కె.వరలక్ష్మి

కె.వరలక్ష్మి ఆంధ్రప్రదేశ్కు చెందిన ప్రఖ్యాత రచయిత్రి. తూర్పు గోదావరి జిల్లా జగ్గంపేటలో పల్లా వెంకట రమణ, బంగారమ్మ దంపతులకు ప్రథమ కుమార్తెగా జన్మించారు. 1964లో శ్రీ కళా రామమోహనరావును వివాహమాడారు. వరలక్ష్మి గారి కథలు ప్రధానంగా తను నివసిస్తోన్న మెట్ట ప్రాంతానికి చెందిన స్త్రీల, బడుగు జీవులకు చెందిన కథలు. చదివే వారిని ఎంతగానో ప్రభావితం చేస్తాయి. అలాగని ఆమె రచనలు ప్రాంతాలతోనే ఆగిపోలేదు. తను సందర్శించిన ఎన్నో ప్రాంతాలకు చెందిన వారి జీవితాల్ని స్పృశిస్తూ కథలు, కవిత్వం వ్రాసారు. రేడియో నాటికలు, వ్యాసాలు, నవలికలు వ్రాసారు.

కె.వరలక్ష్మి
జననం	కె.వరలక్ష్మి (1948-10-24)1948 అక్టోబరు 24 జగ్గంపేట , తూర్పు గోదావరి జిల్లా, ఆంధ్రప్రదేశ్
నివాస ప్రాంతం	జగ్గంపేట ,ఆంధ్రప్రదేశ్ , ఇండియా
వృత్తి	రచయిత్రి
భార్య / భర్త	శ్రీ కళా రామమోహనరావు
పిల్లలు	రవీంద్రఫణిరాజ్, డా॥కె.గీత, శ్రీలలిత
తండ్రి	పల్లా వెంకట రమణ
తల్లి	పల్లా బంగారమ్మ

బాల్యం, విద్యాభ్యాసం

కె.వరలక్ష్మి బాల్యమంతా, స్కూల్ ఫైనల్ (11వతరగతి) వరకు చదువు జగ్గంపేట లోనే సాగింది. 10 వ తరగతిలో పెళ్ళి జరిగింది. ఆర్థిక స్వాతంత్ర్యం ఏర్పడ్డాక ఇంటర్మీడియేట్ తో మొదలుపెట్టి ఎమ్మే (తెలుగు) వరకు చదివారు. భర్త ఉద్యోగరీత్యా కోనసీమలోని కందికుప్ప, మెట్ట ప్రాంతంలోని కిర్లంపూడి లలో కొంతకాలం జీవించారు.

ఉద్యోగం

అబ్బాయికి అయిదేళ్ళొచ్చే వేళకి భర్తగారి ఉద్యోగరీత్యా జగ్గంపేటలో ఉండడం వల్ల ప్రాథమిక స్థాయి పాఠశాల "రవీంద్రా కాన్వెంట్"ను నెలకొల్పి విజయవంతంగా పాతికేళ్లు నడిపేరు. వీరి పిల్లలు ముగ్గురూ వీరి దగ్గరే అదే పాఠశాలలో చదివేరు.

కుటుంబం

వీరి అబ్బాయి రవీంద్ర ఫణిరాజ్  పలు అనువాద చిత్రాలు, తెలుగు చిత్రాల నిర్మాత. పెద్దమ్మాయి డా॥కె.గీత ప్రఖ్యాత కవయిత్రి, రచయిత్రి, తెలుగురచయిత.ఆర్గ్ స్థాపకురాలు. చిన్నమ్మాయి శ్రీలలిత కూడా కథా రచయిత్రి.

పురస్కారాలు

కవిత్వానికి: శ్రీ శ్రీ, దేవులపల్లి కృష్ణశాస్త్రి, కందుకూరి రాజ్యలక్ష్మి మొ.న పురస్కారాలు. కథలకు:

• సుశీలా నారాయణ రెడ్డి పురస్కారం
• చాసో స్ఫూర్తి పురస్కారం
• విమలాశాంతి పురస్కారం
• సహృదయ సాహితి పురస్కారం
• హసన్ ఫాతిమా పురస్కారం
• రంజని పురస్కారం
• అజో-విభో పురస్కారం
• ఆటా కథా పురస్కారం
• తానా కథా పురస్కారం
• రంగవల్లి పురస్కారం
• పులికంటి పురస్కారం
• ఆర్.ఎస్. కృష్ణ మూర్తి పురస్కారం
• తెలుగు విశ్వవిద్యాలయం ధర్మనిధి పురస్కారం
• శ్రీ పెద్దిభొట్ల సుబ్బరామయ్య పురస్కారం మొ॥నవి.

కె.వరలక్ష్మి పుస్తకాలు

కథల సంపుటులు

• జీవరాగం,1996
• మట్టి- బంగారం, 2001
• అతడు-నేను Archived 2016-06-10 at the Wayback Machine, 2007
• క్షతగాత్ర Archived 2016-08-06 at the Wayback Machine, 2014
• పిట్టగూళ్లు, 2016

కవితా సంపుటి

• ఆమె, 2002

ఇతర రచనల వివరాలు

అనేక కథలు, కవితలు, వ్యాసాలు, నవలలు.

• కథ లోంచి కథ (ధారా వాహిక) - కౌముది పత్రిక (2016 నించి)
• నా జీవన యానంలో (ధారావాహిక ఆత్మకథ) - విహంగ పత్రిక (2013- ఇప్పటి వరకు)

బయటి లింకులు

• తెలుగురచయిత.ఆర్గ్
• తెలుగురైటర్.ఆర్గ్