ఇల్లినాయిస్ [[అమెరికా_సంయుక్త_రాష్ట్రాలుఅమెరికా సంయుక్త రాష్ట్రాలు|అమెరికా సంయుక్త రాష్ట్రాలలో]] ఒకటి. ఈ రాష్ట్రం అమెరికాలో చేరిన 21వ రాష్ట్రం. ఇల్లినాయిస్ అమెరికాలో అయిదవ అత్యధిక జనాభా కలిగిన రాష్ట్రం. ఇల్లినాయిస్ నది మీదుగా మిస్సిస్సిప్పి నదిని [[మహా_సరస్సులుమహా సరస్సులు|మహా సరస్సులతో]] కలిపే కీలకమయిన ప్రాంతంలో ఉన్న కారణాన ఈ రాష్ట్రం రవాణా వ్యవస్థకు నెలవైంది.
[[అమెరికా_విప్లవంఅమెరికా విప్లవం|అమెరికా విప్లవ]] సమయానికి ఈ రాష్ట్రంలో దాదాపు 2000 మంది [[స్థానిక_అమెరికా_తెగలుస్థానిక అమెరికా తెగలు|స్థానిక ఆదివాసీలు]] కొద్దిమంది [[ఫ్రాన్స్|ఫ్రెంచి]] గ్రామస్తులు నివాసముండేవారు. అమెరికా వాసులు [[కెంటకీ]] నుండి 1810లో వలస రానారంభించారు. అటు మీదట యాంకీలు వచ్చారు. భవిష్యత్తులో [[చికాగో]] గా పిలువబడే నగరాన్ని స్థాపించింది వారే. 1850 లలో ఏర్పడిన రైలు రవాణా వ్యవస్థ అత్యంత లాభదాయకమైన వ్యాపారానికి దారి తీసింది. ఇది [[జెర్మనీ]], [[స్వీడన్]] వాసులను ఆకర్షించింది. 1900 కల్లా అనేక కర్మాగారాలు ఇక్కడ స్థాపించబడ్డాయి. దక్షిణ, మధ్య ప్రాంతాలలో అనేకమైన బొగ్గు గనులు కూడా బయటపడ్డాయి. ఈ పారిశ్రామికీకరణ తూర్పు దక్షిణ ఐరోపా దేశాలనుండి అనేకమందిని వలస రావడానికి ప్రేరేపించింది.
[[అమెరికా_అంతర్యుద్ధంఅమెరికా అంతర్యుద్ధం|అమెరికా అంతర్యుద్ధంలో]] ఈ రాష్ట్రం తమ రాష్ట్రానికే చెందిన [[అబ్రహాం_లింకన్|అబ్రహాం లింకన్]], [[యులిసిస్_గ్రాంట్|యులిసిస్ గ్రాంట్]]లకు మద్దతు ఇచ్చింది. ప్రపంచ యుద్ధాలలో ఇక్కడి ఆయుధ కర్మాగారాలు అమెరికాకు ముఖ్య ఆయుధ ఉత్పత్తిదారులుగా నిలిచాయి. యూరోపియన్ వలసదారులతో పాటు దక్షిణాది నుండి పారిపోయి చికాగో వచ్చిన నల్లజాతివారి సంస్కృతుల మేళవింపువలన ప్రపంచ ప్రసిద్ధమయిన [[జాజ్]] సంగీత సంస్కృతి ఆవిర్భవించింది.
