లేఖా వాషింగ్టన్

ఫ్ఫ్ఫ్లేఖా వాషింగ్టన్, భారతీయ సినీ నటి, ప్రొడక్ట్ డిజైనర్. ఆమె ఎక్కువగా తమిళ, హిందీ, కన్నడ, తెలుగు సినిమాల్లో నటించింది. 2002లో శిల్పిగా మొదట ప్రసిద్ధి చెందిన లేఖ, ఆ తరువాత చెన్నైలో నాటక కళాకారిణిగా ప్రఖ్యాతి పొందింది. ఎస్.ఎస్.మ్యూజిక్ ఛానల్ లో వ్యాఖ్యాతగా కూడా పని చేసింది ఆమె. 2008లో జయమకొండాన్ అనే తమిళ సినిమాలో సహాయనటిగా కెరీర్ ప్రారంభించింది లేఖా. ఆ తరువాత ఆమె మల్టీస్టారర్ సినిమాలైన వేదం, వా ల్లో నటించింది.

తొలినాళ్ళ జీవితం

చెన్నైలో జన్మించింది లేఖ. ఆమె తండ్రి కెన్నెత్ పూర్వీకులు బర్మీస్, ఇటాలియన్, పంజాబీ కుటుంబానికి చెందిన వారు కాగా, తల్లి గీతా మహారాష్ట్రకు చెందినది. ఆమె తల్లిదండ్రుల కుటుంబాలు వివిధ ప్రాంతాలకు చెందినవారైనా, వారింట్లో ఇంగ్లీషు, మరాఠీ భాషల్లో మాట్లాడుకుంటూ ఉన్నా, చెన్నైలో పుట్టి పెరగడం వల్ల తాను దక్షిణ భారతానికి చెందిన అమ్మాయిగా చెప్పుకుంటుంది లేఖ.

చెన్నైలోని స్టెల్లా మారిస్ కళాశాలలో ఫైన్ ఆర్ట్స్ లో డిగ్రీ చదివింది ఆమె. ఆ తరువాత జాతీయ ఇన్స్టిట్యూట్ ఆఫ్ డిజైన్ లో కొన్ని కోర్సులు చేసింది. మొదట లైఫ్ స్టైల్ ప్రొడక్ట్ డిజైన్ లో కోర్సు చేసిన ఆమె, ఫిలిం అండ్ వీడియో కమ్యూనికేషన్ కోర్సు చేసింది. ఫిలిం మేకింగ్ చదువుకునే సమయంలో కెమెరా వెనకాల పనిచేయడం కన్నా, కెమెరా ముందు పనిచేయడమే మంచిది అని నిర్ణయించుకుంది లేఖ. ఆమె కోర్సు చేసే సమయంలో స్పూనెరిసం, క్యాచ్ 22, సన్ అనే షార్ట్ ఫిలింలు తీసింది. ఈ సినిమాలను మయన్మార్, మారిషస్ లలో నిర్మించింది ఆమె.

నటించిన చిత్రాలు

సంవత్సరం	చలన చిత్రం	పాత్ర	భష	ఇతర వివరాలు
1999	కదలర్ దినమ్	కంప్యూటర్ వద్ద అమ్మాయి	తమిళం	ఓ మరియా" పాటలో ప్రత్యేక ప్రదర్శన
2004	యువ	రాయబార కార్యాలయం వద్ద అమ్మాయి	హిందీ	అతిథి పాత్ర
2007	ఫ్రేమ్డ్	విని	ఆంగ్లం
	ఉన్నాలే ఉన్నాలే	పెళ్ళీలో పెళ్ళీకూతురు	తమిళం	ఇల్లామై ఉల్లాసం" పాటలో ప్రత్యేక ప్రదర్శన
2008	జయమ్‌కొండాన్	బ్రిందా శేఖర్	తమిళం
2010	వేదం	లాస్యా	తెలుగు
	వా	సరస్వతి	తమిళం
	హుడుగా హుడిగి	సొనియా	కన్నడ
2013	మత్రు కి బిజిలి కి మండొలా	కామిని	హిందీ	అతిథి పాత్ర
	కమినా	వాసుకి	తెలుగు
	కళ్యాణ సమయల్ సాదమ్	మీరా చంద్రశేకరన్	తమిళం
2014	అరిమ నమ్‌బి	మెఘా శర్మా	తమిళం	అతిథి పాత్ర
	పీటర్ గయా కాం సే	మిరా	హిందీ
2015	డైనమైట్	నేహా శర్మా	తెలుగు	అతిథి పాత్ర