యుషిరో మియురా: కూర్పుల మధ్య తేడాలు

▲ఆయన వయసు అక్షరాలా 80 ఏళ్ళు... రెండేళ్ల క్రితం తుంటె ఎముక విరిగి చికిత్స చేయించుకున్నాడు... ఈ ఏడాది జనవరిలో గుండెకు శస్తచ్రికిత్స జరిగింది. ఇవేవీ ఆయన ఆశయాన్ని, కలను నీరుగార్చలేదు. ఇప్పటికే రెండుసార్లు చేసిన సాహస కార్యానికే మళ్లీ పూనుకున్నాడు. గురువారం ఉదయం 8.45 నిమిషాలకు ఆయన లక్ష్యం నెరవేరింది. ప్రపంచంలోనే ఎత్తయిన 8,848 మీటర్ల ఎవరెస్టు శిఖరం అగ్రభాగానికి చేరుకున్నాడు. ప్రపంచంలో ఈ ఘనత సాధించిన తొలి వృద్ధుడుగా రికార్డు సృష్టించి చరిత్రను తిరగరాశాడు. ఆయనే జపాన్‌కు చెందిన యుషిరో మియురా. అంతకుముందు 76 ఏళ్ల వయసులో నేపాలీ వృద్ధుడి పేరనున్న రికార్డును తుడిచేశాడు. యుషిరోకు ఎవరెస్టును అధిరోహించడం ఇదే తొలిసారి కాదు. 2003లో 70 ఏళ్ల వయసులో ఒకసారి, 2008లో 75 ఏళ్ల వయసులో మరోసారి ఎవరెస్టును అధిరోహించిన ఘనతను సొంతం చేసుకున్నాడు. గురువారం ఉదయం 8.45 నిమిషాలకు తన కుమారుడు, ఫిజిషియన్ అయిన గోటాతో యుషిరో ఎవరెస్టు శిఖరానికి చేరుకున్నట్లు గ్యానేంద్ర శ్రేష్ఠ అనే పర్వతారోహక విభాగ అధికారి వెల్లడించారు. ఎవరెస్టును అధిరోహించే ముందు యుషిరో మాట్లాడుతూ ‘నేను ఇప్పటికీ ఆరోగ్యంగా, పటిష్ఠంగా ఉన్నా. ఈసారి కూడా ఖచ్చితంగా ఎవరెస్టును చేరుకుంటాననే ఆశిస్తున్నా’నని తెలిపాడు. ఇందుకోసం టోక్యోలో ప్రత్యేకంగా శిక్షణ తీసుకున్నానని, ప్రతి కాలుతో ఐదుకేజీల బరువు ఎత్తేలా కృషిచేశానన్నాడు. వారంలో మూడుసార్లు వీపుమీద 25 నుంచి 30 కిలోల బరువును మోస్తూ నడిచేవాడినని వివరించాడు. ముదిమి వయసులో ఎవరెస్టును అధిరోహించాలని కలలు కనేవాడినని తెలిపారు. మీ కల ఎప్పటికీ వృథా పోదు, అది వాస్తవ రూపం ధరిస్తుందని అంటాడు యుషిరో. యుషిరో కల నెరవేరింది. వృద్ధాప్యంలో ఎవరూ సాధించలేని ఘనతను సొంతం చేసుకున్నాడు. కాగా, ఎవరెస్టును అధిరోహించిన వృద్ధ మహిళ ఘనత కూడా జపాన్ సొంతం చేసుకుంది. గత ఏడాది 76 ఏళ్ల తమే వతనబే అనే మహిళ ఎవరెస్టును చేరుకుని రికార్డు సృష్టించింది. ఈ నెల ఆరంభంలో డెహ్రాడూన్‌కు చెందిన 21ఏళ్ల నున్షీ మాలిక్, తషీ మాలిక్ అనే కవల యువతులు తొలిసారి ఎవరెస్టును అధిరోహించిన కవలలుగా రికార్డు సృష్టించారు.