రేమెళ్ళ అవధానులు: కూర్పుల మధ్య తేడాలు

అదే సమయానికి TTD వారు తిరుపతిలో అఖిలభారత వేదశాస్త్ర సమ్మేళనం నిర్వహించారు. దానికి అప్పటి భారత దేశ అధ్యక్షుడు శ్రీ శంకర్ దయాళ్ శర్మ వస్తున్నారనీ ఆ సందర్బంగా తనను వేదాల గురించి ఒక ప్రదర్శన ఇవ్వవలసినదిగా TTD వారు కోరగా 'నమకం' లోనిమూడు మంత్రాలనూ, వాటి అర్థాలనూ 'సీ లాంగ్వేజి సహాయంతో కంప్యూటర్ లో పెట్టి చూపగా శంకర్ దయాళ్ శర్మగారు చాలసంతోషించి ఈ ప్రాజెక్టుని పూర్తి చేయమని అవదాని గారికి చెప్పారు. కానీ ఈ ప్రాజెక్టును ప్రారంబించాలంటే తనకు ఒక మంచి కంప్యూటర్ కావాలి. దానిని కొనే స్థోమత అవదానుల గారికి లేదు. మనసుంటే మార్గము దేవుడే చూపిస్తాడన్నట్టు.... తనకు తెలిసిన మిత్రుడు సోమయాజులు గారు ఆ విషయాన్ని 'అశ్విని హైర్ ఆయిల్ ' అధినేత అయిన సుబ్బారావుగారికి తెలుపగా,... సుబ్బారావుగారి ఉదారంగా ఒకలక్షా ఇరవై వేల రూపాయాలను ఇవ్వగా దాంతో ఒక అధునూతన కంప్యూటర్ కొన్నారు అవదానిగారు. కంప్యూటర్ మీద పని చేస్తున్న వారికి జీత బత్యాలను .... తన జీతంలో నుండి ఇస్తున్నందున ఎక్కువ మందిని పెట్టుకోలేక పోయారు. దానికి ప్రత్యామ్నాయంగా విరాళాలు సేకరించడానికి వేదభారతి ట్రస్టు ను ప్రారంబించారు. చేయవలసిన పని ఎక్కువగా వుండటంతో అందరితో కలిసి తాను కూడ రాత్రుళ్ళు పనిచేసేవారు.

ఆ సందర్బంలో వేదాలలో సైంసు, లెక్కలు, వైద్యం, అంతరిక్ష శాస్త్రం మొదలగు శాస్త్రాలనీ వేదాలలో కనబడ్డాయి అవదానిగారికి. ఆ స్పూర్తితో పనిని మరింత వేగిరి పరచి 1995 నాటికి యజుర్వేదానికి 7 అనుక్రమణికలు వ్రాసి కంప్యూటరీకించి దేశంలోనే మొట్టమొదటి సారిగా మల్టీమీడియాలో శంకర్ దయాళ్ శర్మ గారికి చూపించారు. దానిని అప్పటి దేశ ప్రధాని అటల్ బీహారీ వాజ్ పేయి ఆవిష్కరించారు. ప్రశంచించారు. ఆ విధంగా అవదాని గారి చిరకాల కోరిక కొంత వరకైనా నెరవేరింది. వేదభారతి ట్రష్ట్ ద్వారా ఇప్పటివరకూ 700 గంటలు మాత్రమే రెకార్డింగ్ పూర్తయింది. దానిని మల్టీమీడియా సీడీ ల రూపంలో ప్రజలకు అందుబాటులోనికి తెచ్చారు. కానీ మిగిలిన వేదశబ్దాల్ని రికార్డింగ్ చేస్తే సుమారు 2500 గంటల నిడివి గల రికార్డ్ తయారు కాగలదు. అందుకు అవదానిగారు ఒక్కనితో అది సాద్యమయ్యే పని కాదు. విద్వాంసులు, వదాన్యులు చేయూత నిస్తే అదేమంత కష్టమైన పని కాదంటారు అవదానిగారు. ఆవిదంగా మన వేద విజ్ఞానాన్ని పరిరక్షించు కున్న వాళ్ళమౌతారు.