అంతర తామర
అంతర తామర చెరువులలో, నీటి గుంటలలో పెరిగే నీటి మొక్క. ఇది నాచు జాతికి సంబంధించినది. నీళ్లలో తేలుతుంది. దీని వేళ్లు సన్నగా, దారాల మాదిరిగా కుంచెలాగా ఉంటాయి. ఇది ఎత్తు పెరగదు. దీనికి పూలు. పళ్లు ఉండవు.[1] ఆకు యొక్క భేదము వలన ఇది రెండు రకాలుగా ఉంటుంది.
- చిన్న ఆకు కలిగినది పద్మాకారంలో ఉంటుంది. పసుపు పచ్చ రంగు కలిసిన ఆకుపచ్చరంగును కలిగి ఉంటుంది. దీని రసము చిక్కగా ఎర్రని రంగులో ఉంటుంది.
- పెద్ద ఆకులు కలిగినది ఆకుపచ్చరంగు కలిగిఉంటుంది. దీని కాడ 3 అంగుళాల పొడవుతో, చివర ఆకులు కలిగి ఉంటుంది.
దీనిని తొక్కి, తీసిన రసము పలచగ పసుపు రంగు కలిగి చేదుగా ఉంటుంది. ఈ రెండు దినుసుల మొక్కయందు క్షారము ఉంటుంది. క్షారపాక విధానమును అనుసరించి తీయబడిన క్షారమును తాటిబెల్లములో కలిపి తింటే, శూల కడుపుబ్భరము హరిస్తుంది.
శుద్ధిచేసిన మైలతుర్థ మును చిన్నాకుల అంతర తామర ముద్దలోపెట్టి లఘుపుటము వేస్తే తెల్లగా భస్మమవుతుంది. ఈ జాతి మొక్కలను శరీరమునందువేసి, కట్టినచో శరీరంలోని మంట (దాహరోగము), తక్షణమే తగ్గుతుంది.
మూలములు
మార్చు- ↑ "సుందరయ్య విజ్ఞాన కేంద్రం జాలగూడువద్ద గల వస్తుగుణదీపము, సత్యనారాయణశాస్త్రి చివుకుల, 1925 ముద్రణ, పేజి నెం 2" (PDF). Archived from the original on 2016-03-10. Retrieved 2014-01-02.