ఎందుకంటే...ప్రేమంట!
ఎందుకంటే... ప్రేమంట! 2012 లో కరుణాకరన్ దర్శకత్వంలో విడుదలైన ప్రేమకథా చిత్రం. రామ్, తమన్నా ఇందులో ప్రధాన పాత్రలు పోషించారు.[1] ఈ చిత్రానికి ఆధారం జస్ట్ లైక్ హెవెన్ అనే హాలీవుడ్ చిత్రం.
| ఎందుకంటే...ప్రేమంట! (2012 తెలుగు సినిమా) | |
 | |
|---|---|
| దర్శకత్వం | ఎ. కరుణాకరన్ |
| నిర్మాణం | స్రవంతి రవికిషోర్ |
| కథ | ఎ. కరుణాకరన్ |
| తారాగణం | రామ్ తమన్నా సుమన్ సాయాజీ షిండే |
| సంగీతం | జి. వి. ప్రకాష్ కుమార్ |
| గీతరచన | రామజోగయ్య శాస్త్రి శ్రీమణి |
| సంభాషణలు | కోన వెంకట్ |
| ఛాయాగ్రహణం | ఐ. ఆండ్రూస్ |
| నిర్మాణ సంస్థ | శ్రీ స్రవంతి మూవీస్ |
| పంపిణీ | 14 రీల్స్ ఎంటర్టైన్మెంట్ |
| నిడివి | 155 నిమిషాలు |
| భాష | తెలుగు |
కథ మార్చు
పారిశ్రామికవేత్తయైన కృష్ణారావు (సాయాజీ షిండే) కొడుకు రాం అల్లరి కుర్రాడు. బాధ్యతలు లేకుండా తిరుగుతుంటాడు. అతనిని దారిలో పెట్టడానికి, ధనం విలువ, కాలం విలువ తెలియజెప్పడానికి అతని తండ్రి తెలివిగా ప్యారిస్ లోని తన స్నేహితుడి ద్రాక్ష తోటల్లోకి పంపుతాడు. అక్కడ కూడా హాయిగా కాలం గడుపుదామన్న రాం కి రోజంతా పనులు చెబుతుంటే చేయలేక అక్కడ నుంచి పారిపోవడానికి ప్రయత్నిస్తాడు. అతను తెలివిగా అక్కడినుంచి బయట పడతాడు కానీ అతని పాస్ పోర్టు యజమాని దగ్గరే ఉండి పోతుంది. ఏం చేయాలో ఆలోచిస్తుండగా అతనికి స్రవంతి విచిత్రమైన పరిస్థితుల్లో తారసపడుతుంది. ఆమె తన సమస్యలు తీర్చిన తరువాత అతనికి అతనికి సాయం చేస్తున్నది కేవలం స్రవంతి ఆత్మ మాత్రమేననీ ఆమె శరీరం హైదరాబాదులోని ఓ ఆస్పత్రిలో కోమాలో ఉందని తెలుస్తుంది. అందుకు కారణాలు కూడా ఆమె వివరిస్తుంది. ఆమె సాయంతో హైదరాబాదు కు వెళ్ళిన రాం ఆమెను చంపాలని చూస్తున్నదేవరు? వారి నుంచి అతను ఆమెను ఎలా కాపాడుకున్నాడన్నదే మిగతా కథ.
నటవర్గం మార్చు
- రామ్
- శర్వానంద్
- స్రవంతిగా తమన్నా
- కృష్ణారావుగా సాయాజీ షిండే
- భారతీయ దౌత్య అధికారిగా సుమన్
- కోకా భాయ్ గా కోన వెంకట్
- కృష్ణారావు స్నేహితుడిగా నాగినీడు
- కళాశాల ప్రిన్సిపల్ గా బ్రహ్మానందం
- డీకేగా రిషి
- వంటవాడిగా/డీకే సహాయకుడిగా యనమదల కాశీ విశ్వనాథ్
- రఘుబాబు
- సుమన్ శెట్టి
- సత్య కృష్ణన్
పాటల జాబితా మార్చు
చిల్ ఔట్, రచన: రామజోగయ్య శాస్త్రి, గానం. విజయ్ ప్రకాష్ , ఆండ్రియా జెరేమి , బిగ్నిక్, మాయ
నీ చూపులే , రచన: రామజోగయ్య శాస్త్రి, గానం.హరిహరన్, కె ఎస్ చిత్ర
కికో గికో , రచన: రామజోగయ్య శాస్త్రి, గానం.క్రిష్ , రనిన రెడ్డి , రాహుల్ నంబియార్, మాయ
సిండ్రెల్లా , రచన: శ్రీమణి, గానం.బెన్నీదయాళ్ , మేఘా, రాహుల్ నంబియార్
ఎగిరి పోవే , రచన: రామజోగయ్య శాస్త్రి, గానం.చిన్మయి, హేమచంద్ర .
సాంకేతికవర్గం మార్చు
మూలాలు మార్చు
- ↑ మహేష్, కోనేరు. "ఎందుకంటే ప్రేమంట సమీక్ష". 123telugu.com. 123telugu.com. Retrieved 12 October 2016.