మల్లికార్జున్‌ గౌడ్‌

మల్లికార్జున్‌ గౌడ్‌ తెలంగాణ రాష్ట్రానికి చెందిన రాజకీయ నాయకుడు, మాజీ కేంద్ర మంత్రి. ఆయన ఆరు సార్లు లోక్‌సభ సభ్యుడిగా పని చేశాడు.[1]

జననం, విద్యాభాస్యంసవరించు

మల్లికార్జున్‌ గౌడ్‌ 1941లో మెదక్‌ జిల్లా నల్లగండ్ల గ్రామంలో జన్మించాడు. ఆయన ఉస్మానియా యూనివర్సిటీ నుండి విద్యాభాస్యం పూర్తి చేశాడు. ఆయన 1969లో జరిగిన తొలిదశ తెలంగాణ ఉద్యమంలో క్రియాశీలకంగా పాల్గొన్నాడు. ఉస్మానియా యూనివర్సిటీ విద్యార్థి నాయకుడిగా ముల్కీ, నాన్‌ ముల్కీ ఉద్యమంలో పాల్గొన్నాడు.

రాజకీయ జీవితంసవరించు

మల్లికార్జున్‌ గౌడ్‌ తెలంగాణ ఉద్యమం సమయంలో ఏర్పడిన తెలంగాణ ప్రజా సమితిలో కీలక నాయకుడిగా తన రాజకీయ ప్రస్థానాన్ని ప్రారంభించాడు. ఆయన 1971లో జరిగిన పార్లమెంట్‌ ఎన్నికల్లో మెదక్‌ పార్లమెంట్‌ నియోజకవర్గం నుండి తెలంగాణ ప్రజా సమితి (టీపీఎస్‌) అభ్యర్థిగా పోటీ చేసి తన సమీప ప్రత్యర్థి కాంగ్రెస్‌ పార్టీ అభ్యర్థి నర్సింహా రెడ్డి పై 53431 ఓట్ల మెజార్టీతో గెలిచి తొలిసారి ఎంపీగా పార్లమెంట్‌ లో అడుగు పెట్టాడు. ఆయన 1977లో జరిగిన లోక్‌సభ ఎన్నికల్లో మెదక్‌ నుంచి కాంగ్రెస్‌ అభ్యర్థిగా పోటీ చేసి గెలిచాడు. 1980లో ఇందిరాగాంధీ మెదక్ లోకసభ నియోజకవర్గం నుండి పోటీ చేయగా, మల్లికార్జున్‌ గౌడ్‌ మహబూబ్ నగర్ లోకసభ నియోజకవర్గం నుండి కాంగ్రెస్‌ పార్టీ అభ్యర్థిగా పోటీ చేసి ఎంపీగా గెలిచి, కేంద్ర రైల్వేశాఖ సహాయ మంత్రిగా పని చేశాడు.ఆయన అనంతరం 1989, 1991, 1996 ఎన్నికల్లో మహబూబ్‌నగర్‌ ఎంపీగా గెలిచాడు. మల్లికార్జున్‌ గౌడ్‌ రాజీవ్ గాంధీ, పీవీ నర్సింహారావు మంత్రి వర్గాలలో కేంద్ర రైల్వేశాఖ సహాయ మంత్రి, సమాచారశాఖ మంత్రిగా పని చేశాడు. ఆయన ఉమ్మడి ఆంధ్రప్రదేశ్‌ పీసీసీ అధ్యక్షుడిగా 1996 నుంచి 1998 వరకు పనిచేశాడు.

మరణంసవరించు

మల్లికార్జున్‌ గౌడ్‌ 2002 డిసెంబర్‌ 24న గుండెపోటుతో మరణించాడు.[2][3]

మూలాలుసవరించు

  1. Sakshi (21 March 2019). "తొలి ఉద్యమ సైరన్‌". Sakshi. Archived from the original on 8 జూన్ 2021. Retrieved 8 June 2021.
  2. Rediff (25 December 2002). "Former Union minister Mallikarjun dead". www.rediff.com. Archived from the original on 8 జూన్ 2021. Retrieved 8 June 2021.
  3. Mallikarjun Cremated with State Honours