తుమ్ము

తుమ్ము అనేది ముక్కు, నోరు ద్వారా ఊపిరితిత్తులలోని గాలిని ఒక్కసారిగా బయటికి పంపివేసే చర్య. ముక్కు లోపల కొన్ని అన్యకణాలు ప్రవేశించి చిరాకు కలిగించడం దీనికి ముఖ్య కారణం. దీని వల్ల మ్యూకస్ నాసికా మార్గం ద్వారా, ఎంగిలి నోటి మార్గం ద్వారా బయటకు వెళుతుంది. తుమ్ము ఒక పెద్ద శబ్దంతో, హఠాత్తుగా అసంకల్పిత చర్య ద్వారా నోరు, ముక్కు నుండి గాలిని బలవంతంగా బయటకు పంపుతుంది. తుమ్ములు సాంక్రమిక ఏరోసోల్ బిందువుల ద్వారా వ్యాధిని వ్యాప్తి చేయగలవు కాబట్టి, తుమ్మేటప్పుడు ముంజేయి, మోచేయి లోపలి భాగం, లేదా రుమాలుతో నోరు, ఇంకా ముక్కును కప్పుకోవాలని సిఫార్సు చేస్తారు. నిద్రలో ఉన్నపుడు కండరాలు విశ్రాంతి స్థితిలో ఉండటం వలన సాధారణంగా తుమ్ములు రావు. ఒకవేళ అందుకు అనుగుణమైన పరిస్థితులు వచ్చినా, ముందు మెలకువ వచ్చిన తర్వాతనే తుమ్ము వస్తుంది. తుమ్మినప్పుడు, అసంకల్పిత క్రియ కారణంగా మానవుల కళ్ళు వాటంతట అవే మూసుకుపోతాయి.

తుమ్ము
నాసికా మార్గంలో చిరాకు కలిగించే అన్యకణాలను బయటకు పంపించడానికి తుమ్ము వస్తుంది.
Biological system	శ్వాస వ్యవస్థ
ఆరోగ్యము	మంచి చేస్తుంది
చర్య	అసంకల్పితం
ప్రకంపనలు	Irritants of the nasal mucosa Light Cold air Snatiation Allergy Infection
పద్దతి	నోరు, ముక్కు ద్వారా బయటకు
ఫలితము	Removal of irritant

సాంక్రమిక వ్యాధులు

ఆరోగ్యంగా ఉన్నవారిలో సాధారణంగా తుమ్ములు ఎటువంటి హానీ చేయనప్పటికీ ఒక్కోసారి తుమ్ముల ద్వారా గాలిలోకి విడుదలయ్యే తుంపరల ద్వారా వ్యాధులు వ్యాప్తి చెందే అవకాశం ఉంది. ఈ తుంపరలు సుమారు 0.5 నుంచి 5 మైక్రోమీటర్ల పరిమాణంలో ఉంటాయి. ఒక్కో తుమ్ము ద్వారా ఇలాంటి బిందువులు సుమారు 40,000 విడుదల అవుతాయి.