రాంరెడ్డి వెంకటరెడ్డి

రాంరెడ్డి వెంకటరెడ్డి ( మే 22, 1944 - మార్చి 4, 2016) ఖమ్మం జిల్లా పాలేరు కాంగ్రెస్ పార్టీకి చెందిన మాజీ ఎమ్మెల్యే. ఐదుసార్లు ఎమ్మెల్యేగా ఎంపికైన ఆయన వైఎస్ రాజశేఖరరెడ్డి, కిరణ్ కుమార్ రెడ్డిల హయాంలో మంత్రిగా పనిచేశారు. 2016వరకు రాంరెడ్డి వెంకటరెడ్డి తెలంగాణ పీఏసీ చైర్మన్ గా ఉన్నారు.[1]

రాంరెడ్డి వెంకటరెడ్డి
రాంరెడ్డి వెంకటరెడ్డి


ఆంధ్ర ప్రదేశ్ రాష్ట్ర మాజీ మంత్రి
నియోజకవర్గం పాలేరు

వ్యక్తిగత వివరాలు

జననం మే 22, 1944
ఖమ్మం జిల్లా కామేపల్లి మండలం పాతలింగాల
మరణం మార్చి 4, 2016
హైదరాబాదు, తెలంగాణ
రాజకీయ పార్టీ భారత జాతీయ కాంగ్రెస్
తల్లిదండ్రులు కమలమ్మ,నారాయణరెడ్డి
నివాసం హైదరాబాదు, భారతదేశం
మతం హిందూ

జీవిత విశేషాలుసవరించు

ఈయన స్వస్థలం ఖమ్మం జిల్లా, కామేపల్లి మండలం పాతలింగాల గ్రామం. ఆయన వ్యవసాయ కుటుంబంలో కమలమ్మ, నారాయణరెడ్డి దంపతులకు 1944, మే 22న జన్మించారు. ఆయన ఉస్మానియా విశ్వవిద్యాలయం నుండి బి.ఎ డిగ్రీని పొందారు.[2]

రాజకీయ జీవితంసవరించు

1967లో రాజకీయ రంగ ప్రవేశం చేశారు. 1967 నుంచి 1977 వరకు పాతలింగాల సర్పించిగా ఉన్నారు. ఎల్ఎంబీ డైరెక్టర్, డిసిసి ఉపాధ్యక్షులుగా పనిచేశారు[2]. 1996లో ఉప ఎన్నిక ద్వారా సుజాత నగర్ ఎమ్మెల్యే అయ్యారు [3]. 1999లో జరిగిన ఎన్నికలలో సుజాతానగర్ శాసనసభ సభ్యునిగా ఎన్నికైనారు.[4] 2004 ఎన్నికలలో కూడా అదే నియోజకవర్గం నుండి మరల శాసనసభ్యునిగా ఎన్నికైనారు.[5] ఆ తర్వాత నియోజకవర్గాల పునర్వ్యవస్థీకరణలో భాగంగా పాలేరు నియోజకవర్గం నుంచి పోటీ చేసారు. వెంకట్ రెడ్డి 2009 [6], 2014లలో పాలేరు శాసనసభ నియోజకవర్గం నుంచి ఎమ్మెల్యేగా గెలిచారు. 2009 నుంచి 2014[7] వరకు మంత్రిగా పనిచేశారు.[8]

వ్యక్తిగత జీవితంసవరించు

రాంరెడ్డి వెంకటరెడ్డికి భార్య, ఇద్దరు కుమార్తెలున్నారు. కాంగ్రెస్ సీనియర్ నాయకుడు దామోదర్ రెడ్డి స్వయాన ఆయనకు సోదరుడు.

మరణంసవరించు

ఊపిరితిత్తుల వ్యాధికి వైద్యం చేయించుకున్న రాంరె్డి వెంకటరెడ్డి సికింద్రాబాద్ కిమ్స్‌లో ఆస్పత్రిలోని ఐసీయూలో చికిత్స పొందుతూ 2016, మార్చి 4 ఉదయం ఆరోగ్యం క్షీణించడంతో గుండెపోటుతో మృతి చెందారు.[9]

మూలాలుసవరించు

  1. "ఎమ్మెల్యే రాంరెడ్డి వెంకటరెడ్డి ఇకలేరు". Archived from the original on 2016-03-07. Retrieved 2016-03-04.
  2. 2.0 2.1 "Ramreddy Venkat Reddy no more". Adepu Mahender​. thehansindia. 4 March 2016. Retrieved 4 March 2016. {{cite news}}: zero width space character in |publisher= at position 15 (help)
  3. Election Commission of India BYE - ELECTION, 1996
  4. Andhra Pradesh Assembly Election Results in 1999
  5. Andhra Pradesh Assembly Election Results in 2004
  6. Andhra Pradesh Assembly Election Results in 2009
  7. List of candidates for Palair Constituency 2014
  8. కాంగ్రెస్ ఎమ్మెల్యే రాంరెడ్డి వెంకట్ రెడ్డి కన్నుమూత
  9. రాంరెడ్డి వెంకటరెడ్డి కన్నుమూత

ఇతర లింకులుసవరించు