"ఆర్థర్ కాటన్" కూర్పుల మధ్య తేడాలు

==కృషి==
కాటన్ ముఖ్యంగా [[కృషి]] చేసి విజయాన్ని సాధించిన ప్రాజెక్టులలో [[గోదావరి]] నుండి నిర్మించిన [[కాలువ]]ల నిర్మాణం మొదటిగా చెప్పవచ్చు. ఈ కాలువల విభజన, అన్ని ప్రాంతాలను కలుపుతూ సాగే విస్తరణ, ఒకప్పుడు [[వ్యవసాయం]] లో సామాన్య దిగుబడితో ఉన్న గోదావరి పరివాహక [[జిల్లా]]లను అత్యంత అభివృద్ది, అధిక వ్యవసాయ దిగుబడులు కల జిల్లాలుగా మార్చివేసినవి. కాటన్ 1836 - 38 సంవత్సరాలలో''' కొలెరూన్''' నదిపై ఆనకట్టను నిర్మించాడు. దానితో తంజావూరు జిల్లా మద్రాసు రాష్ట్రంలోనే కాక, యావత్భారత దేశంలోనే ధనధాన్య సమృద్ధికి ప్రథమ స్థానం పొందింది. ఆ తర్వాత 1847 - 52 సంవత్సరాలలో గోదావరిపై ధవళేశ్వరం వద్ద ఆనకట్టను పూర్తిచేశాడు. క్షామపీడితమైన గోదావరి డెల్టా సస్యశ్యామలమై కలకలలాడింది. తగ్గిపోతున్న జనసంఖ్య మూడు రెట్లు పెరిగింది. ఆరు లక్షల ఎకరాల భూమి సాగు కిందికి వచ్చింది. ఈ మహత్కార్యాన్ని ఆయన కేవలం అయిదేళ్ళలో పూర్తి చేశాడు. కృష్ణానదిపై విజయవాడ వద్ద ఆనకట్టకు ప్రోద్బలం కూడా కాటన్‌దే. ఇంతేకాక ఆయన బెంగాల్, ఒరిస్సా, బీహార్, మొదలైన ప్రాంతాల నదులను మానవోపయోగ్యం చేయడానికి ఎన్నో పరిశోధనలు, పరిశీలనలు చేశాడు. తెలుగు వారే కాదు తమిళులు, ఒరియాలు, బెంగాలీలు, ఒరియాలు, బీహారీలు మొత్తం భారతీయులే ఆయనకు శాశ్వత రుణగ్రస్తులు.
==ఉభయగోదావరిజిల్లాలు-కాటన్==
పవిత్ర జీవనది కి ఇరువైపుల వున్న ఉభయగోదావరి జిల్లాలు 18 వశతాబ్దివరకు అతివృష్టి వలన వరదముంపుకు లోనగుచు,అనావృష్టివలన కరువుకాటకాలతో విలవిలలాడాయి. 1831-32ల్ లో అతివృష్టి,తుపానులకు లోనయ్యింది. 1833లో అనావృష్టి వలన కల్గిన కరువు వలన 2లక్షల ప్రజలు తుడుచుపెట్టుకుపొయ్యారు.అలాగే 1839లో ఉప్పెన మరియు కరువు మరింతమందిని పొట్టనపెట్టుకొనింది.1852లో కాటన్ దొర గోదావరిపై నిర్మించిన ఆనకట్ట,ఉభయగోదావరి జిల్లాలలోని రైతుల,ప్రజల ఆర్థికమరియు జీవనగతులను మర్చివేసింది.తమపాలిట దుఖఃదాయినిగా వున్న గోదావరిని,ప్రాణహితగా మార్చిన భగీరథుడుగా ఈరెండుజిల్లాల ప్రజలగుండెల్లో నిలచిపోయాడు.ధవళేశ్వరం ఆనకట్ట నిర్మాణాంతరము,పండితులు గోదావరిలో స్నానమాచరించి, సంకల్పంచెప్పునప్పుడు
 
'''నిత్య గోదావరిస్నాన పుణ్యదోయోమహమతిః '''
 
'''స్మరామ్యాంగ్లేయ దేశియం కాటనుంతం భగీరథం '''
 
అని పఠించెవారు.అంతటి గౌరవాన్నిపొందాడు.ఉభయగోదావరి జిల్లాలోని చాలా గ్రామాలలో ఇతరదేశనాయకుల విగ్రహాలున్నా,లేకపోయిన తప్పనిసరిగా కన్పించె విగ్రహం గుర్రముమీద స్వారిచేస్తున్న కాటన్ దోర,లేదా బస్ట్‍సైజు కాటన్ విగ్రహం.అంతగా ఈప్రాంతపుప్రజల గుండెలల్లో 150 సంవత్సరాలు గడిచిన నిలచివున్న చిరంజీవి కాటన్ దొర.ఆతరువాత ఈ మధ్య కాలములో ఈ ఆనకట్ట ను మరింత గా అభివేద్ధిపరచి,ధృడంగా చేయబడినది కట్టబడినది.
 
==చిత్రమాలిక==
===ఆనకట్ట నిర్మాణంలో ఉపయోగించిన యంత్రాలు===
"https://te.wikipedia.org/wiki/ప్రత్యేక:MobileDiff/796779" నుండి వెలికితీశారు