ఫిబ్రవరి 2008

ఫిబ్రవరి 29, 2008

2008-09 సంవత్సరపు భారతదేశపు ఆర్థిక బడ్జెట్‌ను ఆర్థికమంత్రి చిదంబరం లోక్‌సభలో ప్రవేశపెట్టినాడు.
నూతన బడెట్‌లో వ్యక్తిగత ఆదాయపు పన్ను మినహాయింపు పరిమితిని రూ. 1,10,000 నుంచి రూ.1,50,000 లకు పెంచబడింది.

ఫిబ్రవరి 28, 2008

పర్యాటక రంగంలో సాధించిన అభివృద్ధికై ఆంధ్రప్రదేశ్ రాష్ట్ర ప్రభుత్వానికి 2007-08 అవార్డు లభించింది.
మహానది నదీపరీవాహక్షేత్రంలో రిలయెన్స్ ఇండస్ట్రీ చమురు నిక్షేపాలను కనుగొంది.
చెన్నై మహానగర పోలీసు శాఖను రెండుగా విభజించాలని నిర్ణయించారు.

ఫిబ్రవరి 27, 2008

ఆస్ట్రేలియా క్రికెట్ ఆటగాడు బ్రాడ్‌హక్ అంతర్జాతీయ క్రికెట్‌ నుంచి నిష్క్రమిస్తున్నట్లు ప్రకటన.
నేపాల్ రాజ్యాంగ సభకు ఏప్రిల్ 10న జరగబోతున్న ఎన్నికలకు 2,219 మంది అభ్యర్థులు నామినేషన్లు దాఖలు చేశారు. (యాహూ తెలుగు)

ఫిబ్రవరి 26, 2008

లాలూ ప్రసాద్ యాదవ్ వరుసగా ఐదవసారి లోక్‌సభలో రైల్వే బడ్జెట్‌ను ప్రవేశపెట్టాడు.
ఆస్ట్రేలియాలో జరుగుతున్న ముక్కోణపు క్రికెట్ పోటీలో భారత్ శ్రీలంకను ఓడించి ఫైనల్లోకి

ఫిబ్రవరి 25, 2008

క్యూబా అధ్యక్షుడిగా ఫిడెల్ కాస్ట్రో సోదరుడు రావుల్ క్యాస్ట్రో ఎన్నికయ్యాడు.
మధ్య ప్రదేశ్ లోని అమర్‌ఖంఠక్‌‌లో ఇందిరా గాంధీ జాతీయ గిరిజన విశ్వవిద్యాలయాన్ని ఏర్పాటు చేయనున్నట్లు రాష్ట్రపతి ప్రతిభా పాటిల్ ప్రకటన.
ఆస్ట్రేలియన్ ఓపెన్ పురుషుల సింగిల్స్ బ్యాడ్మింటన్ పోటీల్లో భారత్కు చెందిన ఆనంద్‌పవార్ టైటిల్ సాధించాడు.
దక్షిణ కొరియా నూతన అధ్యక్షుడిగా పదవి స్వీకరించిన లీ మ్యుంగ్.
సుప్రీం కోర్టు మాజీ ప్రధాన న్యాయమూర్తి జస్టిస్ హంస్‌రాజ్ ఖన్నా మృతి.

ఫిబ్రవరి 24, 2008

అసోంలో సోనపూర్ వంతెనపై నుంచి బస్సు పడి 18 ప్రయాణీకుల మృతి.
భారత వైమానిక దళంలో శిక్షణ నిమిత్తం బీదర్ లోని ఎయిర్ ఫోర్స్ స్టేషన్‌లో బ్రిటన్ తయారుచేసిన అధునాతన జెట్ ట్రైనర్ హక్ శిక్షణ విమానాన్ని ప్రవేశపెట్టారు.
ఇరాక్ ఉత్తర ప్రాంతంలో టర్కీ వైమానిక దాడి, 35 కుర్దిష్ తిర్గుబాటుదారుల మృతి.

ఫిబ్రవరి 23, 2008

త్రిపురలో శాసనసభ ఎన్నికల పోలింగ్ జరిగింది.
మహాత్మాగాంధీ తనకు స్ఫూర్తి ప్రదాత అని అమెరికాలో డెమొక్రాటిక్ పార్టీ అభ్యర్థిత్వం కోసం పోటీలో ఉన్న బారక్ ఒబామా ప్రకటన.
దులీప్ ట్రోఫీ క్రికెట్ టోర్నమెంటును నార్త్‌జోన్ 17వ సారి కైవసం చేసుకొంది.
హెచ్‌డీఎఫ్‌సీ బ్యాంకులో విలీనానికి సెంచూరియన్ బ్యాంక్ ఆఫ్ పంజాబ్ ఆమోదం.

ఫిబ్రవరి 22, 2008

సెర్బియాలో అల్లర్లు. అమెరికా దౌత్యకార్యాలయానికి ఆందోళనకారులు నిప్పంటించారు.

ఫిబ్రవరి 21, 2008

కక్ష్యలో నియంత్రణ కోల్పోయిన కృత్రిమ ఉపగ్రహాన్ని అమెరికా పేల్చివేసింది.
2007 సంవత్సరపు సాహిత్య అకాడమీ అవార్డులకు గాను 24 రచయితలు ఎంపికయ్యారు.
ఐసిసి టెస్ట్ ర్యాంకింగ్‌లో భారత క్రికెట్ జట్టు రెండో స్థానంలో నిలిచింది.
ముంబయి ట్రాన్స్‌హార్బర్ లింక్ ప్రాజెక్టు (22 కిలోమీటర్ల పొడవైన రోడ్డు, రైల్వే బ్రిడ్స్‌ నిర్మాణపు) పనులను రిలయన్స్ ఎనర్జీ లిమిటెడ్ సంస్థ దక్కించుకుంది.

ఫిబ్రవరి 20, 2008

నియోజకవర్గాల పునర్విభజన బిల్లుకు రాష్ట్రపతి ప్రతిభా పాటిల్ ఆమోదం తెలిపింది.
బిసిసీఐ ఏర్పాటు చేసిన ఇండియన్ ప్రీమియర్ లీగ్ (ఐపీఎల్) ఆటగాళ్ల వేలం ప్రారంభం. మహేంద్రసింగ్ ధోనిని చెన్నై ఫ్రాంచైజ్ 6 కోట్ల రూపాయల బిడ్‌తో దక్కించుకుంది.
భారత్ లో తొలి భూగర్భ పైప్‌లైన్ నిర్మాణం ముంబాయిలో ప్రారంభించారు.

ఫిబ్రవరి 19, 2008

పాకిస్తాన్ ఎన్నికలలో దివంగత బెనజీర్ భుట్టోకు చెందిన పాకిస్థాన్ పీపుల్స్ పార్టీ, నవాజ్ షరీఫ్ నేతృత్వంలోని పాకిస్థాన్ ముస్లిం లీగ్ పార్టీలు మొదటి రెండు స్థానాల్లో నిలిచాయి.
ప్రజాస్వామ్య వ్యవస్థలో పార్లమెంటే అత్యున్నత వ్యవస్థ అని లోక‌సభ స్పీకర్ సోమనాథ్ చటర్జీ అభిప్రాయం వ్యక్తంచేశాడు.
1959 ఞుంచి అధికారంలో ఉన్న క్యూబా అధ్యక్షుడు ఫిడేల్ క్యాస్ట్రో పదవికి రాజీనామా.
ఆస్ట్రేలియాలో జరుగుతున్న ముక్కోణపు క్రికెట్ టోర్నమెంటులో శ్రీలంకపై భారత్ విజయం

ఫిబ్రవరి 18, 2008

నేపాల్ రాజధాని నగరం ఖాట్మండ్లో మైనారిటీల సమ్మె వల్ల ఇంధన సరఫరాకు ఆటంకం ఏర్పడి రవాణా వ్యవస్థ స్తంభించింది.
కొసావో స్వాతంత్ర్యం ప్రకటించుకోవడాన్ని తిరస్కరించిన సెర్బియా.
ప్రముఖ బెంగాలీ సినీ దర్శకుడుశ్యాం బెనగల్‌కు రావి నారాయణ రెడ్డి అవార్డు ప్రదానం.

ఫిబ్రవరి 17, 2008

ఆస్ట్రేలియాలో జరుగుతున్న ముక్కోణపు వన్డే సీరీస్‌లో భారత్ను ఓడించి ఆస్ట్రేలియా ఫైనల్‌లోకి ప్రవేశించింది.
అఫ్ఘనిస్తాన్ లోని కాందహార్లో జరిగిన ఆత్మాహుతి బాంబుదాడిలో 80 మంది మృతి.
ఒడిషాలో నక్సలైట్లు జరిపిన దాడితో రాష్ట్రమంతటా హైఅలెర్ట్ ప్రకటించిన ఒడిషా రాష్ట్ర ప్రభుత్వం.
భారత్ టాప్- 3 రియాల్టీ మార్కెట్‌ల్లో ఒకటిగా అవతరించినట్లు అసోసియేషన్ ఆఫ్ ఫారిన్ ఇన్వెస్టర్స్ ఇన్ రియల్ ఎస్టేట్ నివేదిక వెల్లడించింది.

ఫిబ్రవరి 16, 2008

రూ.1,00,436 కోట్లతో ఆంధ్రప్రదేశ్ రాష్ట్ర బడ్జెట్ను ఆర్థికమంత్రి రోశయ్య శాసనసభలో ప్రవేశపెట్టాడు.
2006లో సోనియా గాంధీ బెల్జియం పర్యటనలో ఆ దేశ రెండో అత్యున్నత పురష్కారమైన ఆర్డర్ ఆఫ్ లియోపోల్డ్‌ అవార్డును స్వీకరించినందుకు ఎన్నికల సంఘం నోటీసు జారీచేసింది.
ఐసిసి తాజా ర్యాంకింగ్‌లో భారత్ నాలుగవ స్థానంలో నిలిచింది. బ్యాట్స్‌మెన్ ర్యాంకింగ్‌లో సచిన్ టెండుల్కర్ ఏడవ స్థానంలో నిలిచాడు.

ఫిబ్రవరి 15, 2008

బంగ్లాదేశ్కు చెందిన బంగాలీ రచయిత్రి తస్లీమా నస్రీన్ వీసాను కేంద్రం పొడిగించింది.
దోహాలో జరిగిన ఆసియన్ ఇండోర్ అథ్లెటిక్స్ ఛాంపియన్‌షిప్‌లో అంజు బాబీ జార్జ్ లాంగ్‌జంప్‌లో రజతపతకాన్ని సాధించింది.
ఆస్ట్రేలియా పాకిస్తాన్ పర్యటన నుంచి తప్పుకుంటే తీవ్రపరిణామాలు తలెత్తుతాయని బిసిసీఐ హెచ్చరిక.
తొమ్మిదిసార్లు గ్రాండ్‌స్లాం మహిళల టైటిళ్ళ విజేత మోనికా సెలెస్ టెన్నిస్ నుంచి రిటైర్‌మెంట్.

ఫిబ్రవరి 14, 2008

నియోజకవర్గాల పునర్విభజనను కేంద్ర మంత్రివర్గం ప్రకటించింది. జార్ఖండ్, అసోం, మణిపూర్, అరుణాచల్ ప్రదేశ్, నాగాలాండ్ 5 రాష్ట్రాలు మినహా మిగితా అన్ని రాష్ట్రాలకు సంబంధించిన పునర్విభజన పూర్తయింది.
మలేషియాలో మార్చి 8న సార్వత్రిక ఎన్నికలు జరగనున్నాయని ఆ దేశ ఎన్నికల సంఘం ప్రకటించింది.
ముంబయిలో జరిగిన తొలి మహిళా ఛాలెంజర్ ట్రోఫీలో భారత్ ఏ జట్టు విజయం సాధించి ట్రోఫీ కైవసం చేసుకుంది.

ఫిబ్రవరి 13, 2008

మచిలీపట్నం తీరానికి 50 కి.మీ.దూరంలో కృష్ణా-గోదావరి బేసిన్ లో మొట్ట మొదటి సారిగా గ్యాస్ నిక్షేపాలను కనుగొన్నట్లు రిలయన్స్ ఇండస్ట్రీస్ లిమిటెడ్ ప్రకటన.
హైదరాబాదులో 20 ఎకరాల స్థలంలో కార్యాలయాన్ని ఏర్పాటు చేయనున్న గూగుల్ సంస్థ.
పాకిస్తాన్ అన్వాయుధాలు మోసుకెళ్ళగల ఘజ్ఞవీ క్షిపణి ప్రయోగాన్ని నిర్వహించింది. దీని పరిధి 290 కిలోమీటర్లు.

ఫిబ్రవరి 12, 2008

భారత పర్యటనకు విచ్చేసిన రష్యా ప్రధానమంత్రి జుబ్‌కోవ్.
వివాదంలో చిక్కుకున్న సంజయ్ దత్-మాన్యతల వివాహం.
కాన్‌బెర్రా వన్డేలో భారత్ పై శ్రీలంక 8 వికెట్లతో విజయం సాధించింది. శ్రీలంక ఓపెనింగ్ బ్యాట్స్‌మెన్ దిల్షాన్ కు మ్యాన్ ఆఫ్ ది మ్యాచ్ అవార్డు లభించింది.
బహ్రెయిన్ మెరుగైన జీతం కోసం 1900 మంది భారతీయ కార్మికులు సమ్మె ప్రారంభించారు.
అప్ఘనిస్థాన్‌లో పాకిస్తాన్ రాయబారిగా పనిచేస్తున్న తారీఖ్ అజీజుద్దీన్ అదృశ్యం.
2008లో వాతావరణ మార్పులపై చర్యలు చేపట్టాలని ఐక్యరాజ్య సమితి ప్రధాన కార్యదర్శి బాబ్‌కి మూన్ విజ్ఞప్తి.

ఫిబ్రవరి 11, 2008

ముంబయిలో చెలరేగిన అలర్లకు చర్యగా మహారాష్ట్ర నవనిర్మాణ్ సేన అధ్యక్షుడు రాజ్‌థాకరేపై, సమాజ్‌వాదీ పార్టీ ముంబయి అధ్యక్షుడు అబూఅజ్మీలపై పోలీసులు కేసులు నమోదు.
తొలిగించిన న్యాయమూర్తులను తిరిగి విధుల్లోకి తీసుకోవాలని డిమాండ్ చేస్తే పాకిస్తాన్లో న్యాయవాదులు న్యాయస్థానాలను బహిష్కరించారు.
భారత్, అమెరికా సంబంధాలు మరింత బలపడనున్నాయని భారత్‌లోని అమెరికా రాయబారి డేవిడ్ ముల్‌ఫోర్డ్ ఆశాభావం వ్యక్తం చేశాడు.
అమెరికా అధ్యక్ష పదవి అభ్యర్థి ఎన్నికల్లో డెమొక్రాట్ల తరపున పోటీలో ఉన్న బరాక్ ఒబామా, హిల్లరీ క్లింటన్‌పై ఆధిక్యం.
కేంద్ర ప్రభుత్వం నుండి రాష్ట్రీయ ఇస్పాత్ నిగమ్ లిమిటెడ్ (విశాఖపట్నం స్టీల్ ప్లాంట్) కు ఇ-గవర్నెన్స్ అవార్డు.
పారిస్ ఓపెన్ టెన్నిస్ టోర్నమెంట్‌ను రష్యా అగ్రశ్రేణి క్రీడాకారిణి అన్నా చక్వతడ్జే కైవసం.
బాంబే స్టాక్ ఎక్ఛేంజి సూచీ సెన్సెక్స్‌లో మళ్ళీ భారీ పతనం. 834 పాయింట్లు తగ్గి 16631 పాయింట్లకు దిగజారింది. ఇది మొత్తం సుచీలో 4.8% తగ్గుదల.
చైనాలో 92% గ్రామాలకు విస్తరించిన బ్రాడ్ బ్యాండ్ సౌకర్యం.

ఫిబ్రవరి 10, 2008

ఒసామా బిల్ లాడెన్ పాకిస్థాన్ నుంచే కార్యకలాపాలు కొనసాగిస్తున్నాడని అమెరికా ప్రకటన.
న్యూజీలాండ్లో దేశీయ విమానం హైజాక్ చేయడానికి ప్రయత్నించిన మహిళ అరెస్ట్.
ముంబయిలో జరిగే నిర్మాణ పనుల్లో ఇతర రాష్ట్రాల వారిని పనిచేయనీయబోమని శివసేన పార్టీకి చెందిన ఉద్ధవ్ థాకరే ప్రకటన.
కిడ్నీ రాకెట్ కుంభకోణం నిందితుడు డాక్టర్ అమిత్‌కుమార్‌న్య్ భారత సి.బి.ఐ బృందం నేపాల్ నుంచి ఢిల్లీ తీసుకొనివచ్చింది.
దక్షిణ భారతదేశంలో వ్యాపార అభివృద్ధి కోసం ప్రతిపాదించిన చెన్నై-బెంగుళూర్-ముంబయి త్రికోణ కారిడార్‌కు ప్రభుత్వం అమోదం.
ఉత్తర ప్రదేశ్ లోని అన్పారాలో 500 మెగావాట్ల సామర్థ్యం గల 2 విద్యుత్ ప్రాజెక్టులు ప్రారంభించడానికి భారత ప్రభుత్వరంగ సంస్థ బి.హెచ్.ఇ.ఎల్కు రూ.3390/-కోట్ల ఆర్డర్ దక్కింది.
ముక్కోణపు వన్డే సిరీస్‌లో భాగంగా జరిగిన సిడ్నీ వన్డేలో ఆస్ట్రేలియా పై 5 వికెట్ల తేడాతో భారత్ గెలుపు. ఇషాంత్ శర్మకు మ్యాన్ ఆఫ్ ది మ్యాచ్ అవార్డు.

ఫిబ్రవరి 9, 2008

ప్రముఖ సంఘసేవకుడు బాబా ఆమ్టేగా పేరుగాంచిన మురళిదాస్ దేవదాస్ ఆమ్టే తన ఆశ్రమం ఆనంద్‌వన్‌లో మరణం.
అరుణాచల్ ప్రదేశ్ పై చైనా చేసిన వ్యాఖ్యలను భారత్ ఖండించింది.
స్టేట్ బ్యాంక్ ఆఫ్ ఇండియా రైట్స్ ఇష్యూ ఈ నెల 18వ తేదీన ప్రారంభం కావచ్చని బ్యాంక్ అధికార వర్గాల సమాచారం.
పవర్ గ్రిడ్ కార్పొరేషన్ ఆఫ్ ఇండియా లిమిటెడ్ నుండి ఎ.బి.బి.లిమిటెడ్ కు 330 కోట్ల రూపాయల సబ్ స్టేషన్ల నిర్వహణ ఆర్డర్లు
పశ్చిమ బెంగాల్ లోని బర్న్ పూర్ వద్ద గల ఐ.ఐ.ఎస్.సి.ఓ.స్టీల్ ప్లాంట్ లో నిర్వహణ కోసం స్టీల్ అథారిటీ ఆఫ్ ఇండియా లిమిటెడ్ నుండి లార్సన్ అండ్ టుబ్రో లిమిటెడ్ కు రూ.1107 కోట్ల ఆర్డర్లు లభించాయి.

ఫిబ్రవరి 8, 2008

ద్రవ్యోల్బణం రేటు 4.11%కి పెరిగింది. గత 6 మాసాలలో ఇదే అత్యధిక పెరుగుదల రేటు.
సిండికేట్ బ్యాంకు ఎస్.ఎం.ఎస్. బ్యాంకింగ్ సౌకర్యాన్ని ఖాతాదారులకు కల్పించింది.
అవినీతి ఆరోపణలలో చిక్కుకున్న టాంజానియా ప్రధానమంత్రి ఎడ్వర్డ్ లోవస్సా రాజీనామా.
ఇండియన్ ప్రీమియర్ లీగ్ ట్వంటీ-20 ఫైనల్ మ్యాచ్ ముంబాయిలో జరపాలని నిర్ణయం.

ఫిబ్రవరి 7, 2008

జన్యు పరిశోధనలపైహైదరాబాద్ ‌లో బయో ఏసియా 2008 సదస్సు ఉపరాష్ట్రపతి హమీద్ అన్సారీ చే ప్రారంభం.
సియట్ అంతర్జాతీయ క్రికెట్ టీం ర్యాంకింగ్స్‌లో భారత జట్టు 89 పాయింట్లతో తొలి స్థానంలోనిలిచింది. బ్యాట్స్‌మెన్‌లలో శ్రీలంకకు చెందిన మహేల జయవర్థనే ప్రథమ స్థానంలోను, భారత్‌కు చెందిన సచిన్ టెండుల్కర్, సౌరవ్ గంగూలీలు ద్వితీయ, తృతీయ స్థానాలలో ఉన్నారు.
ఆంధ్రప్రదేశ్లో 12 పార్టీలకు రాజకీయ పార్టీలుగా గుర్తింపు లభించింది.

ఫిబ్రవరి 6, 2008

పాకిస్తాన్ అణ్వాయుధాలు సురక్షితంగా లేవని అమెరికా నిఘాసంస్థల హెచ్చరిక.
1999లో భారత విమానాన్ని హైజాక్ చేసిన తీవ్రవాదులకు సహాయం చేశారనే నేరం నిర్ధారణ కావడంతో ముగ్గురికి జీవిత ఖైదు పాటియాలా కోర్టు తీర్పు ఇచ్చింది.
పాకిస్థాన్ లోని పంజాబ్ ప్రాంతంలోని విద్యా సంస్థల్లో విద్యార్థులు సెల్‌ఫోన్ వాడడానికి ప్రభుత్వం నిషేధించింది.
అమెరికా అధ్యక్ష పదవిలో నిలబడే డెమోక్రాటిక్ పార్టీ అభ్యర్థి పదవికై జరిగిన ఎన్నికల్లో హిల్లరీ క్లింటన్ ఒబామాపై ఆధిక్యం సాధించింది.

ఫిబ్రవరి 5, 2008

అత్యధిక విదేశీ మారక నిల్వలు కలిగిన దేశాల్లో భారత్ నాలుగవ స్థానం పొందినది. చైనా, జపాన్, రష్యాలు ఈ విషయంలో మొదటి మూడు స్థానాల్లో ఉన్నాయి.
వన్డే క్రికెట్లో సచిన్ టెండుల్కర్ 16000 పరుగులు పూర్తి చేసిన ఘనతను పొందినాడు. వన్డే క్రికెట్‌లో అత్యధిక పరుగులు చేసిన రికార్డు ఇదివరకే ఇతని పేరిటే ఉంది.

ఫిబ్రవరి 4, 2008

ఆఫ్రికా లోని ర్వాండా, కాంగో దేశాలలో భూకంపం సంభవించి సుమారు 40 మంది మృతి.
పన్నులతో స్థూల జాతీయోత్పత్తి నిష్పత్తి 11.8%కు పెరుగుతుందనికేంద్ర ఆర్థిక శాఖ మంత్రి పి.చిదంబరం ప్రకటన.

ఫిబ్రవరి 3, 2008

ఆఫ్రికా దేశమైన కెన్యాలో శాంతి స్థాపనకు ప్రభుత్వం, ప్రతిపక్షం మధ్య అంగీకారం కుదిరింది.
రిలయన్స్ కమ్యూనికేషన్స్ లిమిటెడ్ (ఆర్‌కామ్) పశ్చిమ బెంగాల్లో గ్రామీణ టెలిఫోన్ పథకాన్ని ప్రారంభించింది.

ఫిబ్రవరి 2, 2008

కర్ణాటకలో తొలి లగ్జరీ రైలు గోల్డెన్ ఛారియట్‌ రాష్ట్రపతి ప్రతిభా పాటిల్ చే ప్రారంభం.
జమ్మూ కాశ్మీర్‌ లోని గుల్మార్గ్ ‌లో ఫిబ్రవరి 17 నుంచి ఐదవ జాతీయ హిమోత్సవాలు జరుపనున్నట్లు గుల్మార్గ్ డెవలప్‌మెంట్ అథారిటీ నిర్వాహకుల ప్రకటన.
భారత్కు చెందిన ఎన్ఎస్ జలాశ్వ నౌకలో గ్యాస్ లీకై ఐదుగురు నావికులు మృతి చెందినట్లు నౌకాదళ అధికారుల ప్రకటన.
రామసేతును భారతీయ వారసత్వ సంపదగా ప్రభుత్వం ప్రకటించాలని భారతీయ జనతా పార్టీ డిమాండ్.

ఫిబ్రవరి 1, 2008

అంతర్జాతీయ స్థాయి ఎయిర్ షో అక్టోబర్ 15 నుంచి మూడు రోజులపాటు హైదరాబాదులో జరపాలని కేంద్ర పౌర విమానయాన శాఖ నిర్ణయించింది.
దుబాయి పాలకుడు షేక్ మహమ్మద్ బిన్‌రషీద్ అల్ మగ్దూం తన కుమారుడు హందన్‌ను యువరాజుగా ప్రకటించాడు.
అంతర్జాతీయ స్థాయి ఇంటర్‌నెట్ సంస్థ యాహును 44.6 బిలియన్ డాలర్లకు కొనుగోలు చేయడానికి మైక్రోసాప్ట్ సంసిద్ధత.