గోవిందా (నటుడు)
గోవిందా ప్రముఖ భారతీయ నటుడు, హాస్యనటుడు, మాజీ రాజకీయ నాయకుడు. గోవిందా అసలు పేరు గోవింద్ అర్జున్ అహుజా. మంచి డ్యాన్సర్ గా కూడా ఈయన ప్రసిద్ధులు. 12 ఫిలింఫేర్ అవార్డు నామినేషన్లు, ఒక ఫిలింఫేర్ స్పెషల్ అవార్డు, ఫిలింఫేర్ ఉత్తమ హాస్యనటుడు, జీ సినీ అవార్డులు అందుకున్నారు. 2004 నుంచి 2009 వరకు ఎం.పిగా కూడా పనిచేశారు. 1986లో విడుదలైన ఇల్జామ్ ఆయన నటించిన మొదటి సినిమా.165 హిందీ సినిమాల్లో నటించారు గోవిందా[6] 1999 జూన్ లో బిబిసి న్యూస్ నిర్వహించిన ఆన్ లైన్ పోల్ లో గోవిందా 10వ గ్రేటెస్ట్ స్టార్ ఆఫ్ స్టేజ్ ఆర్ స్క్రీన్ గా ఎన్నుకోబడ్డారు.[7]
గోవింద | |
|---|---|
.jpg) 2018లో ఫ్రైడే సినిమా ట్రైలర్ ప్రారంభం సందర్భంగా గోవింద | |
| భారత పార్లమెంటు సభ్యుడు | |
| In office 2004–2009 | |
| అధ్యక్షుడు | ఏ.పి.జె. అబ్దుల్ కలామ్ |
| అంతకు ముందు వారు | రాం నాయక్ |
| తరువాత వారు | సంజయ్ నిరుపం |
| నియోజకవర్గం | ఉత్తర ముంబై |
| వ్యక్తిగత వివరాలు | |
| జననం | గోవింద అరుణ్ అహుజా 1963 డిసెంబరు 21[1][2][3] ముంబై , భారతదేశం |
| రాజకీయ పార్టీ | భారత జాతీయ కాంగ్రెస్ |
| జీవిత భాగస్వామి | సునీతా అహుజా (m. 1987) |
| సంతానం | 2; టీనా అహుజా తో సహా [4] |
| తల్లిదండ్రులు | అరుణ్ కుమార్ అహుజా (తండ్రి) నిర్మలా దేవి (తల్లి) |
| బంధువులు | కృష్ణ అభిషేక్ (మేనల్లుడు), ఆర్తి శర్మ (మేనకోడలు) |
| నివాసం | జుహు, ముంబై, భారతదేశం |
| వృత్తి |
|
| క్రియాశీల సంవత్సరాలు | 1986–ప్రస్తుతం |
| మారుపేరు | చీ చీ, హీరో నెం. 1 [5] |
1980లలో గోవిందా ఫ్యామిలీ, డ్రామా, యాక్షన్, రొమాన్స్ వంటి అన్ని రకాల సినిమాల్లోనూ చేశారు. 80వ దశకం మొదట్లో యాక్షన్ హీరోగా చేసినా 90లలో మాత్రం హాస్య కథానాయకునిగా మారారు. సెకెండ్ ఇన్నింగ్స్ మొదలు పెట్టిన అమితాబ్, ఒక సమయంలో తన సినిమాలన్ని వరుసగా పరాజయం పాలవ్వడంతో ఒక స్టార్ట్ బ్యాక్ కోసం గోవిందాతో కలసి సినిమా నటించారు. 1992లో దివ్య భారతి తో కలసి నటించిన షోలా ఔర్ షబ్నమ్ సినిమాతో మొదటిసారిగా హాస్య కథానాయకుని అవతారం ఎత్తారు గోవిందా. ఆంఖే(1993), రాజా బాబు(1994), కూలీ నెం.1(1995), హీరో నెం.1(1997), హసీనా మాన్ జాయేగీ(1999) వంటి సినిమాల్లో నటించారాయన. మాన్ జాయేగా సినిమాలోని నటనకుగాను ఫిలింఫేర్ ఉత్తమ హాస్యనటుడు పురస్కారం, సాజన్ చలే ససురాల్ సినిమాకు ఫిలింఫేర్ స్పెషల్ అవార్డు అందుకున్నారు గోవిందా. జాన్ సే ప్యారా(1992), ఆంఖే(1993), బడేమియా చోటేమియా(1998), అనారీ నెం.1(1999) వంటి సినిమాల్లో ద్విపాత్రాభినయం చేశారు గోవిందా.[8] ఒక్క హధ్ కర్ దీ ఆప్నే(2000) సినిమాలోనే ఆరు పాత్రల్లో నటించారు ఆయన. రాజు, అతని తల్లి, తండ్రి, చెల్లి, బామ్మ, తాతల పాత్రలు నటించారు గోవిందా.
2000వ దశకం మొదట్లో ఎన్నో పరాజయాలను చవి చూసిన గోవిందా, భగమ్ భాగ్(2006), పార్ట్ నర్(2007), లైఫ్ పార్ట్ నర్(2009), రావన్(2010) వంటి హిట్లను అందుకున్నారు. 2015లో మిథున్ చక్రవర్తి స్థానంలో జీ టివిలోని డాన్స్ రియాలిటీ షో డాన్స్ ఇండియా డాన్స్ సూపర్ మామ్ సీజన్ 2 కి న్యాయనిర్ణేత అయ్యారు గోవిందా.[9][10][11] ఈ షోకు మరే షోకూ రానన్ని టి.ఆర్.పి రేటింగులు వచ్చాయి.[12]
మహారాష్ట్ర లోని ఉత్తర ముంబై నియోజకవర్గం నుండి కాంగ్రెస్ తరఫున 2014లో ఎంపిగా ఎన్నికయ్యారు గోవిందా.[13]
తొలినాళ్ళ జీవితం మార్చు
1963 21 డిసెంబరున పంజాబీ హిందూ కుటుంబంలో జన్మించారు గోవిందా. నటుడు అరుణ్ కుమార్ అహుజా, నటి, గాయకురాలు నిర్మలా దేవిల కుమారుడు గోవిందా. అరుణ్ కుమార్ పంజాబ్ కు చెందినవారు. నిర్మలాదేవి సింధీ కుటుంబానికి చెందినవారు.[14] ఔరత్(1940) సినిమాలో నటించిన అరుణ్ ఆ సినిమా ద్వారా అప్పట్లో చాలా ప్రముఖులు.[14] ఒక సినిమాను నిర్మించిన అరుణ్, ఆ సినిమా ఫ్లాప్ కావడంతో అనారోగ్యం పాలయ్యారు. ముంబైలోని కార్టర్ రోడ్ లో ఒక పెద్ద బంగ్లా లో నివసించే అరుణ్ కుటుంబం, ఆయన అనారోగ్యం పాలవ్వడంతో ఉత్తర ముంబై సబ్ అర్బ్ లోని విరార్ కు మారిపోయారు.[14] ఆరుగురు సంతానంలో ఆఖరివాడు గోవిందా.[15] గోవిందా ముద్దు పేరు "చీ చీ" అంటే చిటికెన్ వేలు అని పంజాబీ భాషలో అర్ధం. వారి ఇంట్లో పంజాబీ భాషే మాట్లాడుకుంటారు.[15][16]
Awards and nominations మార్చు
References మార్చు
- ↑ K. Jha, Subhash (21 December 2013). "Govinda turns 50". Bollywood Hungama. Retrieved 21 April 2016.
- ↑ "Birthday special quiz: How well do you know Govinda?". Mid-Day. 21 December 2015. Retrieved 21 April 2016.
- ↑ Sharma, Dhriti (21 December 2014). "'Hero No 1' Govinda turns 51!". Zee News. Retrieved 21 April 2016.
- ↑ లోహన, అవినాష్ (28 జనవరి 2017) Govinda's son Yashvardhan preparing to enter Bollywood. Times of India.
- ↑ "20 Bollywood Stars and their nick names revealed". Cosmopolitian. Archived from the original on 30 జూలై 2017. Retrieved 15 జూలై 2017.
- ↑ "Govinda: David Dhawan and I have not spoken in five years".
- ↑ "Bollywood star tops the poll". BBC News. 1 July 1999. Retrieved 4 May 2010.
- ↑ "Directors double dilemma". 1 July 1999. Retrieved 25 March 2010.
- ↑ "Govinda makes comeback on telly".
- ↑ "Making a TV comeback: Govinda returns with DID Super Moms". Archived from the original on 2015-04-01. Retrieved 22 జూలై 2016.
- ↑ "Dance India Dance Super Moms Season 2 first episode review: Govinda comes back to TV; makes a grand entry as dancing judge".
- ↑ "DID Supermoms Season 2 records the highest opening TRP, is Govinda the lucky charm?".
- ↑ "Govinda the MP seen seldom in House, constituency". Archived from the original on 18 సెప్టెంబరు 2008. Retrieved 29 May 2010.
- ↑ 14.0 14.1 14.2 Gupta, Priya (22 November 2014). "Govinda: One day mummy predicted her own death to me". The Times of India. Retrieved 22 April 2016.
- ↑ 15.0 15.1 Chopra, Anupama (28 July 1997). "The lovable hero". India Today. Retrieved 22 April 2016.
- ↑ "Mimi to Duggu: Celebs' nicknames and the story behind it". The Times of India. Retrieved 22 April 2016.