1996 వేసవి ఒలింపిక్ క్రీడలు: కూర్పుల మధ్య తేడాలు

[[1996]]లో 26వ వేసవి [[ఒలింపిక్ క్రీడలు]] [[అమెరికా]]లోని [[అట్లాంటా]]లో జరిగాయి. ఇవి ఒలింపిక్ క్రీడల యొక్క శత ఉత్సవాలు కావడం గమనార్హం. [[1896]]లో తొలి ఒలింపిక్ క్రీడలను నిర్వహించిన ఎథెన్స్ మళ్ళీ 1996లో కూడా శతవార్షిక క్రీడలను నిర్వహించాలను పట్టుపట్టిననూ ఆ కోరిక నెరవేరలేదు. [[1990]] [[సెప్టెంబర్]] లో జరిగిన ఓటింగ్‌లో అట్లాంటా నగరం ఎథెన్స్, [[బెల్‌గ్రేడ్]], [[మాంచెస్టర్]], [[మెల్బోర్న్]] మరియు [[టొరంటో]] నగరాలను ఓడించి ఈ క్రీడల నిర్వహణ బాధ్యతను చేపట్టింది. 2000, [[జూలై 19]]న ప్రారంభమైన ఈ క్రీడలు [[ఆగష్టు 9]] వరకు వైభవోపేతంగా జరిగాయి. మొత్తం 197 దేశాల నుంచి 10,320 క్రీడాకారులు పాల్గొని తమ ప్రతిభా పాటవాలను నిరూపించుకున్నారు. నిర్వహణ దేశమైన అమెరికా 44 స్వర్ణాలతో పాటు మొత్తం 101 పతకాలను సాధించి ఎవరికీ అందనంత ఎత్తులో ప్రథమ స్థానంలో నిలిచింది.

[[టెన్నిస్]] కు చెందిన యువకిశోరం [[లియాండర్ పేస్]] ఒక్కడే కాంస్యపతకం సాధించి [[భారత్]] కు పతకాల పట్టికలో స్థానం కల్పించాడు. పర్గత్ సింగ్ నాయకత్వంలోని [[మైదాన హాకీ|హాకీ]]జట్టు పూర్తిగా చివరన 8వ స్థానం పొందినది. మిగితా క్రీడాకారులు పతకాలకు అందనంత దూరంలో నిలిచారు. పతకాలు సాధించిన 79 దేశాలలో ఒకే ఒక్క కాంస్య పతకం సాధించిన 9 దేశాలతో పాటు భారత్ కూడా సంయుక్తంగా చిట్టచివరి 71వ స్థానాన్ని పొందినది.