కొండపనేని రామలింగేశ్వరరావు: కూర్పుల మధ్య తేడాలు

మద్రాసు చేరుకున్న రామలింగం తన తండ్రికి స్నేహితుడైన నిమ్మగడ్డ వెంకటేశ్వరరావు వద్ద పబ్లిసిటీ డిజైనర్‌గా తన ఉద్యోగాన్ని ప్రారంభించాడు. అక్కడ [[భార్యాభర్తలు]], [[కలసి ఉంటే కలదు సుఖం]] మొదలైన సినిమాలకు పనిచేశాడు. తరువాత కాట్రగడ్డ నరసయ్య, [[గుమ్మడి వెంకటేశ్వరరావు|గుమ్మడి]], [[కొంగర జగ్గయ్య|జగ్గయ్య]]ల సహకారంతో [[టి. వి. యస్. శర్మ]]వద్ద అప్రెంటిస్‌గా చేరాడు. కొంత కాలానికే ఇతడికి [[ఘట్టమనేని కృష్ణ|కృష్ణ]] పరిచయమయ్యాడు. రామలింగం పనితీరు పట్ల ఆకర్షితుడైన కృష్ణ ఇతడికి డిజైనింగ్ వృత్తి నుండి కళా దర్శకత్వంవైపు మళ్ళమని సలహా ఇచ్చాడు. ఇతడు ఆ రంగంలో ప్రవేశించడానికి తీవ్రమైన కృషి చేసి చివరకు [[కుదరవల్లి నాగేశ్వరరావు]] వద్ద సహాయకుడిగా చేరి [[పేదరాసి పెద్దమ్మ కథ]] సినిమాకు పనిచేశాడు. అక్కడ ఇతడు కొన్ని మెలకువలు నేర్చుకున్నాడు. 1962-64ల కాలంలో ఇతనికి గడ్డు పరిస్థితి ఏర్పడి గత్యంతరంలేక తిరిగి ఉత్త చేతులతో దుగ్గిరాలకు వెళ్ళిపోయాడు.

 

 

కృష్ణ తన సోదరులతో కలిసి [[పద్మాలయా స్టూడియోస్]] ప్రారంభించాక ఇతడిని ఆ సంస్థలో ఆస్థాన కళాదర్శకుడిగా నియమించుకున్నాడు. అప్పటి నుండి 12 సంవత్సరాలు ఆ బ్యానర్‌కు కళాదర్శకునిగా పనిచేసి తన జీవితంలో మధురమైన అనుభూతులను సంపాదించుకున్నాడు. [[అల్లూరి సీతారామరాజు (సినిమా)|అల్లూరి సీతారామరాజు]] సినిమా కోసం [[చింతపల్లి (విశాఖపట్నం)|చింతపల్లి]]లో 5 ఎకరాల స్థలంలో ఇతడు డిజైన్ చేసిన సెట్టింగ్‌ను లక్ష రూపాయలు ఖర్చుపెట్టి నిర్మించారు. దీనిని పద్మాలయా కాలనీగా పిలుస్తున్నారు. [[మోసగాళ్ళకు మోసగాడు]] సినిమాకు ఇతడు కళాదర్శకత్వంతో పాటు కాస్ట్యూములు కూడా డిజైన్ చేశాడు. ఈ సినిమాలో కృష్ణకు ఇతడు డిజైన్ చేసిన దుస్తులు బాగా పాపులర్ అయ్యి కృష్ణకు బ్రాండ్ ఇమేజ్‌ను తెచ్చిపెట్టింది. [[ఈనాడు (1982 సినిమా)|ఈనాడు]] సినిమా కోసం మద్రాసు అరుణాచలం స్టూడియో ప్రక్కన ఇతడు నిర్మించిన సెట్టింగ్ కృష్ణా గార్డెన్స్ పేరుతో పద్మాలయా స్టూడియోస్‌కు మంచి పేరు తెచ్చిపెట్టింది. షోలే సినిమా సెట్టింగ్ తరువాత అంత వాస్తవిక సెట్టింగ్‌గా దీనిని పేర్కొంటారు. ఈ సెట్టింగ్ పలువురి ప్రశంసలను పొందింది.