గండవరం సుబ్బరామిరెడ్డి: కూర్పుల మధ్య తేడాలు

* అభినయ స్టేజ్ అవార్డ్

 

ఇలా అనేక విషయాలలో అసమాన ప్రజ్ఞాపాటవాలున్న సుబ్బరామిరెడ్డిగారు గుర్తింపుకోసం, అవార్డులకోసం ఎప్పుడు వెంపర్లాడలేదు. తను చేస్తున్న పని అంకితభావంతో వౌనంగా చేసుకుపోవడమే ఆయన పని.. అవార్డులు కొనుక్కోవడం, తన ప్రతిభను గుర్తించమని అందరినీ ప్రాధేయపడడం ఆయనకి అలవాటు లేదు. అవసరమూ లేదు.. మల్లెపూల పరిమళాన్ని మూటకట్టి ఏ మూలపెట్టినా తన ఉనికి పరిసరాలకు తెలియకుండా ఉండదు. నిజమైన ప్రతిభ, సామర్థ్యాలు ఎంత దాచినా దాగవు. ఖాళీ డబ్బాకు మోత ఎక్కువే కాని నిండు కుండ ఉపయోగమే వేరు కదా...

నాటక రంగం మీద తెలుగులోనూ, ఇంగ్లీషులోనూ కూడా ఎన్నో రచనలు చేసి ఇంకా చేస్తున్న సుబ్బరామిరెడ్డిగారికి ప్రతిష్టాత్మకంగా భావించే పురస్కారాలు రాకపోవడమే ఆయన అదృష్టం. ఎందుకంటే పురస్కారాలు ఇచ్చుకోడం, పుచ్చుకోడం అనేది ఇస్తినమ్మ వాయనం పద్ధతిలో సాగుతున్న ప్రస్తుత చిత్ర, విచిత్ర పరిణామాల నేపథ్యంలో సుబ్బరామిరెడ్డిగారి లాంటి కళాయోగికి పురస్కారాలు అవసరం లేదు కూడ.