నాలుగు స్తంభాలాట (సినిమా): కూర్పుల మధ్య తేడాలు

 

=== చిత్రీకరణ ===

నాలుగు స్తంభాలాట చిత్రీకరణను జంధ్యాల తనకు ఇష్టమైన [[విశాఖపట్నం]] పరిసరాల్లోనే చేశారు. విశాఖ, [[అరకులోయ]], [[భీమిలి]], [[యారాడ]] మొదలైన ప్రాంతాల్లో చిత్రీకరణ జరిగింది. సినిమా షూటింగ్ కోసం జంధ్యాల తొలిచిత్రం సినిమా [[ముద్ద మందారం (సినిమా)|ముద్ద మందారం]] సినిమా కోసం తీసుకున్నట్టే విశాఖపట్నానికి చెందిన ఎం.వి.పి.కాలనీలో ఇళ్ళు అద్దెకి తీసుకుని యూనిట్ ఉండి చిత్రీకరణ జరుపుకున్నారు. చిత్రీకరణలో జంధ్యాల ప్రత్యేకమైన శైలిని అవలంబించేవారు. సీన్ విభజన, స్క్రిప్టులపై మంచి పట్టు ఉన్న జంధ్యాల సంభాషణలు మాత్రం ఎంచుకున్న లొకేషన్లను బట్టి రాసుకునేవారు. ఈ సినిమాలోని [[చినుకులా రాలి.. నదులుగా సాగి....|చినుకులా రాలి]] పాటను ముప్పై రోజుల పాటు కొద్ది కొద్దిగా తీశారు. కారులో లొకేషన్లు చూసుకుంటూ వెళ్ళి నప్పినచోట షూటింగ్ చేసే జంధ్యాల, రోజూ ముందుగా కొన్ని కొన్ని షాట్లు చినుకులా రాలి పాటకు తీసి, తర్వాత మిగిలిన సన్నివేశాలు తీసుకునేవారు. అంతేకాక కొన్ని సన్నివేశాలు, షాట్లు ఎందుకు తీస్తున్నారో, ఏం తీస్తున్నారో యూనిట్ కీ, స్క్రిప్టు పూర్తిగా తెలిసిన నిర్మాత వంటి కీలకమైనవారికీ కూడా అర్థమయ్యేది కాదు.<br />

ఈ సినిమా పాటల చిత్రీకరణలో వినూత్నమైన ప్రయత్నాలు చేశారు. నరేష్ మొదటిసినిమాగా చేద్దామనుకున్న [[ప్రేమ సంకెళ్ళు]] సినిమా మేకప్ టెస్ట్ కోసం నరేష్ కొన్ని మోటార్ సైకిల్ జంప్స్ చేశారు. దాన్ని చూసిన జంధ్యాల రాగమో, అనురాగమో పాట కోసం అతనితో ఫీట్స్ చేయించారు. కొండల్లో ఆరు అడుగుల ఎత్తు మీంచి మోటార్ సైకిల్ నడుపుతూ దూకేయమంటే హీరోహోండా సిబి 100 బండితో నరేష్ అలానే దూకేశారు. దూకిన ప్రదేశం జంపింగ్ కి అనుకూలంగా లేకపోయినా బైక్ మాత్రం సరిగానే దిగింది. అలానే చాలానే రిస్కీ ఫైట్లు ఆ ధైర్యంతో జంధ్యాల నరేష్ తో చేయించారు. గోదావరిలో కూడా సినిమాకోసం నరేష్ దూకారు. ఈ సాహసాల్లోనే భాగంగా విశాఖలోని ఎర్రకొండల్లో భూమి రబ్బర్ లా కిందకూ మీదకూ కదులుతూంటే తమాషాగా ఉందని అక్కడ నరేష్, పూర్ణిమలను నిలబెట్టి కొన్ని షాట్లు తీసుకున్నారు. ఇంతలో అక్కడివారు పరుగెత్తుకుంటూ వచ్చి- అది ఊబి.. దిగబడితే మళ్ళీ బతికి బయటపడరని చెప్పడంతో పెద్ద ప్రమాదం తప్పిపోయింది.<br />

సినిమా నిర్మాణానికి రూ.12 లక్షలు ఖర్చయింది, సుమారుగా 50 రోజుల పాటు సినిమా చిత్రీకరణ జరుపుకుంది.<ref name= "జంధ్యామారుతం">{{cite book|last1=పులగం|first1=చిన్నారాయణ|title=జంధ్యా మారుతం|date=ఏప్రిల్ 2005|publisher=హాసం ప్రచురణలు|location=హైదరాబాద్|edition=I}}</ref>