డుర్రెస్

డుర్రెస్ అల్బేనియాలో రెండవ అతిపెద్ద నగరం. ఆ దేశంలో ప్రధాన వ్యాపార కేంద్రం. ఈ నగరం పశ్చిమ అల్బేనియాలో ఉంది. అడ్రియాటిక్ సముద్రానికి ఆగ్నేయ మూలలో ఎర్జెన్, ఇషెమ్ నదుల ముఖద్వారాల మధ్య అల్బేనియన్ అడ్రియాటిక్ సముద్ర తీరం వెంబడి చదునైన మైదాన ప్రాంతంలో నెలకొని ఉన్నది. ఈ నగరం అల్బేనియాలోకెల్లా పురాతన నగరం, ఇది క్రీస్తుపూర్వం 7వ శతాబ్దానికి చెందినది. ఈ నగరాన్ని కాలక్రమేణా ప్రాచీన గ్రీకులు, రోమన్లు, మధ్య యుగంలో బైజాంటైన్‌లు, తరువాతి ఒట్టోమన్‌లు పరిపాలించారు.

డుర్రెస్ [Durrës]
Flag
Population	1,75,110
Website	durres.gov.al

బీచ్ రిసార్ట్‌లు, వ్యాపార కేంద్రాలు, పాత చారిత్రక ప్రదేశాలు కలిగిన డుర్రెస్ నేడు అల్బేనియాలో ఒక ముఖ్యమైన పర్యాటక ఆకర్షణగా నిలుస్తోంది. ఆర్థిక రంగంలో డుర్రెస్ పోర్ట్, బీచ్ రిసార్ట్‌లు, హోటళ్లు, అనేక ఇతర పారిశ్రమలు ఈ నగరానికి ఆర్థిక ప్రాధాన్యతను కల్పిస్తున్నాయి.