గొంగడి త్రిష
గొంగడి త్రిష తెలంగాణ రాష్ట్రానికి చెందిన క్రికెట్ క్రీడాకారిణి. 12 ఏళ్ల వయసులోనే హైదరాబాద్ మహిళల జట్టుకు ఎంపికైన త్రిష, చిన్న వయసులోనే బీసీసీఐ ‘ప్లేయర్ ఆఫ్ ద ఇయర్’ అవార్డును కూడా గెలుచుకుంది. లెగ్ స్పిన్నర్ అయిన త్రిష, బ్యాటింగ్ లోనూ తన పవర్ హిట్టింగ్ తో రాణిస్తూ ఆల్ రౌండర్ గా పేరు సంపాదించింది. బౌలింగ్ లో అత్యధిక డాట్ బాల్స్ రికార్డును కూడా నెలకొల్పింది.[1]
| వ్యక్తిగత సమాచారం | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | గొంగడి త్రిష | |||||||||||||||||||||||||||||||||||||||
| పుట్టిన తేదీ | 2005 డిసెంబరు 15 భద్రాచలం, తెలంగాణ | |||||||||||||||||||||||||||||||||||||||
| ఎత్తు | 5'6 | |||||||||||||||||||||||||||||||||||||||
| బ్యాటింగు | కుడిచేతి వాటం | |||||||||||||||||||||||||||||||||||||||
| బౌలింగు | కుడిచేతి వాటం లెగ్ బ్రేక్ | |||||||||||||||||||||||||||||||||||||||
| పాత్ర | All-rounder | |||||||||||||||||||||||||||||||||||||||
| దేశీయ జట్టు సమాచారం | ||||||||||||||||||||||||||||||||||||||||
| Years | Team | |||||||||||||||||||||||||||||||||||||||
| 2017/18–present | హైదరాబాదు | |||||||||||||||||||||||||||||||||||||||
| కెరీర్ గణాంకాలు | ||||||||||||||||||||||||||||||||||||||||
| ||||||||||||||||||||||||||||||||||||||||
మూలం: CricketArchive, 31 January 2023 | ||||||||||||||||||||||||||||||||||||||||
మెడల్ రికార్డు
| ||||||||||||||||||||||||||||||||||||||||
టీమిండియా అండర్-19 క్రికెట్ జట్టుకు ఎంపికై 2022 నవంబరు 27 నుండి డిసెంబరు 6 వరకు న్యూజిలాండ్ తో జరిగిన 5 మ్యాచ్ ల టీ20 సిరీస్ ఆడింది.[2] మహిళల టీమ్ మాజీ కెప్టెన్, హైదరాబాదీ మిథాలీ రాజ్‌ తర్వాత తెలంగాణ నుంచి భారత జట్టులో స్థానం దక్కించుకొన్న క్రీడాకారిణిగా త్రిష నిలిచింది.
2023లో తెలంగాణ ప్రభుత్వం నుండి తెలంగాణ రాష్ట్ర విశిష్ట మహిళా పురస్కారం అందుకుంది.[3]
జననం మార్చు
త్రిష 2005, డిసెంబరు 15న తెలంగాణ రాష్ట్రం, భద్రాద్రి కొత్తగూడెం జిల్లా, భద్రాచలంలో జన్మించింది. తండ్రి రాంరెడ్డి.
క్రికెట్ రంగం మార్చు
మూడో తరగతి చదువుతున్నప్పటి నుంచే క్రికెట్ పై ఆసక్తితో క్రికెట్ లో మెళకువలు నేర్చుకుంది. ఎనిమిదేళ్ళ వయసులోనే ప్రతిభ చూపి జిల్లాస్థాయి అండర్-16 జట్టుకు ఆడి ఉమెన్ ఆఫ్ ద సిరీస్గా ఎంపికైంది. ఆ తరువాత 12 ఏళ్ళ వయసులో అండర్-19 జట్టుకు ఆడింది.
జైపూర్ లో జరిగిన అండర్-19 మహిళల వన్డే ఛాలెంజర్ ట్రోఫీలో 2021 నవంబరు 2న ఇండియా-ఎతో జరిగిన మ్యాచ్లో ఓపెనర్గా 158 బంతుల్లో 112 పరుగులు (17 ఫోర్లు) చేసింది. ఇండియా-డితో జరిగిన మ్యాచ్లో 54 పరుగులు చేసింది. ఇండియా-డితో 2021 నవంబరు 7 జరిగిన ఫైనల్ మ్యాచ్లో 116 బంతుల్లో 78 పరుగులు (10 ఫోర్లు, 1సిక్సర్) చేసి నాటౌట్గా నిలిచింది. ఆ టోర్నీలో మొత్తంగా 260 పరుగులు (ఒక శతకం, రెండు అర్ధ శతకాలు) చేసి అత్యధిక పరుగులు చేసిన బ్యాటర్గా నిలిచింది. ఫైనల్ మ్యాచ్లో 10 ఓవర్లు బౌలింగ్ లో మూడు మెయిడిన్ ఓవర్లు వేసి కేవలం 21 పరుగులు మాత్రమే ఇచ్చి ఒక వికెట్ పడగొట్టింది.[4]
2021 మహిళల ప్రపంచ కప్ కోసం బీసీసీఐ అత్యుత్తమ ఆటగాళ్ళ ఎంపికకు నిర్వహించిన ప్రత్యేక టోర్నీలో ఇండియా-బి జట్టుకు ఆడి ప్రతి మ్యాచ్లోనూ బౌలింగ్, బ్యాటింగ్లో మంచి గణాంకాలతో అత్యుత్తమ ప్రదర్శన కనబరిచి అండర్-19 వరల్డ్ కప్ మహిళల జట్టుకి ఎంపికయింది.
2022 నవంబరు 29న ఐదు మ్యాచ్‌ల టీ20 సిరీస్‌లో భాగంగా న్యూజిలాండ్ అండర్-19 జట్టుపై భారత అండర్-19 జట్టు ఘన విజయం సాధించడంలో త్రిష (36; 4 ఫోర్లు, ఒక సిక్సర్... ఒక వికెట్) కీలకపాత్ర పోషించింది.[5]
2023, జనవరిలో ఐసీసీ తొలిసారి నిర్వహించిన అండర్19 విమెన్స్‌ టీ20 వరల్డ్ కప్‌‌‌‌లో 24 పరుగులు చేసి భారత జట్టు విజయంలో కీలక పాత్ర పోషించింది.[6][7]
పురస్కారాలు మార్చు
- తెలంగాణ రాష్ట్ర విశిష్ట మహిళా పురస్కారం - తెలంగాణ ప్రభుత్వం, 2023 మార్చి 8[8]
మూలాలు మార్చు
- ↑ "Gongadi Trisha: బంతితో, బ్యాట్‌తో రాణిస్తోన్న తెలంగాణ అమ్మాయి". ETV Bharat News. 2021-11-27. Archived from the original on 2022-12-01. Retrieved 2022-12-01.
- ↑ Today, Telangana (2022-11-22). "Gongadi Trisha and M Shabnam from Telugu States get selected for India U19 Women's squad". Telangana Today. Archived from the original on 2022-11-22. Retrieved 2022-11-30.
- ↑ telugu (7 March 2023). "27 మందికి మహిళా పురస్కారాలు.. రూ.లక్ష నగదు పారితోషికం." Archived from the original on 7 March 2023. Retrieved 7 March 2023.
- ↑ "గొంగడి త్రిష.. భారత జట్టు ఆశాకిరణంగా హైదరాబాదీ!". ETV Bharat News. 2021-11-08. Archived from the original on 2022-12-01. Retrieved 2022-12-01.
- ↑ telugu, NT News (2022-11-30). "త్రిష మెరుపులు". www.ntnews.com. Archived from the original on 2022-11-30. Retrieved 2022-11-30.
- ↑ https://www.v6velugu.com/world-winning-teenage-cricketers
- ↑ "Women U-19 T20 World Cup: అండర్ 19 మహిళల టీ20 ప్రపంచ కప్ విజేత భారత్, ఫైనల్లో సత్తా చాటిన తెలుగమ్మాయి గొంగడి త్రిష". BBC News తెలుగు. 2023-01-29. Retrieved 2023-01-30.
- ↑ telugu, NT News (2023-03-09). "Women awards 2023 | మహిళకు నమస్కారం.. ప్రతిభకు పురస్కారం". www.ntnews.com. Archived from the original on 2023-03-09. Retrieved 2023-03-13.