కులగోత్రాలు: కూర్పుల మధ్య తేడాలు

 

==సంక్షిప్త చిత్రకథ==

 

కులగోత్రాల పట్టింపు గల భూషయ్య రవి ప్రేమను అంగీకరించడు. సరోజకు యిచ్చిన మాట ప్రకారం రవి ఇల్లు వదలి తండ్రి అభీష్టానికి వ్యతిరేకంగా సరోజను గుడిలో పెళ్ళి చేసుకుంటాడు. ఆ తరువాత సరోజ తల్లి తన బాధ్యతలు తీరిపోవడంతో తీర్థయాత్రలకు వెళ్ళిపోతుంది. రవికి పోలీస్ ఇన్ స్పెక్టరుగా ఆ ఊరిలోనే ఉద్యోగం వస్తుంది. రవి కులగోత్రాలు లేని అమ్మాయిని పెళ్ళి చేసుకున్నాడని రవి చెల్లెలి పెళ్ళి ఆగిపోతుంది. కానీ అదే సమయానికి రవి వరసకి బావ అయిన జాస్తి జోగారావు (పద్మనాభం) ఆమెను పెళ్ళి చేసుకోవడానికి ముందుకు వస్తాడు. తండ్రి పట్టింపుల వల్ల రవి తన చెల్లెలు పెళ్ళికి కూడా వెళ్ళలేక బయటనుంచే అక్షింతలు వేస్తాడు. రవి తన బావ సదానందం (రేలంగి) స్నేహితులతో కలిసి పేకాడుతుంటే అరెస్టు చేస్తాడు. అతన్ని భూషయ్య వెళ్ళి విడిపించాల్సి వస్తుంది. సదానందం, జగదాంబ కలిసి భూషయ్య ఆస్తిని ఎలా తమ పేరున రాయించుకోవాలో చూస్తుంటారు. ఒకరోజు మెట్లమీద నుంచి జారిపడిన భూషయ్య భార్య మంచాన పడుతుంది. అదే సమయానికి రవి వేరే ఊర్లో ఉండటం వలన అతను వెళ్ళి చూడ్డానికి కూడా వీలుపడదు. రవిని తలుచుకొని అతని తల్లి బాధపడి అనారోగ్యంతో మంచం పట్టి మరణిస్తుంది. భార్య గతించాక భూషయ్యలో మార్పు వస్తుంది. రవికి కొడుకు పుడతాడు. భూషయ్య మమతను చంపుకోలేక దొంగచాటుగా వెళ్ళి మనవణ్ణి చూసి ఎత్తుకొని ముచటపడి వాడి మెడలో బంగారు గొలుసు కానుకగా వేస్తాడు. సదానందం చలపతిలో ఒప్పందం కుదుర్చుకుని తన మామ చేత ఆస్తిపత్రాల మీద సంతకం చేయించుకోవాలనుకుంటాడు. కానీ అతను భూషయ్య యింట్లో దొంగతనం చేసే ప్రయత్నంలో వుండగా రవి వచ్చి అతనితో పోరాటానికి దిగుతాడు. అదే సమయానికి అక్కడికి వచ్చిన సరోజ తుపాకీతో చలపతిని కాల్చేస్తుంది. పంతాలు పట్టింపులు వదలి భూషయ్య కొడుకు, కోడలు, మనవణ్ణి యింట్లోకి ఆహ్వానిస్తాడు.

[[వర్గం:ఘట్టమనేని కృష్ణ నటించిన సినిమాలు]]

[[వర్గం:అల్లు రామలింగయ్య నటించిన చిత్రాలు]]