తలుపులమ్మ లోవ

తలుపులమ్మ లోవ కాకినాడ జిల్లా, తుని మండలానికి చెందిన పుణ్యక్షేత్రం. తునికి 5 కి.మీ దూరంలో పశ్చిమ దిశలో లోవకొత్తూరు దగ్గర ఉంది. ఇక్కడగల తలుపులమ్మ దేవాలయం, వృక్షసంపద కారణంగా ప్రముఖ పర్యాటక ఆకర్షణ.

తలుపలమ్మ లోవ ఆలయం
తలుపులమ్మ ఆలయం
ఆంధ్రప్రదేశ్ లో స్థానం
భౌగోళికం
భౌగోళికాంశాలు	17.3739°N 82.4955°E / 17.3739; 82.4955
దేశం	భారత దేశం
రాష్ట్రం	ఆంధ్రప్రదేశ్
జిల్లా	కాకినాడ జిల్లా
స్థలం	లోవ,
సంస్కృతి
దైవం	తలుపలమ్మ తల్లి
ముఖ్యమైన పర్వాలు	వార్షిక జాతర ఆషాడ మాస ఉత్సవాలు
వాస్తుశైలి
నిర్మాణ శైలులు	ద్రావిడ శిల్పశైలి

రవాణా సౌకర్యాలు

తుని నుండి సమీప గ్రామం లోవకొత్తూరు వరకూ బస్సు సౌకర్యం ఉంది. అక్కడి నుండి దేవాలయం వరకూ ఆటోలు, జీపులు, టాక్సీల సౌకర్యం కలదు.

తలుపులమ్మ దేవాలయం

తలుపులమ్మ లోవ ఆలయం వద్ద శివుని విగ్రహం

అమ్మవారు 'తలుపులమ్మ' గా ఆవిర్భవించిన క్షేత్రమే 'లోవ'. ఈ ప్రదేశం తలుపులమ్మ లోవగా ప్రసిద్ధి చెందింది. ఒకప్పుడు దట్టమైన అరణ్యంగా చెప్పబడుతోన్న ఈ ప్రాంతంలో ఎటుచూసినా కొండలు దర్శనమిస్తుంటాయి. ఈ కొండలలో ఒకదానిని 'ధారకొండ' గానూ మరొక దానిని 'తీగకొండ' గా స్థానికులు పిలుస్తుంటారు. ఈ రెండు కొండల మధ్య 'తలుపులమ్మ' అమ్మవారు దర్శనమిస్తూ వుంటుంది. తలపులను నెరవేర్చు అమ్మవారు కనుక తలుపులమ్మగా ప్రసిద్ధి చెందినట్టు స్థల పురాణం చెబుతోంది.

పురాణ గాథ

కృతయుగంలో ఈ ప్రాంతానికి చేరుకున్న అగస్త్య మహర్షి, సంధ్యావందనం చేసుకోవాలనుకోగా ఎక్కడా నీటిజాడ కనిపించలేదు. దాంతో ఆయన జగన్మాతను ప్రార్థించగా, కొండపైన పాతాళగంగ పొంగింది. సంధ్యా వందనం పూర్తి చేసుకున్న అగస్త్యుడు, ఈ ప్రాంతంలోనే కొలువై ఉండమని అమ్మవారిని కోరడంతో, ఆయన అభ్యర్ధనమేరకు అమ్మవారు ఇక్కడి కొండగుహలో కొలువుదీరింది. కాలక్రమంలో అమ్మవారు భక్తుల కోరికలను నెరవేరుస్తూ తలుపులమ్మగా పూజాభిషేకాలు అందుకుంటోంది. ఇక్కడి అమ్మవారు సకల శుభాలను ప్రసాదిస్తుందని భక్తులు విశ్వసిస్తుంటారు.

చిత్రమాలిక

• 

  తలుపులమ్మ లోవ ఆలయం ప్రవేశ ద్వారం

• 

  తలుపలమ్మ లోవ కొండ రహదారి

వెలుపలి లంకెలు

• జాతీయ సూచన విజ్ఞాన కేంద్రం వారి తూర్పు గోదావరి వెబ్ సైటు నుండి