జై బోలో తెలంగాణ గళగర్జనల జడివాన (పాట)

జై బోలో తెలంగాణ గళగర్జనల జడివాన పాట 2011లో విడుదలైన జై బోలో తెలంగాణా చిత్రంలోని పాట. ఈ పాట రాసినందుకు అందెశ్రీ కి రాష్ట్రస్థాయిలో ఉత్తమ గీత రచయితగా నంది బహుమతి వచ్చింది. చక్రి సంగీతం అందించిన ఈ పాటను వందేమాతరం శ్రీనివాస్ పాడాడు.

"జై బోలో తెలంగాణ గళగర్జనల జడివాన"
జై బోలో తెలంగాణ గళగర్జనల జడివాన పాటలోని దృశ్యం
రచయిత	అందెశ్రీ
సంగీతం	చక్రి
సాహిత్యం	అందెశ్రీ
ప్రచురణ	జై బోలో తెలంగాణా (2011)
రచింపబడిన ప్రాంతం	ఆంధ్రప్రదేశ్
భాష	తెలుగు
గాయకుడు/గాయని	వందేమాతరం శ్రీనివాస్
చిత్రంలో ప్రదర్శించినవారు	జగపతిబాబు

పాటలోని సాహిత్యం

పల్లవి:
జన జాతరలో మన గీతం
జయకేతనమై ఎగరాలి
జంఝా మారుత జన నినాదమై
జే గంటలు మోగించాలి
ఒకటే జననం ఓహో…!
ఒకటే మరణం ఆహా…!
జీవితమంతా ఓహో…!
జనమే మననం ఆహా…!
కష్టాల్ నష్టాలెన్నెదురైనా
కార్యదీక్షలో తెలంగాణ
జై బోలో తెలంగాణ
గళగర్జనల జడివాన
జై బోలో తెలంగాణ
నిలువెల్ల గాయాల వీణా ||జనజాతరలో||

చరణం 1:
దేశముఖులను దొరభూస్వాముల
గడీల నుండి ఉరికించాం
రజాకారులను తరిమికొట్టి
నైజాముకే గోరి గట్టేశాం
రోషం గుండెల ఓహో…!
రోకలి బండలు ఆహా …!
బిగిసిన పిడికిళ్ళు ఓహో…!
వడిశెల రాళ్ళు ఆహా…!
వేలకువేలా బలిదానాల
వీరులు చేప్పిన దారుల్లో
జై బోలో తెలంగాణ
గళగర్జనల జడివాన
జై! బోలో తెలంగాణ
నిలువెల్ల గాయాల వీణా ||జనజాతరలో||

పురస్కారాలు

1. అందెశ్రీ- ఉత్తమ గీత రచయితగా నంది పురస్కారాలు -2011