ఏకవీర (సినిమా): కూర్పుల మధ్య తేడాలు

ఈ సినిమాకు మూలకథ అందించిన [[ఏకవీర]] తెలుగులో తొలి జ్ఞానపీఠ పురస్కారం పొందిన రచయిత [[విశ్వనాథ సత్యనారాయణ]] రాసిన నవల. నవల విశ్వనాథ సత్యనారాయణ రచనాజీవితంలోకెల్లా విశిష్టమైన రచనల్లో ఒకటిగా నిలిచింది. విమర్శకుల నుంచి ప్రశంసలతో పాటుగా నవల విస్తృతంగా పాఠకాదరణ పొందింది. ఆయన రచించిన వందకు మించిన రచనల్లో విశ్వనాథ సత్యనారాయణే స్వయంగా ''నా ఏకవీర, వేయిపడగలు కళాత్మకమైనవి. సంపూర్ణమైన రచనలని నేను భావిస్తాను'' అన్నారు.<ref name="విశ్వనాథ ఒక కల్పవృక్షం">{{cite book|last1=పురాణం|first1=సుబ్రహ్మణ్యశర్మ|title=విశ్వనాథ ఒక కల్పవృక్షం|date=2005|publisher=పొట్టిశ్రీరాములు తెలుగు విశ్వవిద్యాలయం|location=హైదరాబాద్|pages=235, 236|edition=1}}</ref> నవల పలుమార్లు పునర్ముద్రణలు చెందడంతోపాటుగా విద్యాప్రణాళికల్లో పాఠ్యాంశంగా కూడా నిర్దేశింపబడింది. దీన్ని మలయాళంలోకి అనువదించి ప్రచురించారు. ఈ నవల గురించి పలువురు సాహిత్యవేత్తలు అనేకవిధాలుగా మెచ్చుకున్నారు. పోరంకి దక్షిణామూర్తి ఈ నవలను రసవత్తరమైన కావ్యమని మెచ్చుకోగా, మధురాంతకం రాజారాం దీనిలోని కథాకథనకౌశలాన్నెంతగానో ప్రశంసించారు.<ref name="పోరంకి తెలుగు నవల">{{cite book|last1=పోరంకి|first1=దక్షిణామూర్తి|title=తెలుగు నవల|date=1975|publisher=ఆంధ్రప్రదేశ్ సాహిత్య అకాడమీ|page=19|edition=1}}</ref> <ref name="మధురాంతకం విశ్వనాథ భారతి">{{cite book|last1=మధురాంతకం|first1=రాజారాం|title=విశ్వనాథభారతి|date=2002|publisher=పొట్టి శ్రీరాములు తెలుగు విశ్వవిద్యాలయం|location=హైదరాబాద్|page=154}}</ref> అటువంటి నవలను సినిమాకు మూలకథాంశంగా స్వీకరించారు.

 

ఏకవీర నవలను సినిమా కథకు స్క్రీన్‌ప్లే పి.చెంగయ్య వ్రాశారు. సినిమాకు మాటలు, చాలా పాటలూ వ్రాసినది డా.సి.నారాయణరెడ్డి. ఈ సినిమా స్క్రిప్టులో నవలలో లేని అనేక చేర్పులు చేర్చడంతో పాటుగా నవలలోని అనేకమైన విషయాలు వదిలివేశారు. ఆ క్రమంలో నవలలోని పాత్రచిత్రణకూ, సినిమాలోని పాత్రచిత్రణకూ సినిమాలో క్లైమాక్సుకూ మొదలుకొని ఎన్నో విషయాల్లో మార్పులు వచ్చాయి. అటువంటి ప్రధానమైన మార్పుల్లో కొన్ని

# నవలలో పాత్రలకూ, పాఠకులకు కూడా చివరి వరకూ రెండు ప్రేమజంటలూ వివాహం విషయంలో తారుమారైనట్టు తెలియదు. ఈ విషయంలో నవలా రచయిత చాలా జాగ్రత్త తీసుకున్నారు. సినిమా దృశ్యమాధ్యమం కనుక దీనిలో పాత్రలకు తెలియకపోయినా నాయకుల్లో ఒకరు తన ప్రేయసి చిత్రం చిత్రించగా దాన్ని ప్రేక్షకులకు చూపించేయడం మొదలుకొని సినిమా అంతటా ఒకరి ప్రేయసినొకరు పెళ్ళాడారన్న విషయం ప్రేక్షకులకు తెలిసిపోతూనేవుంటుంది. నాయికలను వెనుకనుంచి చూపడమో, మేలిముసుగు వేసి చూపడమో, లేదా నీడలను చూపడమో సినిమాలలో ప్రయత్నించకపోవడాన్ని బట్టి స్క్రిప్టు దశ నుంచే మూలరచయిత కట్టడిగా పాటించిన గూఢతను మార్చివేశారన్న విషయం తెలుస్తోంది.<ref name="విశ్వనాథ కథన కౌశలం డాక్టర్ వై కామేశ్వరి">{{cite book|last1=డా. వై.|first1=కామేశ్వరి|title=ఏకవీర: విశ్వనాథ కథన కౌశలం|date=అక్టోబర్, 2010|publisher=ఎమెస్కో బుక్స్|location=హైదరాబాద్|edition=1}}</ref>

ఇటువంటి కీలకమైన మార్పులే కాక అనేకమైన ఇతర మార్పులు చేర్పులు చోటుచేసుకున్నాయి.