చిరాన్ ప్యాలెస్
చిరాన్ ప్యాలెస్ తెలంగాణ రాష్ట్ర రాజధాని హైదరాబాదులోని కాసు బ్రహ్మానంద రెడ్డి జాతీయ వనంలో ఉన్న ప్యాలెస్.[1] 1940లో నిర్మించబడిన చిరాన్ ప్యాలెస్, 400 ఎకరాల్లో విస్తరించి ఉంది.
| చిరాన్ ప్యాలెస్ | |
|---|---|
 చిరాన్ ప్యాలెస్ | |
| సాధారణ సమాచారం | |
| రకం | రాజభవనం |
| ప్రదేశం | హైదరాబాదు, తెలంగాణ, భారతదేశం |
| పూర్తి చేయబడినది | 1940 |
| యజమాని | నిజాం వారసుడు ముక్రంజా |
చరిత్ర మార్చు
ఏడవ నిజాం మీర్ ఉస్మాన్ అలీ ఖాన్ పదవిలోకి వచ్చాక, తాను ఉంటున్న కింగ్ కోఠి ప్రాంతంలో రద్ది పెరగడంతో నగర శివారల్లో ఉన్న జూబ్లీ హిల్స్ లోని అటవీ ప్రాంతంలో 1940లో 6,000 చదరపు మీటర్లలో ఈ చిరాన్ ప్యాలెస్ నిర్మించుకున్నాడు.[2] 1967లో ఉస్మాన్ అలీ ఖాన్ పెద్ద కొడుకు ఆజంజాను కాదని, అతని కొడుకైన తన మనమడు ముక్రంజాను వారసుడిగా ప్రకటించి, అతని పట్టాభిషేకంలో ఈ ప్యాలెస్ ను వారసత్వ సంపదగా ఇచ్చాడు.[3] ముక్రంజా ప్రస్తుతం ఆస్ట్రేలియాలో నివసిస్తున్నాడు. ప్రతి ఏటా రెండుసార్లు హైదరాబాదుకి వచ్చి, ఈ ప్యాలెస్ లో గడుపుతాడు.[4]
నిర్మాణం మార్చు
నిజాం నవాబులకు చెందిన మిగిలిన రాజభవనాలకు భిన్నంగా ఉండి ఉన్న ఈ భవనం అనేక ఆధునిక సౌకర్యాలను కలిగి ఉంది. డూప్లెక్స్‌తో కూడి రెండు సెల్లార్‌లుగా ఉన్న ఈ ప్యాలస్‌లో సుమారు 30కి పైగా గదులు ఉన్నాయి. విశాలమైన కాన్ఫన్స్ హాల్, ఆయుధశాల, రెండు గెస్ట్‌రూంలతో పాటు మొదటి అంతస్థులో ఏడు బెడ్ రూంలు ఉన్నాయి. అక్కడ నిజాం తన భార్య, పిల్లలతో నివసించాడు.[2]
ఇతర వివరాలు మార్చు
- పీవీ నరసింహారావు ముఖ్యమంత్రి భూ పరిమితి చట్టం రావడంతో అనేక వాదోపవాదాలు, సుదీర్ఘ కోర్టు కేసుల తరువాత నిజాం వారసులకు కేవలం ఆరు ఎకరాల భూమి మాత్రమే ఇవ్వబడింది.
- 1998లో కేంద్ర ప్రభుత్వం ఆమోదంతో జాతీయ పార్కుగా ప్రకటించబడింది.
- ఈ ప్యాలెస్ లో సినిమా షూటింగ్స్ కూడా జరుగుతాయి.[5]
మూలాలు మార్చు
- ↑ చిరాన్ ప్యాలెస్, ఆదాబ్ హైదరాబాదు, మల్లాది కృష్ణానంద్, 2014, హైదరాబాదు, పుట. 87
- ↑ 2.0 2.1 Prince Mukarram to give up Chiran Palace Archived 2012-04-05 at the Wayback Machine. The Times Of India, 9 July 2010. ఉల్లేఖన లోపం: చెల్లని
<ref>ట్యాగు; "toi_mukarram" అనే పేరును విభిన్న కంటెంటుతో అనేక సార్లు నిర్వచించారు - ↑ ఆంధ్రజ్యోతి, తెలంగాణ కథనాలు (16 September 2017). "నాడు రాజ ప్రాసాదంలో నేడు 2 గదుల్లో." Archived from the original on 25 April 2019. Retrieved 25 April 2019.
- ↑ చిరాన్ ప్యాలెస్, ఆదాబ్ హైదరాబాదు, మల్లాది కృష్ణానంద్, 2014, హైదరాబాదు, పుట. 87
- ↑ ఆంధ్రప్రభ, సినిమా (30 October 2017). "చిరాన్ ప్యాలెస్ లో మ‌హేష్ మూవీ షూటింగ్." Archived from the original on 25 April 2019. Retrieved 25 April 2019.