భారతీయ త్రాచుపాము లేదా కళ్ళజోడువంటి గుర్తులున్న త్రాచుపాము (నజా నజా), లేదా ఆసియా త్రాచు భారతదేశానికి చెందిన విషము కలిగిన పాము. మిగతా త్రాచు పాములవలే నాగు పాము కూడా తన పడగ విప్పి భయపెట్టటంలో ప్రసిద్ధి చెందింది. పడగ వెనక వైపు రెండు అండాకార గుర్తులు ఒక వంపు గీతతో కలుపబడి ఉంటాయి. అవే మనకు కళ్ళజోడును గుర్తుకుతెస్తాయి. నాగుపాము సరాసరి ఒక మీటరు దాకా పొడవు ఉంటుంది. అరుదుగా రెండు మీటర్ల (ఆరు అడుగులు) పాము కూడా కనిపిస్తుంది. పడగ వెనకాల ఉండే కళ్ళజోడు గుర్తూ, పాము రంగు కూడా వివిధ రకాలుగా ఉంటాయి.

నాగు పాము
పడగ విప్పిన నాగుపాము.
శాస్త్రీయ వర్గీకరణ
Kingdom:
Phylum:
Class:
Order:
Suborder:
Family:
Genus:
Species:
N. naja
Binomial name
Naja naja
నాగుపాముల విస్తిర్ణము గల ప్రదేశాలు ప్రధానంగా భారతదేశం

భారత దేశపు నాగుపాములు ఏప్రిల్, జూలై నెలల మధ్య గుడ్లు పెడతాయి. ఆడ పాములు 12 నుండి 30 వరకు గుడ్లను బొరియలలో పెడతాయి. అవి 48 నుండి 69 రోజులలో పొదగబడతాయి. అప్పుడే పుట్టిన పిల్ల పాములు 8 నుంచి 12 అంగుళాల వరకు ఉంటాయి. అప్పుడే పుట్టిన పిల్ల పాములకు కూడా పూర్తిగా పనిచేసే విషపు గ్రంథులు ఉంటాయి. భారత దేశపు నాగు పాములకు అంత పేరు రావటానికి కారణం అవి పాములు ఆడించే వారికి బాగా ఇష్టమైనవి కావటం. నాగుపాము పడగ విప్పి పాములవాడి నాదస్వరానికి అనుగుణంగా ఆడటం చూడటానికి ఎంతో హృద్యంగా ఉంటుంది. వెదురు బుట్టలో పాములతో తిరిగే పాముల వాళ్ళు భారతదేశంలో సర్వసాధారణంగా కనిపిస్తుంటారు. కానీ నాగుపాము చెవిటిది. అది పాములవాడి నాదస్వరం కదలికలకు, అతను కాళ్ళతో భూమిని తడుతుంటే వచ్చే ప్రకంపనలను గ్రహించి ఆడినట్లు కదులుతూ ఉంటుంది.

రేమండ్ ఎల్. డిట్‌మార్స్ (?) కలెక్షన్ ఐ ఫిల్మ్ ఇన్‌స్టిట్యూట్ నెదర్లాండ్స్ ద్వారా ఆఫ్రికన్ ఊసరవెల్లి, భారతీయ నాగుపాము చూపుతున్న నిశ్శబ్ద చిత్రం.

ఒకప్పుడు పాములవాళ్ళు నాగుపాము, ముంగిసల మధ్య పోట్లాట పెట్టి ప్రదర్శించేవాళ్ళు. ఆ అద్భుత ప్రదర్శనలో సాధారణంగా నాగుపామే మరణిస్తూ ఉంటుంది. కానీ ఇప్పుడు ఆ ప్రదర్శనలు చట్టవిరుద్ధం. నాగు పాములు ఎలుకలను తింటాయి. వాటి నివాస ప్రాంతములు అడవులు, పొలాలు. కాని మురుగుకాల్వలలో, బొరియలలో ఉండే ఎలుకలను తింటూ అవి పట్టణాలలో కూడా ఉండగలవు. జెర్రిపోతు పాములను నాగు పాములుగా పొరపాటుపడడం సాధారణం. కానీ జెర్రిపోతు పాములను వాటి పొడవాటి, బలమైన, పలకలు కలిగిన శరీరం ద్వారా పోల్చుకోవచ్చు.

నాగుపాము గురించి ఎన్నో పుకారులు ప్రచారంలో ఉన్నాయి. ఉదా:నాగుపాము జెర్రిపోతుతో శృంగారంలో పాల్గొంటుంది అనేది అందులో ఒకటి.

నామ ఆవిర్భావం మార్చు

1758 వ సంవత్సరంలో కార్ల్ లినియస్ అనే శాస్త్రవేత్త మెుదటసారిగా Naja naja (నాజ నాజ) అనే నామాన్ని సంస్క్రత పదమైన नाग (నాగు) అనే పదాన్ని లాటిన్ లో నాజ నాజగా ప్రవేశ పెట్టాడు. ప్రధానంగా నాగుపాములు భారతదేశంలోనే పుట్టాయి.[1] Nag (नाग) (Hindi, Oriya, Marathi), Moorkhan, മൂര്‍ഖന്‍ (Malayalam), Naya-නයා (Sinhalese), Naga Paamu (Telugu), Nagara Havu (Kannada), Naga Pambu or Nalla pambu (நாகப் பாம்பு/நல்ல பாம்பு) (Tamil) "Phetigom" (Assamese) and Gokhra (গোখরো) (Bengali).

పురాణాలలో మార్చు

  • భారతదేశంలో నాగుపాము అంటే ఎంతో భక్తి, భయము. హిందూ పురాణాలలో కూడా వాటికి ప్రత్యేక స్థానం ఉంది. పరమశివుడు నాగుపామును మెడలో ధరిస్తాడు. నాగులచవితి నాడు హిందువులు నాగుపామును పూజిస్తారు.
  • విష్ణుమూర్తి విశ్వాన్ని కాపాడే వాడు, ఐదు తలలు కలిగిన, సర్ప రాజైన ఆదిశేషువుపై పవళిస్తాడు.

నగరజు ఒకసరి

చిత్రమాలిక మార్చు

ఇవి కూడా చూడండి మార్చు

మూలాలు మార్చు

  1. Linnaeus, Carl (1758). Systema naturae per regna tria naturae :secundum classes, ordines, genera, species, cum characteribus, differentiis, synonymis, locis (in Latin) (10th ed.). Stockholm: Laurentius Salvius.{{cite book}}: CS1 maint: unrecognized language (link)
"https://te.wikipedia.org/w/index.php?title=నాగుపాము&oldid=3850892" నుండి వెలికితీశారు