ఇస్లాం షా
" ఇస్లాం షా సూరి " (1545-1554) సూరీ రాజవంశానికి రెండవ పాలకుడు. 16 వ శతాబ్ధంలో ఆయన భారత ఉపఖండంలో కొంతభాగాన్ని పాలించాడు. ఆయన అసలు పేరు జలాల్ ఖాన్. ఆయన షేర్ షా రెండవ కుమారుడు.
Islam Shah Suri | |
---|---|
Sultan of the Suri Empire | |
Reign | 27 May 1545 – 22 November 1554 |
Coronation | 27 May 1545 |
Predecessor | Sher Shah Suri |
Successor | Firuz Shah Suri |
మరణం | 22 November 1554 |
Spouse | Bibi Bai |
Issue | Firuz Shah Suri |
House | Sur dynasty |
రాజవంశం | Sur dynasty |
తండ్రి | Sher Shah Suri |
మతం | Islam |
చరిత్ర మార్చు
తన తండ్రి మరణం తరువాత ప్రముఖులు అత్యవసర సమావేశం జరిపి షేర్ షా పెద్ద కుమారుడు ఆదిల్ ఖానుకు బదులుగా జలాల్ ఖానును వారసుడిగా ఎంచుకుని సింహాసనాధిష్టుని చేసారు. ఆయన గొప్ప సైనిక సామర్థ్యాన్ని చూపించడమే అందుకు ప్రధాన కారణం. 1545 మే 26 న జలాల్ ఖాన్ సింహాసనాన్ని అధిష్టించి "ఇస్లాం షా" బిరుదును తీసుకున్నాడు. తన సోదరుడు తన అధికారాన్ని ఎదిరిస్తాడని భయపడి అన్నను బంధించాలని ప్రయత్నించాడు. కానీ ఆదిల్ ఖాన్ తప్పించుకుని సైన్యాన్ని సమీకరించాడు. ఆయన ఆగ్రాలో ఉన్నప్పుడు ఇస్లాం షా మీద సైన్యంతో దాడి చేశాడు. యుద్ధంలో ఇస్లాం షా విజయం సాధించాడు. ఆదిల్ ఖాన్ పారిపోయాడు. ఆదిల్ ఖాన్ తిరిగి ఎన్నడూ కనిపించలేదు.[1]
ఇస్లాం షా తన సోదరుడికి మద్దతిచ్చారని సందేహించిన అధికారులను నిర్దాక్షిణ్యంగా పదవుల నుండి తొలగించి ప్రక్షాళన చేసాడు. తరువాత ప్రముఖులు ఖచ్చితంగా కిరీటానికి లోబడి ఉన్నారు. ఆయన ప్రభుత్వాన్ని సమర్థవంతంగా నిర్వహణచేస్తూ అధికారాన్ని కేంద్రీకరణ చేసి పాలన సాగిస్తూ తండ్రి విధానాలు కొనసాగించాడు. ఆయనకు సైనిక పోరాటాలకు తక్కువ అవకాశాలే ఉన్నాయి. తన తండ్రి చేత పదవీచ్యుతుడైన ముఘల్ చక్రవర్తి హుమయూన్ ఆయన మీద దాడి చేయడానికి ప్రయత్నం చేశాడు.
మరణం మార్చు
ఇస్లాం షా 1554 నవంబరు 22 న మరణించాడు. తరువాత 12 సంవత్సరాల వయసున్న ఆయన కుమారుడు ఫిరుజ్ షా సూరి పదవీ బాధ్యతలు వహించాడు. కొద్దిరోజుల్లో బాల పాలకుడిని షేర్ షా మేనల్లుడు ముహమ్మద్ ముబారీస్ ఖాన్ హత్య చేసాడు. తర్వాత ఆయన ముహమ్మద్ ఆదిల్ షాగా సింహాసనాన్ని అధిరోహించాడు. షేర్ షా సమాధికి వాయవ్యంలో ఒక కిలోమీటరు దూరంలో ఇస్లాం షా అసంపూర్ణ సమాధి ఉంది.[2]
మూలాలు మార్చు
- ↑ "Biography of Islam Shah the Successor of Sher Shah". Archived from the original on 8 డిసెంబరు 2015. Retrieved 25 డిసెంబరు 2018.
- ↑ Sanatani, Rohit Priyadarshi. "Tomb of Salim Shah Suri (Islam Shah): The Glory that never was". thespeakingarch. Archived from the original on 2 ఏప్రిల్ 2015. Retrieved 21 మార్చి 2015.
వెలుపలి లింకులు మార్చు
అంతకు ముందువారు Sher Shah Suri |
Sultan of Delhi 1545–1554 |
తరువాత వారు Firuz Shah Suri |