శాంతకుమారి: కూర్పుల మధ్య తేడాలు

ప్రఖ్యాత దర్శకుడు [[పి.పుల్లయ్య]] సతీమణి అయిన '''శాంతకుమారి''' 1936లో '[[శశిరేఖా పరిణయం]]' సినిమాతో నటజీవితం ప్రారంభించి వందకు పైగా సినిమాల్లో నటిం చారు. '[[కృష్ణప్రేమ]], [[మాయాలోకం]], [[ధర్మదేవత]], [[తల్లా?పెళ్లామా?]], 'అర్ధాంగి, జయభేరి, రాముడు భీముడు, శ్రీ వేంకటేశ్వర మహాత్మ్యం, ప్రేమనగర్‌' తదితర చిత్రాల్లోని పాత్రల పోషణ ద్వారా మహానటిగా ఆమె పేరు తెచ్చుకున్నారు. శాంతకుమారి [[పి.పుల్లయ్య]] దంపతులకు రాధ, పద్మ అనే ఇద్దరు కుమార్తెలు ఉన్నారు.

శాంతకుమారి అసలు పేరు '''వెల్లాల సుబ్బమ్మ'''. సుబ్బమ్మ వైఎస్ఆర్ జిల్లా [[ప్రొద్దుటూరు]]లో మే 17, 1920 సంవత్సరంలో ''వెల్లాల శ్రీనివాసరావు'' గారికి జన్మించారు. శ్రీనివాసరావు గారికి కళలు అంటే ఎంతో ఇష్టం. అందుకనే కూతురైన సుబ్బమ్మను మద్ర్రాసులో ఉన్న ప్రొ.పి.సాంబమూర్తి గారి వద్దకు కర్ణాటక సంగీతం మరియు వయొలిన్ నేర్చుకోవటానికి దరఖాస్తు చేయించారు. [[డి.కె.పట్టమ్మాళ్]] సుబ్బమ్మ యొక్క సహాధ్యాయిని. పదమూడేళ్ళ వయసులోనే సుబ్బమ్మ [[కర్ణాటక సంగీతంలోసంగీతం]]లో ఉత్తీర్ణురాలయ్యింది. పదహైదేళ్ళ వయసులో వయొలిన్ లో ఉత్తీర్ణురాలైంది. తరువాత గురువుగారితో కలసి దక్షిణ భారతదేశం అంతా ఎన్నో కచేరీలు చేసింది. పదహారేళ్ళ వయసులోనే విద్యోదయా స్కూలులో పిల్లలకు సంగీతం నేర్పించేది.

శాంత కుమారి సినిమా జీవితం మొదట్లో అన్నీ పురాణాలు ఇతివృత్తంగా ఉన్న సినిమాలలోనే నటించారు. యశోదగా[[యశోద]]గా కూడా నటించిన ఈమె కృష్ణుని ముద్దుచేస్తూ "చిరు చిరు నగవులు చిందే తండ్రి" అనే మధురమైన పాటను అద్భుతంగా పాడారు.

శాంతకుమారికి మెదటి సాంఘిక చిత్రం [[ధర్మపత్ని]]. అందులో [[అక్కినేని నాగేశ్వరరావు]] విద్యార్థిగా నటించారు. అక్కినేనికి శాంతకుమారికీ మధ్య ఎంతో ఆత్మీయమైన అనుబంధం ఉండేది. అక్కినేనిని ఆమె అప్యాయంగా చిన్న తమ్ముడిని పిలచినట్లు అబ్బి అనే వారు. [[మాయలోకం]] సినిమాలో అక్కినేనికి ప్రక్క కథానాయికగా నటించిన శాంతకుమారి, [[జయభేరి]] సినిమాలో వదినగా నటించారు, [[అర్థాంగి]] సినిమాలోనైతే సవతి తల్లిగా నటించారు. [[ఎన్.టీ.ఆర్]]కు కూడా [[తల్లా పెళ్ళామా]] సినిమాలో బామ్మగా నటించారు. తెలుగు సినీ పరిశ్రమలో అగ్రతారలైన ఎన్‌.టి.రామారావు, అక్కినేని నాగేశ్వరరావు, తమిళ సినీ ప్రముఖులు [[శివాజీ గణేశన్‌]], [[జెమినీ గణేశన్‌]] తదితరులకు చాలా చిత్రాల్లో శాంతకుమారి తల్లిగా నటించారు.