బిషంభర్ నాథ్ పాండే

బిషంభర్ నాథ్ పాండే (1906 డిసెంబర్ 23 – 1998 జూన్ 1) భారత స్వాతంత్ర్య సమరయోధుడు, సామాజిక కార్యకర్త, పార్లమెంటేరియన్. పాండే తన జీవితాన్ని జాతీయ సమైక్యతకు, గాంధేయ జీవన విధాన వ్యాప్తికీ అంకితం చేసాడు.

బిషంభర్ నాథ్ పాండే
ఒడిశా గవర్నరు
పదవీ కాలం 1983 ఆగస్టు 17 – 1988 నవంబరు 20
వ్యక్తిగత వివరాలు
జాతీయత	భారతీయుడు
వృత్తి	రాజకీయ నాయకుడు

జీవితం

బిఎన్ పాండే ఇండియన్ నేషనల్ కాంగ్రెస్ సభ్యుడు, భారత మొదటి ప్రధాని జవహర్‌లాల్ నెహ్రూ, ఇందిరాగాంధీ, రాజీవ్ గాంధీ, సోనియా గాంధీ లకు సన్నిహితుడు. అతను గాంధేయ తత్వాన్ని అనుసరించాడు. గాంధీ స్మృతి, దర్శన్ సమితి (GSDS) కి 18 సంవత్సరాల పాటు వైస్ ఛైర్మనుగా పనిచేసాడు. ఈ సంస్థ గాంధీ సూత్రాలను, తత్వశాస్త్రాన్నీ ప్రపంచవ్యాప్తంగా వ్యాప్తి చేయడం లక్ష్యంగా పెట్టుకుంది. 

పాండే, మోహన్ దాస్ గాంధీ జీవితం గురించి, అతని ఆదర్శాల గురించీ జపాన్, రష్యా, జర్మనీ, కెనడా వంటి దేశాలలో ఉపన్యాసాలు ఇచ్చి ప్రచారం చేసాడు.

పురస్కారాలు

1976 లో, సామాజిక సేవా రంగంలో సాధించిన విజయాలకు గాను, పాండేకు పద్మశ్రీ పురస్కారం లభించింది. 

భారతదేశంలో హిందూ-ముస్లిం ఐక్యత విషయంలో సాధించిన విజయాలకు గాను, 1996 లో భారత ప్రధాన మంత్రి పి.వి.నరసింహారావు పాండేకు ఇందిరాగాంధీ పురస్కారం అందించాడు. భారతదేశ మిశ్రమ సంస్కృతిపై చేసిన కృషికి గాను, అతనికి ఖుదాబక్ష్ పురస్కారం కూడా లభించింది.

రాజకీయ జీవితం

• శాసనసభ సభ్యుడు, ఉత్తర ప్రదేశ్
• అలహాబాద్ మేయరు
• రాజ్యసభ సభ్యుడు - 1976 నుండి 1984 వరకు, 1989 నుండి 1998 వరకు
• ప్రదేశ్ కాంగ్రెస్ కమిటీ అధ్యక్షుడు, ఉత్తరప్రదేశ్, 1980 నుండి 1983 వరకు
• ఒడిశా గవర్నర్, 1984 నుండి 1988 వరకు

పుస్తకాలు

భారతదేశంలోని వివిధ మతాల మధ్య ఐక్యతను పెంపొందించే లక్ష్యంతో పాండే తన జీవితంలో ఎక్కువ భాగాన్ని లౌకికవాదంపై పరిశోధన కోసం అంకితం చేశాడు. తన పరిశోధనలో భాగంగా, అతను అనేక పుస్తకాలు రాశాడు. వాటిలో కొన్ని:

• భారత జాతీయ కాంగ్రెసు 1885-1985 శతాబ్ది చరిత్ర
• భారత జాతీయ కాంగ్రెసు సంక్షిప్త చరిత్ర, 1947–1985 (1986)
• ఇందిరా గాంధీ
• ఇస్లాం, భారతీయ సంస్కృతి
• ఔరంగజేబ్