లేడీ హైద్రీ క్లబ్, హైదరాబాదు
లేడీ హైద్రీ క్లబ్ (హైదరాబాద్ లేడీస్ క్లబ్) తెలంగాణ రాష్ట్ర రాజధాని హైదరాబాదులోని బషీర్‌బాగ్ లో ఉన్న క్లబ్.[1] మహిళలకోసం ప్రత్యేకంగా ఏర్పాటుచేసిన ఈ క్లబ్ ను 1929లో అమీనా హైదరీ ప్రారంభించారు.[2] హైదరాబాదు పట్టణ అభివృద్ధి సంస్థ (హుడా)చే వారసత్వ కట్టడంగా గుర్తించబడింది.
చరిత్ర మార్చు
బ్రిటీషు అధికారుల కుటుంబాలకు చెందిన మహిళలు ఒకచోట సమావేశం కావడంకోసం, తీరిక సమయాల్ని గడపడంకోసం 1901లో బషీర్‌బాగ్ ప్రాంతంలో ఒక క్లబ్ ను ఏర్పాటు చేసుకున్నారు.[3] ఆ తరువాత అనువైన స్థలాన్ని తీసుకోని 1929, నవంబరు 29న లేడి బర్టన్ తో క్లబు నిర్మాణానికి శంకుస్థాపన చేయబడింది. 1929, డిసెంబరు 17న లేడి ఇర్విన్ చే ప్రారంభించబడింది. ఇక్కడ టెన్నిసు ఆట అడేవారు.[4] ఈ క్లబులో 1952లో సామాజిక కార్యకర్తల సమావేశం జరిగింది. ఆ సమావేశంలో ప్రధాన వక్తగా ఎలియనార్ రూజ్వెల్ట్ ప్రసంగించారు.
ఈ భవనాన్ని జైన్ యార్ జంగ్ రూపొందించాడు.
కార్యక్రమాలు మార్చు
మహిళలు తంబోలా, కార్డులు లేదా బ్యాడ్మింటన్ వంటి ఆటలు ఆడవచ్చు,వంట, కుట్టు పనికి సంబంధించిన పాఠాలు నేర్చుకోవచ్చు. ప్రతి సంవత్సరం ఇక్కడ మహిళలకు వార్షిక టెన్నిస్ టోర్నమెంట్ నిర్వహించబడుతుంది. ఒకప్పుడు ఈ క్లబులో పేదవారి కోసం పాఠశాలను కూడా నడిపింది. అంతేకాకుండా ఇందులో , తెలుగు, ఉర్దూ, ఆంగ్ల పుస్తకాలతో కూడిన గ్రంథాలయం కూడా ఉంది.
ప్రముఖ సభ్యులు మార్చు
- సరోజినీ నాయుడు
- లేడి టాస్కర్
- ప్రిన్సెస్ దారు షెరియాన్
- అమీనా హైదరీ
- ప్రిన్సెస్ నీలోఫర్
ప్రస్తుతం మార్చు
1986లో మహాత్మా గాంధీ వైద్య కళాశాల కోసం ఈ భవనం ఉపయోగించబడింది.[3] 2011 నాటికి ఈ క్లబులో 120 మంది సభ్యులు ఉన్నారు.[1]
మూలాలు మార్చు
- ↑ 1.0 1.1 Rangan, Pavithra S. "Lady Hydari Club yearns for past glory". The Hindu (in ఇంగ్లీష్). Retrieved 4 April 2019.
- ↑ లేడీ హైద్రీ క్లబ్,ఆదాబ్ హైదరాబాదు, మల్లాది కృష్ణానంద్, 2014, హైదరాబాదు, పుట. 94
- ↑ 3.0 3.1 Kumar, Sanjeeva. "Lady Hydari Club". Retrieved 4 April 2019.
- ↑ "I've always struggled with my relationship with my father: Aditi - Times of India". The Times of India. Retrieved 4 April 2019.