సోలో

సోలో ఒక 2011 లో విడుదలైన సినిమా. నారా రోహిత్ హీరోగా నిషా అగర్వాల్ హీరోయిన్‌గా పరశురామ్ దర్శకత్వంలో వచ్చిన ఈ సినిమా విజయవంతమై, సినీ విమర్శకుల ప్రశంసలు అందుకుంది. మణి శర్మ సంగీతం అందించాడు. తరువాత దీనిని ఒరియాలో అనుభావ్ మొహంతి, బర్షా ప్రియదర్శినిలతో హాతా ధారి చాలుతగా పేరుతో రీమేక్ చేశారు.

సోలో (2011 తెలుగు సినిమా)
దర్శకత్వం	పరశురామ్
నిర్మాణం	వంశీకృష్ణ శ్రీనివాస్
కథ	పరసురాం
చిత్రానువాదం	పరశురామ్
తారాగణం	నారా రోహిత్ నిషా అగర్వాల్ ప్రకాష్ రాజ్ జయసుధ ఫిష్ వెంకట్ శ్రీనివాస రెడ్డి
సంగీతం	మణిశర్మ
సంభాషణలు	పరశురామ్
ఛాయాగ్రహణం	దాసరథి శివేంద్ర
కూర్పు	మార్తాండ్ కె. వెంకటేష్
నిర్మాణ సంస్థ	ఎస్.వీ.కే. సినిమా
భాష	తెలుగు

కథ

గౌతమ్ ( నారా రోహిత్ ) ఒక అనాథ. కుటుంబ సంబంధాలను, పెద్దల ప్రేమనూ అనుభవించడానికి గాను, ఉమ్మడి కుటుంబానికి చెందిన అమ్మాయిని పెళ్ళి చేసుకోవాలని కలలు కంటూంటాడు. అతను ఉమ్మడి కుటుంబానికి చెందిన వైష్ణవి ( నిషా అగర్వాల్ ) తో ప్రేమలో పడతాడు. ఆమెను ఆకర్షించడానికి ప్రయత్నిస్తాడు. చివరికి ఆమె అతనితో ప్రేమలో పడుతుంది. వైష్ణవికి ఇంట్లో అందరితో, ముఖ్యంగా ఆమె తండ్రి నాయుడుతో చాలా అనుబంధం ఉంటుంది. ఒక రోజు అతను తన కుమార్తె, గౌతమ్‌ల సంబంధం గురించి తెలుసుకుంటాడు. తన కుమార్తెను మంచి కుటుంబానికి చెందిన వ్యక్తికి ఇచ్చి పెళ్ళి చెయ్యాలనుకుంటున్నందున అతను గౌతమ్‌ను ఇష్టపడడు. మరో సంబంధం చూస్తాడు. ఆ తరువాత ఏమి జరుగుతుందనేది మిగిలిన కథ.

నటీనటులు

• నారా రోహిత్
• నిషా అగ్రవాల్
• ప్రకాష్ రాజ్
• సయాజీ షిండే
• జయసుధ
• ఆలీ
• శ్రీనివాస రెడ్డి
• వరుణ్ సందేశ్
• రావు రమేష్
• ఎం.ఎస్.నారాయణ
• సునీల్
• వేణుమాధవ్
• ధర్మవరపు సుబ్రహ్మణ్యం
• యనమదల కాశీ విశ్వనాథ్
• నరేష్
• ఆహుతి ప్రసాద్
• పవిత్ర లోకేష్
• రంగనాథ్
• ముమైత్ ఖాన్

పాటలు

క్రమసంఖ్య	పేరు	గాయనీ గాయకులు	నిడివి
1.	"ఆల్మోస్ట్ ఆటంబాబు"	రంజిత్	4:37
2.	"మరుమల్లెల వాన"	హేమ చంద్ర	4:07
3.	"అమ్మమ్మమ్మో"	శ్రీరాం చంద్ర మైనంపాటి, మాళవిక	4:54
4.	"నా ప్రేమ కథకు"	హరిచరణ్	4:06
5.	"సింగపూరు పుట్టిన వూరు"	శ్రావణ భార్గవి	4:30
6.	"పుడుతూనే సోలో"	కారుణ్య	3:16
25:30