కళ్యాణి ఆనకట్ట

కళ్యాణి ఆనకట్ట,తిరుపతికి దగ్గరలో కళ్యాణి నదిపై కట్టిన ఆనకట్ట. కళ్యాణి, సువర్ణముఖి నదికి ఉపనది. తిరుపతిలో ప్రధానంగా నీటి సరఫరా కళ్యాణి జలాశయం నుంచే జరుగుతుంది. ప్రకృతి సుందరమైన ఈ అనకట్ట తిరుపతి- మదనపల్లె మార్గ మధ్యంలో రంగంపేట అడవుల్లో, తిరుపతి పట్టణానికి సుమారు 25 కిలోమీటర్ల దూరంలో నెలకొని ఉంది. చుట్టుపక్కల గ్రామస్థులను, పర్యాటకులను విశేషంగా ఆకర్షిస్తుంది. ఈ ఆనకట్టను 1977 లో నిర్మించారు.

కళ్యాణి ఆనకట్ట
Andhra Pradesh లో కళ్యాణి ఆనకట్ట స్థానం
అధికార నామం	కళ్యాణి ఆనకట్ట
దేశం	భారత దేశం
ప్రదేశం	తిరుపతి
అక్షాంశ,రేఖాంశాలు	13°39′27.5″N 79°16′9.4″E
ఆవశ్యకత	సాగునీరు, తాగునీరు
యజమాని	ఆంధ్రప్రదేశ్ ప్రభుత్వం
ఆనకట్ట - స్రావణ మార్గాలు
ఆనకట్ట రకం	గ్రావిటీ డ్యామ్
నిర్మించిన జలవనరు	కళ్యాణి నది
జలాశయం
పరీవాహక ప్రాంతం	48.56 km2 (18.75 sq mi)

కళ్యాణి నది పాలకొండ అడవుల్లో పుట్టింది. అనేక వాగులు వంకలూ అందులో కలుస్తాయి. వాటిలో ప్రధానమైనవి: మామిడ్లమానుకోన వంక, పగడగుండ్ల వంక, మొర్రావుకోన, తుంబకోన, రాగిమానుకోన, తేళ్ళబండకోన, అనుమకోన, చింతకుంటలకోన.