హరనాథ్: కూర్పుల మధ్య తేడాలు

 

హరనాథ్ 1936, సెప్టెంబర్ 2న [తూర్పు గోదావరి]] జిల్లా [[రాపర్తి]]లో జన్మించాడు. ఈయన అనేక స్వల్ప వ్యయంతో నిర్మించే సినిమాలలో కథానాయకుడుగా నటించాడు. కళాశాలలో చదువుకునే రోజుల్లో హరనాథ్ అనేక నాటకాల్లో నటించి బహుమతులు అందుకున్నాడు. ఒక రోజు మద్రాసులోని పాండీ బజార్లో చెప్పులు కొనుక్కుంటుండగా దర్శకుడు [[గుత్తా రామినీడు]] హరనాథ్ ను చూసి తను తీయబోతున్న కొత్త చిత్రం మా ఇంటి మహాలక్ష్మిలో కథానాయకుడి పాత్రకోసం ఎన్నుకున్నాడు. హైదరాబాదులో నిర్మించిన తొలి తెలుగు సినిమా, [[మా ఇంటి మహాలక్ష్మి]] (1959) తో హరనాథ్ కథానాయకుడుగా తెలుగు సినిమా రంగంలో ప్రవేశించాడు. మా ఇంటి మహాలక్ష్మి సినిమాతో ఎన్టీయార్, ఏఎన్నార్ తరువాత తెలుగులో హరనాద్ ప్రముఖ హీరో అని అనిపించుకున్నాడు.<ref>http://www.cinegoer.com/titbitsarchives/janmar2006.htm</ref> [[నందమూరి తారక రామారావు]], తన సొంత సంస్థ ఎన్.ఎ.టి పతాకంపై దర్శకత్వం వహించి నిర్మించిన తొలి చిత్రం [[సీతారామకళ్యాణం]]లో కథానాయకునిగా హరనాథ్ ను ఎంచుకున్నాడు. ఆ సినిమాలో ఎన్టీయార్ రావణుని పాత్ర పోషిస్తే హరనాథ్ రాముని వేషం వేశాడు.