అంధుడికి అద్దం చూపించినట్లు

"ఉట్టి" - అంటే త్రాళ్ళతో అల్లిన ఒక సాధనం. కప్పునుండి వ్రేలాడుతుంది. పల్లెలలో (ఇదివరకు) పాలు, పెరుగు వంటివాటిని పైకప్పునుండి ఉట్టిలో వ్రేలాడదీసే వారు, పిల్లులవంటివాటినుండి రక్షణగా. (ఇప్పుడు చిన్నికృష్ణుని కేలెండర్లలో ఎక్కువగా చూస్తుంటాము.)

ఏదైనా ఒక పని చెయ్యాలంటే ప్రతీ మనిషికి ఎంతో కొంత సామర్థ్యం వుండాలి. ప్రతిపనీ చేసేస్తానని గొప్పలు పోతే అందరిలోను నవ్వులపాలు కాక తప్పదు. అలాంటి సందర్భంలో వచ్చే సామెతే ఇది.ఇంట్లో చూరికి వున్న ఉట్టి ఎగిరి అందుకోలేని ఆవిడ ఆకాశం లోని స్వర్గాన్ని అందుకోలేదుకదా. అలాగే చిన్న పని చెయ్యలేని వారు వారి సామర్ధ్యానికి మించిన పని చేస్తానంటే వారిని వేళాకోళం చేస్తూ అనే మాట ఇది. ఏదైనా విషయాన్ని గూర్చి చెప్పాల్సినపుడు అసలు పొంతనలేకుండా అన్నీ తప్పులు చెప్పడాన్ని ఈ సామెతద్వారా అధిక్షేపించవచ్చును. అనే కాదు, జవాబు చెప్పేవాడికి అసలేమీ తెలియదని కూడా ఈ సామెత ద్వారా చురకంటించవచ్చును.

పంచపాండవులు "ఐదుగురు" (ప్రశ్నలోనే జవాబు ఉంది. పంచ = 5). మంచానికి "నాలుగు" కోళ్ళుంటాయి. మంచకోళ్ళలాగా నాలుగు అని చెపితే పోనీలే తెలియదని సరిపెట్టుకోవచ్చును - కానీ మంచంకోళ్ళలాగా "మూడు" అన్నాడు. అలాగని అన్నవాడు మూడువేళ్ళు చూపినా కొంతలో కొంత మెరుగు. కానీ "రెండు" వేళ్ళు చూపాడు. ("ఒకటి" అంకె వ్రాశాడని కొందరు ఈ సామెతను కాస్త సాగదీస్తారు కూడాను).

ఇక్కడ విశేషమేమంటే అతిసులభమైన ప్రశ్నకు ఒకే చిన్న వాక్యంలో మూడు తప్పు జవాబులను కూడగట్టడం. అలా చెప్పిన వాడు తెలివి తక్కువవాడు కాదు. అతితెలివిగలవాడయ్యుండాలి.

ఇదే అర్ధంలో చెప్పే మరొక సామెత: అల్లం అంటే నాకు తెలీదా బెల్లంలా పుల్లగా ఉంటదన్నాడట