కట్ట మైసమ్మ దేవాలయం
కట్ట మైసమ్మ దేవాలయం తెలంగాణ రాష్ట్ర రాజధాని అయిన హైదరాబాదులో ఉన్న హిందూ దేవాలయం.[1] తెలంగాణ రాష్ట్రంలో ప్రసిద్ధి చెందిన బోనాలు ఉత్సవం సందర్భంగా ఈ దేవతను హిందువులు భక్తి శ్రద్ధలతో కొలుస్తారు.
| కట్ట మైసమ్మ దేవాలయం | |
|---|---|
 ఆలయ ప్రవేశ ద్వారం | |
  కట్ట మైసమ్మ దేవాలయం తెలంగాణ లో ఉనికి | |
| భౌగోళికాంశాలు: | 17°37′N 78°48′E / 17.617°N 78.800°E |
| పేరు | |
| స్థానిక పేరు: | కట్ట మైసమ్మ దేవాలయం |
| స్థానం | |
| దేశం: | భారతదేశము |
| రాష్ట్రం: | తెలంగాణ |
| ప్రదేశం: | ట్యాంక్ బండ్, హైదరాబాదు |
| నిర్మాణశైలి, సంస్కృతి | |
| ప్రధానదైవం: | మైసమ్మ |
| నిర్మాణ శైలి: | దక్షిణ భారతదేశం |
ప్రదేశం
మార్చుఈ దేవాలయం హైదరాబాదు నగరం లోని "ట్యాంక్ బండ్" వద్ద నెలకొని ఉంది. ఈ దేవాలయం హైదరాబాదు నగరంలో ప్రసిద్ధి చెందిన దేవాలయం. ఈ దేవాలయం హైదరాబాదు, సికింద్రాబాదు నగరాల మధ్య గల ఇందిరాపార్కు సమీపంలోని లోవర్ ట్యాంక్ బండ్ వద్ద ఉంది.
ఈ దేవాలయంలో ప్రధాన దైవం మైసమ్మ తల్లి. ఈ తల్లి శక్తి కి ప్రతిరూపం. "కట్ట" అనే పదం ఒక నదికి అడ్డంగా నిర్మించబడిన వంతెన. ఈ దేవాలయాన్ని గోల్కొండ పటేల్ కుటుంబం నిర్మించింది. పట్టణంలోని ప్రజలు ఈ వంతెనను దాటుతున్నప్పుడు వారిపై ఆ తల్లి ఆశీస్సులు అందించేందుకు ఈ దేవాలయాన్ని నిర్మించినట్లు కథనం.
ఆషాఢ మాసం (జూలై) లో హైదరాబాదు నగరంలో జరిగే బోనాలు ఉత్సవంలో అనేకమంది ప్రజలు ఈ దేవతను భక్తి శ్రద్ధలతో కొలుస్తారు. కార్తీక మాసంలో ఈ దేవాలయంలో పెద్ద ఎత్తున ఉత్సవాలను జరుపుతారు. నిజాం నవాబు కూడా హైదరాబాదు పట్టణాన్ని వరదల బారినుండి రక్షించుట కొరకు ఈ దేవతను ప్రార్థించారు.
తెలంగాణ రాష్ట్రం లోని హిందువులు అతి శక్తివంతమైన దేవతగా "కట్ట మైసమ్మ"ను ప్రార్థిస్తారు. ఈ దేవతను కొలిస్తే ఆరోగ్యం, శ్రేయస్సు, ఆనందం కలుగుతాయని భక్తుల ప్రగాఢ విశ్వాసం.