వంజంగి మేఘాల కొండ

వంజంగి మేఘాల కొండ (ఆంగ్లం: Vanjangi Hills) అనేది విశాఖ మన్యంలో పాడేరు మండలం వంజంగి వద్ద మేఘాల కొండ. ఈ కొండ పైన కనిపించే మేఘాలను చూసి సందర్శకులు మధురానుభూతికి లోనవుతారు. పాడేరు ప్రాంతం కాఫీ తోటలకు ప్రసిద్ధి చెందింది. ఇది సుందరమైన ప్రకృతి దృశ్యాలతో ఆహ్లాదకరమైన ప్రదేశం.

వంజంగి గ్రామం
వంజంగి గ్రామం ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు:
రాష్ట్రం	ఆంధ్రప్రదేశ్
జిల్లా	అల్లూరి సీతారామరాజు
మండలం	పాడేరు

ఆంధ్రప్రదేశ్‌లోని తూర్పు కనుమలలో పాడేరు సమీపంలోని వంజంగి కొండలపై దట్టమైన మేఘాల మధ్య నుండి ఉదయిస్తున్నట్లు అనిపించే సూర్యుడుని చూడడానికి వచ్చే ప్రకృతి ప్రేమికులతో ఇది ప్రసిద్ధి చెందింది. కొత్తగా కనుగొనబడిన హిల్ స్టేషన్లలో ఇది ఒకటి. సముద్ర మట్టానికి 3,400 అడుగుల ఎత్తులో ఉన్న వంజంగి హిల్స్ పర్యాటకులను అమితంగా ఆకర్షిస్తోంది. దీంతో వంజంగి మేఘాల కొండ అభివృద్ధికి ఆంధ్రప్రదేశ్ రాష్ట్ర ప్రభుత్వం చర్యలు చేపట్టింది.

కొత్త పర్యాటక కేంద్రంగా వేగంగా అభివృద్ధి చెందుతున్న వంజంగి విశాఖపట్నం నుండి 100 కి.మీ, పాడేరు గ్రామం నుండి 6 కి.మీ దూరంలో ఉంది. ఇక కొండపైకి చేరుకోవాలంటే ఐదు కిలోమీటర్లు నడవాలి.

చిత్రమాలిక

• వంజంగి మేఘాల కొండ ప్రాంతంలో ప్రకృతి దృశ్యాలు
• 
• 
• 
• 
• 
• 

ఇవీ చూడండి

• అరకులోయ
• బొర్రా గుహలు