నటుడవ్వాలని వచ్చి నిర్మాత గా స్ధిరపడ్డ '''వి.బి.రాజేంద్రప్రసాద్''' [[జగపతి పిక్చర్స్]] మరియు [[జగపతి ఆర్ట్ ప్రొడక్షన్స్]] అధినేత. అరవై, డభ్భయి దశకాలలో విజయవంతమైన చిత్రాలు నిర్మించి ఆ నాటి మేటి చిత్ర నిర్మాతలలో ఒకరిగా నిలిచారు. ఆయన నిర్మాత, దర్శకుడు కూడా. తెలుగు, తమిళ హిందీ భాషలలో 32 సినిమాలు నిర్మించి 19 సినిమాలకు దర్శకత్వం వహించారు.
== బాల్యం విద్యాబ్యాసం ==
వి.బి.రాజేంద్రప్రసాద్ 1932 నవంబర్ 4 వ తేది, న కృష్ణా జిల్లా [[డోకిపర్రు]] గ్రామంలో, వ్యవవసాయ కుటుంబానికి చెందిన జగపతి చోదరి, లక్ష్మీనరసమ్మ దంపతులకు జన్మించారు. ఆయన పాఠశాల విద్యాబ్యాసం డోకిపర్రు గ్రామంలోనూ, కళాశాల విద్యాబ్యాసం కాకినాడ లోనూ జరిగింది. అక్కడ వారికి [[ఏడిద నాగేశ్వరరావు]] తో పరిచయమైంది.' రాఘవ కళాసమితి' అనే సాంస్కృతిక సంస్థను ప్రారంభించి పలు నాటకాలు ప్రదర్శించడమే కాకుండా లేడీ ఆర్టిస్టుగా నటించి ఉత్తమ కథానాయిక బహుమతినీ గెలుచుకున్నారు. కొన్నాళ్ళు విజయవాడలో, కొంతకాలం బందరులో వ్యాపారాలు నిర్వహించారు.
== సినీ జీవితం ==
నటుడవ్వాలని మద్రాస్ కి వచ్చారు వి.బి.రాజేంద్రప్రసాద్. అక్కడ ఆయనకు [[అక్కినేని నాగేశ్వరరావు]] తో పరిచయం కలిగింది. అది రాజేంద్రప్రసాద్ జీవితంలో ఒక మలుపు. అక్కినేని నాగేశ్వరరావు, వి.బి. రాజేంద్రప్రాద్ ను చాలా ప్రోత్సహించారు. వి.బి.రాజేంద్రప్రసాద్ ను అక్కినేని, ప్రముఖ నిర్మాత ధుక్కిపాటి మధుసూధనరావుకు పరిచయం చేసారు. కానీ నటుడిగా అవకాశాలు దొరకలేదు. దానితో నాగేశ్వరరావు ప్రోత్సాహంతో తండ్రీగారి పేరిట జగపతి సంస్ద స్దాపించి అన్నపూర్ణ చిత్రంతో చిత్ర నిర్మాణం ప్రారంభించారు. [[దసరా బుల్లోడు]] చిత్రంతో దర్శకుడిగా మారేరు. వారి సంస్ధలలో నిర్నించిన చిత్రాలకే కాక [[అందరూ దొంగలే]] సినిమాకు దర్శకత్వం వహించారు. ఎనభై దశకం నుండి చిత్ర విజయాలు తగ్గాయి. క్రమంగా చిత్రనిర్మాణాన్ని తగ్గించారు.
