వర్ణాంధత్వం
వర్ణాంధత్వం అంటే రంగు లేదా రంగులో తేడాలు చూడగల సామర్థ్యం తగ్గడం లేదా పూర్తిగా కోల్పోవడం. దీనిని రంగు అంధత్వం, రంగు దృష్టి లోపం అని కూడా పిలుస్తారు[1]. ఆంగ్లంలో కలర్ బ్లైండ్ నెస్ అంటారు.
| వర్ణాంధత్వం | |
|---|---|
| ఇతర పేర్లు | రంగు అంధత్వం, రంగు దృష్టి లోపం, కలర్ బ్లైండ్ నెస్ |
 | |
| ఇషిహారా కలర్ టెస్ట్ ప్లేట్ కి ఉదాహరణ. సాధారణ దృష్టి ఉన్న వ్యక్తులు "74" సంఖ్యను చూడాలి. వర్ణాంధత్వం ఉన్న చాలా మంది వ్యక్తులు దీనిని "21"గా చూస్తారు. అక్రోమాటోప్సియా|మొత్తం వర్ణాంధత్వం ఉన్న వారికి సంఖ్యలు కనిపించకపోవచ్చు. | |
| ప్రత్యేకత | నేత్ర వైద్యం |
| లక్షణాలు | రంగు లేదా రంగులో తేడాలు చూడగల సామర్థ్యం తగ్గుతుంది లేదా పూర్తిగా ఉండదు |
| సంక్లిష్టతలు | పైలట్, రైలు డ్రైవర్, క్రేన్ ఆపరేటర్, సాయుధ దళాలలో పనిచేయడం వంటి ఉద్యోగాలకు అనర్హులు |
| కాల వ్యవధి | దీర్ఘకాలం |
| రకాలు | ఎరుపు-ఆకుపచ్చ రంగు అంధత్వ రూపం; నీలం-పసుపు రంగు అంధత్వం; పూర్తి రంగు అంధత్వం |
| కారణాలు | వారసత్వంగా వచ్చిన జన్యు సమస్య |
| ప్రమాద కారకములు | పండిన పండ్లను ఎంచుకోవడం, దుస్తులు ఎంచుకోవడం, ట్రాఫిక్ లైట్లను అనుసరించడము, ఇంకా విద్యా కార్యకలాపాలను కష్టతరం అవుతాయి |
| రోగనిర్ధారణ పద్ధతి | ఇషిహారా రంగు పరీక్ష |
| చికిత్స | ఉపాధ్యాయుడు తమ బోధనా పద్ధతిని మార్చవలసి ఉంటుంది |
| తరుచుదనము | 8% మంది పురుషులు 0,5% మంది స్త్రీలను ఎరుపు-ఆకుపచ్చ రంగు అంధత్వం |
సమస్యలు
మార్చుపండిన పండ్లను ఎంచుకోవడం, దుస్తులు ఎంచుకోవడం, ట్రాఫిక్ లైట్లను అనుసరించడము వంటి సాధారణ పనులు కూడా సవాలుగా ఉంటాయి. వర్ణాంధత్వం కొన్ని విద్యా కార్యకలాపాలను మరింత కష్టతరం చేస్తుంది. అయితే, సమస్యలు సాధారణంగా చిన్నవి, చాలా మంది వారికి వారు అనుకూలంగా మలచుకుంటారని భావిస్తారు. పూర్తి వర్ణాంధత్వం ఉన్న వ్యక్తులకి (అక్రోమటోప్సియా) కూడా దృశ్య వీక్షణత లేదా దృష్టి తగ్గిపోయి, ప్రకాశవంతమైన వాతావరణంలో కూడా అసౌకర్యంగా ఉండవచ్చు[1].
జన్యు కారణము
మార్చుకంటిలో రంగు - చూడగల కోన్ లు (సెన్సింగ్ శంకువుల) మూడు సెట్లలో ఒకటి లేదా అంతకంటే ఎక్కువ వాటిలో వారసత్వంగా వచ్చిన సమస్య ఏర్పడడం అనేది ఈ రంగు అంధత్వానికి అత్యంత సాధారణ కారణం. స్త్రీల కంటే పురుషులు వర్ణాంధత్వానికి ఎక్కువగా ప్రభావితమవుతారు. ఎందుకంటే వర్ణాంధత్వానికి అత్యంత సాధారణ రూపాలు చూడగలగడానికి కారణమయ్యే జన్యువులు X క్రోమోజోమ్ లో ఉంటాయి. ఆడవారికి రెండు X క్రోమోజోములు ఉన్నందున, ఈ లోపం సాధారణంగా మరొక దానితో భర్తీ చేయబడుతుంది. అయితే ఆమె (క్యారియర్) వారసత్వంగా వచ్చిన ఈ లక్షణాలకు వాహకంగా ఉంటుంది. పురుషులకు ఒక X క్రోమోజోమ్ మాత్రమే ఉంటుంది, అందువల్ల జన్యువును కలిగి ఉన్నప్పుడు జన్యు రుగ్మత వ్యక్తం అవుతుంది. కంటి, ఆప్టిక్ నరాలు లేదా మెదడు కొన్ని భాగాలకు భౌతిక లేదా రసాయన హాని వల్ల కూడా వర్ణాంధత్వం ఏర్పడవచ్చు[1]. రోగనిర్ధారణ సాధారణంగా ఇషిహారా రంగు పరీక్ష (ఎరుపు-ఆకుపచ్చ రంగు లోపాలను గుర్తించే పరీక్ష) ద్వారా జరుగుతుంది, అయితే జన్యు పరీక్షతో సహా అనేక ఇతర పరీక్షా పద్ధతులు కూడా అమలులో ఉన్నాయి[1][2].
చికిత్స
మార్చువర్ణాంధత్వానికి చికిత్స లేదు[1]. రోగ నిర్ధారణ తరువాత రంగులను గుర్తించే సామర్థ్యం తగ్గినదానికి అనుగుణంగా ఆ వ్యక్తికి ఉపాధ్యాయుడు తమ బోధనా పద్ధతిని మార్చవలసి ఉంటుంది[3]. ప్రకాశవంతమైన పరిస్థితులలో ఎరుపు-ఆకుపచ్చ రంగు అంధత్వం ఉన్నవారికి ప్రత్యేకమైన కటకాలు సహాయపడవచ్చు. నేటికాలంలో రంగులను గుర్తించడంలో ప్రజలకు సహాయపడే మొబైల్ అనువర్తనాలు (అప్లికేషన్స్ ) కూడా ఉన్నాయి.
వర్ణాంధత్వం లో అత్యంత సాధారణమైనది - ఎరుపు-ఆకుపచ్చ రంగు అంధత్వ రూపం. తరువాత నీలం-పసుపు రంగు అంధత్వం. పూర్తి రంగు అంధత్వం [1]. ఉత్తర ఐరోపా సంతతికి చెందిన 8% మంది పురుషులు 0,5% మంది స్త్రీలను ఎరుపు - ఆకుపచ్చ రంగు అంధత్వం ప్రభావితం చేసింది[1][4]. వృద్ధాప్యంతో కూడా రంగును చూసే సామర్థ్యం తగ్గుతుంది[1]. వర్ణాంధత్వం వల్ల కొన్ని దేశాలలో కొన్నిరకాల ఉద్యోగాలకు ప్రజలు అనర్హులు అవుతున్నారు[3]. ఇందులో పైలట్, రైలు డ్రైవర్, క్రేన్ ఆపరేటర్, సాయుధ దళాలలో పనిచేయడం వంటివి ఉన్నాయి[3][5]. అయితే కళాత్మక సామర్థ్యంపై వర్ణాంధత్వం ప్రభావం వివాదాస్పదంగా ఉంది[3][6]. రేఖలు గీయగల సామర్థ్యం మారదు, ఇంకా చెప్పాలంటే అనేక మంది ప్రసిద్ధ కళాకారులు కూడా వర్ణాంధత్వాన్ని కలిగి ఉన్నారు[3][7].
మూలాలు
మార్చు- ↑ 1.0 1.1 1.2 1.3 1.4 1.5 1.6 1.7 "Facts About Color Blindness". NEI. February 2015. Archived from the original on 28 July 2016. Retrieved 29 July 2016.
- ↑ Reference, Genetics Home. "Color vision deficiency". Genetics Home Reference (in ఇంగ్లీష్). Archived from the original on 2020-01-10. Retrieved 2019-05-06.
- ↑ 3.0 3.1 3.2 3.3 3.4 (March 1998). "Colour blindness".
- ↑ (2011-06-01). "Points of view: Color blindness".
- ↑ "OSHA does not have requirements for normal color vision. | Occupational Safety and Health Administration". www.osha.gov. Archived from the original on 2019-05-06. Retrieved 2019-05-06.
- ↑ (March 2001). "The dilemma of color deficiency and art".
- ↑ (February 2016). "Vision, eye disease, and art: 2015 Keeler Lecture".