ఎల్ఫ్

ఎల్ఫ్‌లు (ఆంగ్లం: elves) అంటే గెర్మనీయ పురాణాల్లో ఒక రకమైన అద్భుత జీవి.^{[ఆధారం చూపాలి]} సాధారణంగా ఎల్ఫ్‌లకి మంత్రజాలానికీ, ప్రకృతికీ సంబంధించిన శక్తులు ఉంటాయి. ఎల్ఫ్‌ల రూపం చాలామటుకు మనిషిలాంటిదే, కానీ తమకి మొనదేలిన చెవులు ఉంటాయి. కొన్ని కథల్లో పొడుగ్గా ఉంటే మరికొన్ని కథల్లో పొట్టిగా ఉంటారు.

వ్యుత్పత్తి

మూల-గెర్మనీయ భాషలో *albiz అనే పదం ఆంగ్లంలో "elf"లా, పూర్వ నోర్సు భాషలో "álfr"లా మారింది. ఈ *albiz పదానికి మూల-సింధ-ఐరోపా భాషలో *albʰós అనే పదంలో మూలాలు ఉన్నాయి. ఈ పదం సంస్కృతంలో "ఋభు"లా మారింది.^{[ఆధారం చూపాలి]} *albʰósకి "తెలుపు" అన్న అర్థం.

చరిత్ర

ఉత్తర ఐరోపా పురాణాల్లో ఎల్ఫ్‌లను తరుచుగా ప్రస్తావిస్తారు. స్నొర్రి స్టుర్లుసొన్ రాసిన "గద్యపు ఎడ్డ"లో, రెండు రకాల ఎల్ఫ్‌లు ఉంటారని రాసి ఉంది: స్వర్గంలో నివసించే తెల్ల ఎల్ఫ్‌లు, భూమి కింద నివసించే నల్ల ఎల్ఫ్‌లు.

ఆధునిక సాహిత్యం

జే. ఆర్. ఆర్. టోల్కీన్ రచనల్లో కొన్ని పాత్రలు ఎల్ఫ్‌లు. టోల్కీన్ కథల్లో ఎల్ఫ్‌లు చాలా ఎత్తుగా, అందంగా ఉంటారు. వాళ్లు విల్లు-బాణం వాడడంలో సామర్థ్యులు, వాళ్లకి మాంత్రిక శక్తులు కలిగి ఉంటాయి. వాళ్లు చిరంజీవులు. టొల్కీన్ కథలు జరిగే మధ్య-భూమి అనే లోకంలో, రెండు ఋభు భాషలు ఉంటాయి. వాటి పేర్లు సిండరిన్, క్వెన్య.