రం" అని క్రాంకీ క్రిటిక్ వ్యాఖ్యానించాడు.[15] "మనోహరమైన సన్నివేశాలు మరియు గుర్తుకు తెచ్చుకునే పాత్రలు ఉన్నందున నాటింగ్ హిల్ చిత్రం ఒక చపలమైన మరియు పేలవమైన, కొత్తదనం మరియు చురుకుదనం ఉన్నది" అని నైట్రేట్ ' వ్యాఖ్యానించాడు.[16] ఈ చిత్రం యొక్క DVD సమీక్ష సందర్భంగా జాన్ J. పుక్కియో ఇలా అన్నాడు, "ఈ చిత్రం ఒక అందమైన అబద్ధం మరియు రచయిత రిచర్డ్ కర్టిస్‌కు తెలుసు ఒక అందమైన అబద్ధాన్ని జనాలు ఎంత ఇష్టపడతారనేది". ఇది "ఒక చక్కటి చిత్రం".[17] వాషింగ్టన్ పోస్ట్‌కు చెందిన డెస్సాన్ హోవీ ఈ చిత్రానికి అత్యంత సానుకూల సమీక్ష ఇచ్చాడు. ప్రత్యేకించి, స్పైక్ పాత్రలో రిస్ ఇఫాన్స్ నటనను మెచ్చుకున్నాడు.[18] నాటింగ్ హిల్ చిత్రానికి మూడున్నర నక్షత్రాల రేటింగ్‌ను జేమ్స్ సాన్‌ఫోర్డ్ ఇచ్చాడు . అతను ఇలా అన్నాడు, "కర్టిస్ సంభాషణలు కొన్ని సందర్భాల్లో ఆలస్యమయ్యే అతని కథనం కంటే చక్కగా ఉన్నాయి. అయితే నాటింగ్ హిల్ చిత్రం తొలి గంట చాలా వరకు దృష్టిని మరల్చే విధంగా మరియు తమాషాగానూ ఉంది. కానీ మిగిలిన చిత్రం మాత్రమే బాగుందని వ్యాఖ్యానించడం మర్యాద అనిపించుకోదు".[19] మిల్‌వాకీ జర్నల్ సెంటినెల్‌కు చెందిన స్యూ పియర్‌మన్ ఈ విధంగా అన్నాడు, "నాటింగ్ హిల్ తెలివైన, తమాషాయైన, శృంగారభరితమైనది మరియు అవును, ఫోర్ వెడ్డింగ్స్ అండ్ ఎ ఫునెరల్‌ను గుర్తుకు తెచ్చే విధంగా ఉంది", అయితే ఈ చిత్రం "చాలా సంతృప్తినిచ్చింది, విమర్శించాల్సిన పనిలేదు."[20] రోజర్ ఎబర్ట్ ఈ చిత్రంపై ప్రశంసల జల్లు కురిపించాడు, అతను ఈ విధంగా అన్నాడు, "ఈ చిత్రం చాలా కాంతివంతమైనది, సంభాషణలు సులువుగా అర్థం చేసుకునే విధంగానూ మరియు తెలివైనవిగానూ ఉన్నాయి. అంతేకాక రాబర్ట్స్ మరియు గ్రాంట్ చాలా తేలికగా ఇష్టపడే విధంగా ఉన్నారు."[21] అలాగే కెన్నెత్ తురాన్ కూడా ఈ చిత్రానికి మంచి రేటింగ్ ఇచ్చాడు. "ఇందులోని శృంగార సన్నివేశాలు సమస్యలకు తావిచ్చే విధంగా అభేద్యమైనవిగా ఉన్నాయి" అని అన్నాడు.[22] CNN సమీక్షకుడు పాల్ క్లింటన్ ఇలా అన్నాడు, "నాటింగ్ హిల్ చిత్రం "ప్రేమకు సంబంధించి అన్ని అసమానతలకు భిన్నంగా మరో తమాషాయైన మరియు హృదయాన్ని కదిలించే కథగా నిలుస్తుంది" .[23]

Needcoffee.com అనే వెబ్‌సైటుకు చెందిన విడ్జెట్ వాల్స్ ఈ చిత్రానికి "మూడున్నర కాఫీ కప్పుల" రేటింగ్ ఇచ్చాడు, అతను ఇలా అన్నాడు, "ఈ చిత్రంలోని హాస్యం ఇది పూర్తిగా సర్వసాధారణమైనదని మరియు అసంతృప్తికర (కాదు, కోపం పుట్టించే విధంగా ఉందని నేను చెప్పొచ్చు) ముగింపు ఉందనే భావనను మరల్చింది". అయితే పాటలపై మాత్రం అతను విమర్శనాస్త్రాలు సంధించాడు.[24] దీనికి "C-" రేటింగ్ ఇచ్చిన డెన్సిస్ ష్వార్ట్జ్ "ఈ చిత్రం స్వచ్ఛమైనది మరియు నిర్మలమైనది" అని అన్నాడు.[25] "మధురమైన అవాస్తవ లండన్ జీవితం మరియు బ్రిటీషు చాదస్తాన్ని చూపించడం" వల్ల ఈ చిత్రంపై కొందరు విమర్శలు గుప్పించారు.[26]

నాటింగ్ హిల్ చిత్రం బ్రిటీష్ ఫిల్మ్ ఇన్‌స్టిట్యూట్‌ యొక్క "ఆల్‌టైమ్ టాప్ 100 చిత్రాల జాబితా"లో 95వ స్థానంలో నిలిచింది. జాబితా ఫలితాలను ప్రతి చిత్రం యొక్క బ్రిటీష్ సినిమా ప్రవేశ స్థాయి అంచనాల ఆధారంగా ప్రకటిస్తారు.[4]

ఈ చిత్రం యొక్క వరల్డ్ ప్రీమియర్‌ లీసెస్టర్‌ స్క్వేర్‌లోని ఓడియన్‌లో 27 ఏప్రిల్ 1999న నిర్వహించబడింది.[27] నాటింగ్ హిల్ చిత్రం బాక్సాఫీసు వద్ద కూడా బాగానే వసూళ్లు రాబట్టింది. దేశీయంగా $116,089,678, ప్రపంచం మొత్తంమీద $363,889,678 సంపాదించి పెట్టింది.[28] విడుదలయిన తొలివారం ముగిసే సరికి $27.7 మిలియన్లు రాబట్టింది. అమెరికా బాక్సాఫీసు రికార్డు[29] లను తిరగరాసింది. తద్వారా అప్పట్లో అత్యంత భారీగా వసూళ్లు సాధించిన శృంగార హాస్యకథా చిత్రంగా రికార్డు సృష్టించింది. మై బెస్ట్ ఫ్రెండ్స్ వెడ్డింగ్ చిత్రం రికార్డు బద్దలయింది.[30] నాటింగ్ హిల్ మరుసటి వారం మరో $15 మిలియన్లను సాధించింది. అయితే వసూళ్లు తర్వాత క్రమంగా తగ్గాయి.[31] విడుదలయిన నెల తర్వాత, తొలి వారంలో అత్యధిక వసూళ్లు సాధించిన ఒక శృంగార హాస్యకథా చిత్రంగా నాటింగ్ హిల్ తన స్థానం కోల్పోయింది. ఆ స్థానాన్ని రన్‌అవే బ్రైడ్ (ఇందులోనూ రాబర్ట్స్ నటించింది) చిత్రం ఆక్రమించింది.[32] ఇది 1999[33]లో అత్యధిక వసూళ్లను సాధించిన పదహారవ చిత్రం. అలాగే మే, 2007 నాటికి రికార్డు స్థాయిలో అత్యధిక వసూళ్లు సాధించిన 104వ చిత్రంగా నిలిచింది.[34] అంతేకాక ఇది అప్పట్లో రికార్డు స్థాయిలో అత్యధిక వసూళ్లు సాధించిన బ్రిటీషు చిత్రంగా నిలిచింది.[35]

నాటింగ్ హిల్ 2000[36]లో BAFTA యొక్క అత్యంత ప్రజాదరణ చిత్రంగా ఆడియన్స్ అవార్డును గెలుచుకుంది. అలాగే అవుట్‌స్టాండింగ్ బ్రిటీష్ ఫిల్మ్ ఆఫ్ ది ఇయర్‌‌‌ మరియు సహాయక పాత్రలో అత్యుత్తమ ప్రదర్శనకు రిస్ ఇఫాన్స్ ది అలెగ్జాండర్ అవార్డుకు ఎంపికయ్యారు.[37] అంతేకాక ఇది బ్రిటీష్ కామెడీ అవార్డ్స్‌‌ కార్యక్రమంలో ఉత్తమ హాస్యకథా చిత్రం అవార్డును కూడా గెలుచుకుంది.[38] బ్రిట్ అవా‌ర్డ్స్‌లో ఈ చిత్రం ఉత్తమ ఆడియో అవార్డును గెలుచుకుంది.[39] ఉత్తమ బ్రిటీషు చిత్రం అవార్డును అందుకుంది. అలాగే ఎంపైర్ అవార్డ్స్‌లో ఉత్తమ బ్రిటీష్ దర్శకుడుగా రోజర్ మిచెల్ మరియు ఉత్తమ బ్రిటీష్ నటుడుగా హ్యూ గ్రాంట్ అవార్డులను గెలుచుకున్నారు.[40] అంతేకాక గోల్డెన్ గ్లోబ్స్‌ అవార్డుల కార్యక్రమంలో ఈ చిత్రం మూడు అవార్డులకు ఎంపికయింది. బెస్ట్ మోషన్ పిక్చర్-కామెడీ/మ్యూజికల్, బెస్ట్ మోషన్ పిక్చర్ నటుడు-కామెడీ/మ్యూజికల్‌కు హ్యూ గ్రాంట్ మరియు బెస్ట్ మోషన్ పిక్చర్ నటి-కామెడీ/మ్యూజికల్‌‌‌కు జూలియా రాబర్ట్స్ ఎంపికయ్యారు.[41]

ఉపప్రమాణాలుసవరించు

  1. 1.0 1.1 1.2 1.3 1.4 "About the Production". Notting Hill.com. Retrieved 22 May 2007. Cite web requires |website= (help)
  2. "A Romantic Comedy Dream Team". Notting Hill.com. Retrieved 22 May 2007. Cite web requires |website= (help)
  3. 3.0 3.1 Elley, Derek (30 April 1999). "Notting Hill". Variety. Retrieved 19 May 2007. Cite web requires |website= (help)
  4. 4.0 4.1 "95: NOTTING HILL". British Film Institute. Retrieved 19 May 2007. Cite web requires |website= (help)
  5. Gordon, Jane (12 May 2007). "Mischa Barton: Little Miss Sunshine". The Mail on Sunday. Retrieved 19 May 2007. Cite web requires |website= (help)
  6. 6.0 6.1 "Behind-the-Scenes". Notting Hill.com. Retrieved 22 May 2007. Cite web requires |website= (help)
  7. Chris Parry. "The man who told Notting Hill to 'sod off'". eFilm Critic. Retrieved 21 May 2007. Cite web requires |website= (help)
  8. 8.00 8.01 8.02 8.03 8.04 8.05 8.06 8.07 8.08 8.09 8.10 "Notting Hill, the place, the movie location". Notting Hill.com. Retrieved 22 May 2007. Cite web requires |website= (help)
  9. Greg Dean Schmitz. "Notting Hill (1999)". Yahoo!. Retrieved 28 May 2007. Cite web requires |website= (help)
  10. Joe Dziemianowicz; Clarissa Cruz (11 June 1999). "Flashes". Entertainment Weekly. Retrieved 20 May 2007. Cite web requires |website= (help)
  11. "Notting Hill". Filmtracks.com. Retrieved 23 May 2007. Cite web requires |website= (help)
  12. "'When You Say Nothing at All'". BBC. Retrieved 21 May 2007. Cite web requires |website= (help)
  13. Darryl Chamberlain (20 July 1999). "Elvis alive and well in Notting Hill". BBC News. Retrieved 23 May 2007. Cite news requires |newspaper= (help)
  14. "Notting Hill (1999)". Rotten Tomatoes. Retrieved 21 May 2007. Cite web requires |website= (help)
  15. "Notting Hill". Cranky Critic. Retrieved 19 May 2007. Cite web requires |website= (help)
  16. Savada, Elias (28 May 1999). "Notting Hill". Nitrate. Retrieved 19 May 2007. Cite web requires |website= (help)
  17. John J. Puccio. "Notting Hill [Ultimate Edition]". DVD Town.com. Retrieved 20 May 2007. Cite web requires |website= (help)
  18. Desson Howe (28 May 1999). "'Notting Hill': Easy to Love". Washington Post. Retrieved 21 May 2007. Cite web requires |website= (help)
  19. James Sanford. "Notting Hill". Kalamazoo Gazette. Retrieved 21 May 2007. Cite web requires |website= (help)
  20. Sue Pierman (27 May 1999). "'Notting Hill' is perfect romantic fit for Roberts, Grant". Milwaukee Journal Sentinel. Retrieved 21 May 2007. Cite web requires |website= (help)
  21. Roger Ebert (28 May 1999). "Notting Hill". Chicago Sun-Times. Retrieved 21 May 2007. Cite web requires |website= (help)
  22. Kenneth Turan (28 May 1999). "Notting Hill". Calendar Live. Retrieved 21 May 2007. Cite web requires |website= (help)
  23. Paul Clinton (27 May 1999). "Review: Julia, Hugh a perfect match for 'Notting Hill'". CNN. Retrieved 21 May 2007. Cite web requires |website= (help)
  24. Widgett Walls. "Notting Hill (1999)". Needcoffee.com. Retrieved 21 May 2007. Cite web requires |website= (help)
  25. Dennis Schwartz (29 November 2000). "Notting Hill". Ozus' World Movie Reviews. Retrieved 21 May 2007. Cite web requires |website= (help)
  26. Tom Brook (5 June 1999). "Money takes over the movies". BBC News. Retrieved 22 March 2008. Cite news requires |newspaper= (help)
  27. "Notting Hill premieres in Leicester Square". BBC News. 27 April 1999. Retrieved 23 May 2007. Cite news requires |newspaper= (help)
  28. "NOTTING HILL". Box Office Mojo. Retrieved 20 May 2007. Cite web requires |website= (help)
  29. "Notting Hill has The Force". BBC News. 2 June 1999. Retrieved 23 May 2007. Cite news requires |newspaper= (help)
  30. Brandon Gray (2 June 1999). "Weekend Box Office". Box Office Mojo. Retrieved 20 May 2007. Cite web requires |website= (help)
  31. Brandon Gray (21 June 1999). "Weekend Box Office". Box Office Mojo. Retrieved 20 May 2007. Cite web requires |website= (help)
  32. Brandon Gray (3 August 1999). "Weekend Box Office". Box Office Mojo. Retrieved 20 May 2007. Cite web requires |website= (help)
  33. "1999 DOMESTIC GROSSES". Box Office Mojo. Retrieved 20 May 2007. Cite web requires |website= (help)
  34. "WORLDWIDE GROSSES". Box Office Mojo. Retrieved 20 May 2007. Cite web requires |website= (help)
  35. "Notting Hill breaks film record". BBC News. 26 August 1999. Retrieved 23 May 2007. Cite news requires |newspaper= (help)
  36. "2000 British Academy of Film and Television Awards". infoplease.com. Retrieved 22 May 2007. Cite web requires |website= (help)
  37. "Bafta nominations in full". BBC News. 1 March 2000. Retrieved 22 May 2007. Cite news requires |newspaper= (help)
  38. "The Past Winners 1999". British Comedy Awards. Retrieved 22 May 2007. Cite web requires |website= (help)
  39. "Brits 2000: The winners". BBC News. 3 March 2000. Retrieved 22 May 2007. Cite news requires |newspaper= (help)
  40. "What are they doing?". British Theatre Guide. 20 February 2000. Retrieved 21 May 2007. Cite web requires |website= (help)
  41. "Notting Hill". TheGoldenGlobes.com. Retrieved 22 May 2007. Cite web requires |website= (help)

బాహ్య లింకులుసవరించు