అనురాధ (నటి): కూర్పుల మధ్య తేడాలు

ఈవిడ తంద్రి కృష్ణకుమార్‌ నృత్య దర్శకుదు. అమ్మ సరోజ కేశాలంకరణ నిపుణురాలు. నానమ్మ కృష్ణాభాయి నటి. పెద్దమ్మ హెయిర్‌ డ్రెస్సర్‌, పెదనాన్న, అంకుల్‌ కెమెరామెన్లు. ఇలా వీరి కుటుంబంలో అందరూ సినిమాతో ముడిపడినవాళ్లే. ఈవిడా నాన్న మరాఠి, అమ్మ తెలుగు. రాజమండ్రి దగ్గర కొవ్వూరు ఈమె అమ్మ పుట్టిల్లు. వీరి ముత్తాత అంటే నాన్నమ్మ వాళ్ల నాన్నగారు మహారాష్ట్రలో స్వాతంత్య్రపోరాటంలో పాల్గొన్నారు. ఆ రోజుల్లో అక్కడ గొడవలు ఎక్కువ జరుగుతుండడంతో ముగ్గురు కూతుళ్లతో అక్కడ ప్రశాంతంగా జీవించలేమని నాన్నమ్మవాళ్లు చెన్నైకి వచ్చేశారు. ఈవిడ పుట్టింది, పెరిగింది చెన్నైలోనే. ఇండస్ర్టీకి వచ్చాకే తెలుగు నేర్చుకుంది. ఈవిడ పెద్దగా చదువుకోలేదు. సినిమాలలో నటించాలనే తపనతో పది పూర్తయిన తర్వాత చదువు మానేసింది.

[[రజనీకాంత్‌]], [[శ్రీప్రియ]] నటించిన [[కోకిలమ్మ చెప్పింది]] లో తొలిసారిగా ఈమె వెండితెరపై కనిపించింది. ఈవిడకు అప్పుడు పదేళ్ల వయసు. ఆ సినిమా షూటింగ్‌కి అమ్మతోపాటు ఈవిడా వెళ్ళేది. ఆ సినిమాలో పిల్లలకు డ్యాన్స్‌ నేర్పించే సన్నివేశం ఒకటి ఉంది.. పిల్లలకు డ్యాన్స్‌ నేర్పిస్తున్న సన్నివేశం తీస్తున్నారు. ఈమె నృత్యం బాగా చేస్తుందని తెలిసి మిగతా పిల్లలతోపాటు ఈమెకూ మేకప్‌ వేయించి, ఆ సన్నివేశంలో నటింపజేశారు. ఆ తర్వాత మూడేళ్ల పాటు ఏ సినిమాలో నటించలేదు. ఒక రోజు స్కూలు లేకపోవడంతో ఊర్వశి శారద నటిస్తున్న సినిమా షూటింగ్‌కి వెళ్ళింది. అప్పట్లో వీళ్ళ అమ్మ, శారదగారికి హెయిర్‌డ్రస్సర్‌గా వ్యవహరించేది.

ఈవిడ సెట్‌లో నిల్చుని షూటింగ్‌ చూస్తున్నది. అక్కడే ఉన్న మలయాళం డైరెక్టర్‌ ఒకాయన ఈవిడను చూసి ‘చాలా అందంగా ఉంది. నా సినిమాకి ఇటువంటి అమ్మాయే కావాలి’ అని ఈమె కోసం వాకబు చేశారు. ఆయనే జాతీయ అవార్డు గ్రహీత కేజీ జార్జ్‌. అమ్మానాన్నలు అంగీకరించడంతో హీరోయిన్‌ అయిపోయింది. అప్పుడు ఈవిడకు 13 ఏళ్లు. మలయాళంలో జార్జ్‌ తీసిన ‘ఇని అవళ్‌ఉరంగట్టె’ ఈమె తొలి సినిమా. హీరోయిన్‌ ఓరియెంటెడ్‌ సబ్జెక్ట్‌ అది. నటన గురించి ఏమీ తెలియకుండానే అలా హీరోయిన్‌ అయిపోయింది. ఆ సినిమాలో ఏం చేయాలో, ఎలా చేయాలో జార్జే చూసుకున్నారు. ఈవిడ మొదటి సినిమా కథ కూడా ఈవిడకు తెలియదు. ఈ సినిమాలో నటించడానికి ముందు ‘ఈ అమ్మాయి ఓకే... హీరోయిన్‌ ఈమే’ అని చెప్పారంతే. అప్పట్లో తమిళం, మలయాళంలో సులక్షణ అనే మరో నటి ఉండడంతో, కేజీ జార్జ్‌ ఈమె పేరుని అనురాధగా మార్చారు. ఆ తరువాత తెలుగు, తమిళ సినిమాల్లో హీరోయిన్‌గా అవకాశాలు వచ్చాయి. 30కి పైగా సినిమాల్లో హీరోయిన్‌గా చేసింది. తెలుగులో [[చంద్రమోహన్‌]]తో [[పంచకల్యాణి]], [[రంగనాథ్‌]]తో 'ఊరు నిద్ర లేచిందీ... ఇంకా కొన్ని సినిమాలు చేసింది. కానీ ‘ఊరు నిద్ర లేచింది’ విడుదల కాలేదు. అందులో ఈవిడది జట్కా బండి నడిపే అమ్మాయి పాత్ర . పేరు ‘పంచకల్యాణి. ఆ పాత్రకు మంచి పేరు వచ్చింది.

మలయాళంలో చేస్తున్న ఒక సినిమాలో డ్యాన్స్‌ నేపథ్యమున్న హీరోయిన్‌ క్యారెక్టర్‌ పోషించింది. కుటుంబ పోషణ కోసం డ్యాన్స్‌లు చేసే పాత్ర. మామూలుగానే ఈవిడ మంచి నృత్యకారిణి. ఇక డ్యాన్స్‌ క్యారెక్టర్‌ కావడంతో చాలా బాగా చేసింది. ఆ సినిమాలో ఈవిడ నృత్యాలు చూసి రఘురాం మాస్టారు ఐటమ్‌సాంగ్‌లో నటించమని అడిగారు. అప్పట్లో ఆ పాటలకి [[సిల్క్‌స్మిత]] ని మించిన వాళ్లు లేరు. అప్పటికి ఆమెతో ఈవిడకు పరిచయం లేదు. చాలా బిజీగా ఉండేది. పైగా గర్వంగా ఉండేదనేవారు. ఎక్కువగా గొడవ పడేదట. దాంతో మాస్టర్లు ఆమెకు ప్రత్యామ్నాయంగా ఈవిడను అడిగి, ఒప్పించేశారు. చేసిన ప్రతి పాట హిట్టే. దీనితో ఈవిడకూ క్రేజ్‌ పెరిగింది. దీంతో అవే పాత్రలు రావడం మొదలయ్యాయి.

1987లో ఈవిడ వివాహము నృత్యకారుడు సతీష్‌కుమార్‌ తో జరిగింది. అంతకుముందే సినీ పరిశ్రమలో వీరిద్దరూ మంచి స్నేహితులు. వీరిద్దరూ ఒకరితో ఒకరం మాట్లాడుకోవటం ఇంట్లో వాళ్లకు ఇష్టం లేదు. ఆయనతో మాట్లాడొద్దన్నారు. కలిసి ఎక్కడికి వెళ్లొద్దన్నారు. పెద్దవాళ్లు ఏది చేయొద్దని చెబితే దానికి విరుద్ధంగా చేసే వయసు వీరిది. ఇక తప్పక ఇంట్లో వాళ్లు కూడా ఒప్పుకోవాల్సి వచ్చింది. వీరికి ఇద్దరు పిల్లలు అభి ([[అభినయశ్రీ]]), కాళీచరణ్. నవంబరు 7, 1996 న ఈమె భర్తకు పెద్ద యాక్సిడెంట్‌ అయ్యింది. దీని వలన అతని తలలోని ఆరు నరాలు చిట్లిపోయాయి.కదలలేని స్థితికి చేరుకున్నారు. దాంతో ఇల్లు, పిల్లల బాధ్యత అనురాధ పైనే పడింది. భర్తకు అన్నం తినిపించడం, [[దుస్తులు]] మార్చడం, నడిపించడం అన్నీ ఈవిడే దగ్గరుండి చూసుకుంది. అలా పదకొండేళ్లుగా కాపాడుకోగలిగింది. కొంచెం జ్ఞాపకశక్తి వచ్చి, బాగవుతుంది అనుకునే సమయంలో (2007) గుండెపోటు వచ్చి శాశ్వతంగా దూరమయ్యారు. ఈవిడ జీవితంలో అత్యంత బాధాకరమైన సంఘటన అది.